SAM 31:21 - Khumi Common Language Bible

²¹ Areng ai ly palo u! Kai ai taki naimy tiu u nai khala, nangmy patei pi nai tamen naira ly khrikhri pa-rei lyh ai hawi parai na!

SAM 31:21 ပူးပေါင်းရင်းမြစ်များ

JOBA 5:21

Tameuh ly nang ai li-tapawp nai hawi, tahm panem nairachi dengdairei ama hai iy, khri pa-rei patang hai naira tym nai neng khala py atleu bo.

SAM 118:23

Hini ly Areng i sa nai kalop ne; achi i mei ka-niu y lyh ai awm parai na a!

SAM 17:7

Nang i lyh ai hawi parai nai tamen naira amteng hai iy, kai ai atleu kyh ba; nang i sahawi y kai ly paleung ka-echi my patang hai naira i nai, law tleaung naira nga bo.

SAM 27:5

Patang naira tym nai neng khala y, mymy ly kai ai ang kry ai. Achura yhm y chymme naimy ang khai ai. Patang naira avum y ai nai lengseaung pui saleung y ang khai ai.

SAM 98:1

Areng ai ly khulym kangtha thui naimy palo u; mymy ly lyh ai hawi nairachi sa. Mymy ly mymy i sa thai naira hawi, atho haiho hawi py eaung naira nga nai ne.

JEREMIA 1:18

Jeremia awi, tangai ba! Hini pri y awm nai khumi bawibawichi napi nai Juda samrangchi, samrang i bangtangchi, pathyp pi nai keungchi hawi, mipuichi ly nang ai ang tiu u ai. Na i py nichi ai amtang pajau ai nai pa-rei, nang ai vaini kang sa pi ai. Nang ly amtangra mary kamta py, tamo yhmmawm hawi kheupaja angpang kamta py lawm ai. Kai ly nang hawi vanrei awm ai i, nang ai ama hai ai. Hunai deaungkho y nichi ly nang ai ang tiu pajau ai ny y. Hini ly kai Areng i thui nai leu ne, napi.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;