SAM 31:22 - Khumi Common Language Bible

²² Nang ly kai ai nangmy mo i dengdairei patheu veng bo, nanai y kai ly jei naimy paleung mawn parai nai ne. Na i py nang teng y kasabawmra nga ai nai aeu nai khala, nang ly kai i aeu nai raawi thai bo.

SAM 31:22 ပူးပေါင်းရင်းမြစ်များ

JOBA 35:14

Joba awi, nang ly Tameuh ai niu pajau y, nanai thui; kham naimy ajeng iy awm ba. Nang i sa nai ly mymy i mo y tym bo.

SAM 116:11

“Kai ly khri pa-rei paleung mawn naira avum bo,” nanai py, kathui nai khala y, Areng ai ym veangveang nai ne.

SAM 17:7

Nang i lyh ai hawi parai nai tamen naira amteng hai iy, kai ai atleu kyh ba; nang i sahawi y kai ly paleung ka-echi my patang hai naira i nai, law tleaung naira nga bo.

SAM 31:17

Aw Areng, kai ly nang teng y chiu sa hnei takeng nai ne. Kai ai kangji ngo hai moh kyh ba. Khumi hawi y naichi ly kangji kangai ngo u sy. Nichi ly tavau pri y syhp, ti u sy.

SAM 6:9

Sabawm naira nga ai nai kai i hnei nai raawi thai bo; kai i chiu sa nai pathang pi ai.

SAM 66:20

Tameuh ly kai i chiu sa hnei takeng nai tangai y nai awm pi vai y nai py, kai teng i nai khaw parai nai tamen naira ai, lo pi veng y nai deaungkho y, kai ly mymy ai palo nai ne.

SAM 88:16

Nang i khri pa-rei kado theu nai ly kai ai tama hai bo; nang i ka-jei awm nai tiu naichi ly kai ai tama hai bo.

ISAIA 49:14

Na i py Jerusalem mary i khumichi ly “Areng ly kaichi ai khai su bo! Mymy ly kaichi ai tami veng bo,” nanai thui u nai ne.

ISAIA 6:5

Kaimy py, “Kai teng y athang khai naira by y leang bo. Kai ly taham si parai na ly! Ati mana nai mo nabaly kai i labeaung mang theu nai leu ngiereichi ly chai y i, chai y nai leu naini katheu reng nai khumichi theung y kaawm nai ne. Na i py vai, kai ly ati cheaungkhang sa thai nai Areng! napi nai samrang ai kaniu lawh bo,” napi.

Ezekiela 37:11

Tameuh my kai teng y, “Nang khumicho awi, Israela chengchi ly huni hiuchi hawi atawm teang. Nichi my kaichi ly hiu kapeaungchi ne i, dei nai teu bo; mo mang i vui athang khai naira by y leang bo, nanai thui u nai ne.

JONA 2:4

Nang i mei ka-niu i nai kai ai patheu vui nai deaungkho y, nang i Achura yhm kachai ai, mana khala py niu ai ny y leang bo, nanai dawn.

LUKA 11:10

Ami py hnei nai ngierei ly nga ai; ami py hau baly niu ai; ami py takhei baly ang paeaung pi ai.

HEBRAI 5:7

Ni ly tlang y awm nai thym khala y ly, dei naira y mymy ai paheng pajau nai keung teng y ly khrikhri pa-rei aeu nai hawi mei katiu tla nai tarawi y chiu sa nai hawi atiti hnei nai talam iy, Tameuh teng y aau nai deaungkho y ang tangai pi:

1 SAMUELA 23:26

Sawla hawi my i risachi ly mawi Makengrei mang y awm i, Davida hawi ni i risachi ly takhra Makengrei mang y awm u. Sawla hawi ni i risachi ly Davida hawi ni i khumichi ai patiu nai ngavi na bo i, Davida hawi ni i khumichi ly law tleaung ai nai atho sa u bo.

1 SAMUELA 25:32

Davida my ni teng y, “Vaini kai hawi avum ai nai nang ai pato nai keung Israela chengchi i Areng Tameuh ly palo naira awm sy!

1 SAMUELA 27:1

Sawla my kanirei nai khala ly kai ai ang padei takengkei ai; Philistia pri mang y preang vui nai ly kai i vui hawi keh nai ne. Huna nai khala y ni ly kai ai Israela pri y hau y ai bo i, kai ly chymme naimy kaawm ai nai nga ai,” nanai Davida ly adawn bo.