SAM 31:19 - Khumi Common Language Bible

¹⁹ Nang ai jei naimy tahm khai nai khumichi i vui pateung pi yb nai hawi nairachi ly khri pa-rei lyh ai hawi parai na ly! Nang ly hawi, nanai py, nang teng y abyh nai khumichi ai ama hai, nanai py, khumi bawibawichi my pany u bo.

SAM 31:19 ပူးပေါင်းရင်းမြစ်များ

SAM 12:5

Areng my, “Na i py khumi kamawnchi ly ana pumpi naira avum u nai py, ana piupa naira avum nai khumichi ly no patang naira hawi tangam u nai deaungkho y, kai ly vaimy jeu praw ai. Nichi i kadeaung nai law tleaung naira ai, nichi teng y kaimy kapei ai,” napi.

SAM 16:11

Nang ly kai ai heng naira lam patei pi ai; nang ly kai i sahawi y awm nai deaungkho y, kai ly amo theu iy deungtasarei paleung tuinem naimy awm bo.

SAM 23:5

Nang ly kai i vui paleung ka-e bawibawichi i mo y sabawi sawn pi rym bo. Tahm awm nai angvyn kamta, kai ai asitui lei iy lamchung bo. Kai i khau py lem na pa-rei kawi hai bo.

SAM 68:28

Aw Tameuh, samrangchi my nang teng y langseaungchi talam naira y,

SAM 73:1

Tameuh ly paleung chai nai khumichi napi nai Israela chengchi ai meitang khyp, hawi hai nai ne.

ISAIA 26:12

Aw Areng, nang ly kaichi ai nang chawn ai nai pei ai. Kaichi i eaung nai ngiereichi ly nang i sa pi naichira i hawi naira ne.

ISAIA 35:10

Nichi ly amo theu seu naimy khulym thui iy, Jerusalem mary mang y tym u ai. Nichi ly amo theu u jojo ai. Paleungsi paleung mawn naira pipi awm ai ny y.

ISAIA 64:4

Nangmy ai kadeaung u nai khumichi i vui y, hina nai kalopchi ai nang kamta sa pi nai Tameuh ai ly ami py niu vai y. Huni Tameuh satang thai py thai vai y.

Kati Nai 23:23

Atam kakawpchi, uimiu khawn kawp naichi i kasabawmra hawi Israela chengchi ai ami py tiu pajau y leang. Tameuh my Israela chengchi tlang tleaung y sa pi nai sai ly lyh ai hawi parai!,’’ nanai thui achi nai awm ai.

JOHAN 3:21

Na i py ami py kateng sa nai ngierei ly mymy i atiti sa naichi Tameuh i saho y sa nai ne, nanai amteng hai ai nai kangvang y theu ai,” napi.

AMTAW 15:12

Hunaibaly khumi mipui bawibawichi ly katheu y naimy Barnaba nini Pawla ai Tameuh my teaung iy cheng Takhrachi theung y ka-ma-rachi hawi atiti lyh ai awm naichi satang thui pi nai sala ryrei ly tangai u bo.

ROM AVANGCHI TENG Y PAWLA I CHA PA NAI 11:22

Hunaibaly Tameuh i neaung hawi nai sai hawi ryh patyh pa-rei ang parip nai sai ly dawn cham; atlym naichi i vui ly ryh patyh pa-rei ang parip nai ne; naibaly nang ly mymy i neaung hawi naira y awm jojo baly, Tameuh i neaung hawi nai sai naini nang i vui ne; ti y baly nang ai py ang do vui teang ai.

I KORINTH 2:9

Na i py, “Mei y niu vai y nai, kano y thai vai y nai, Khumi i paleung y kun vai y nai ly Tameuh my mymy ai tamen naichi i vui sa pi rym nai ngiereichi ly,”

II KORINTH 5:5

Naibaly huni i vui kypkyp y kaichi ai ang sa pi rym nai keung ly Tameuh ne, mymy ly kaichi ai Phailo ang pei yb nai ne.

HEBRAI 10:34

Nangchi ly theaung y tla naichi ai py tamen u bo, naibaly awm jo nai yhmtheaung hawi keh nai awm, nanai pany u iy, nangchi i yhmtheaung ang lawm pi nai py amo theu naira palawn u bo.

JAKOB 2:5

Amjo amnau ngai parai naichi awi, khen u cham; Tameuh my hini khaileaung pri i khumi kamawnchi ai ly ym naira y nang ai nai hawi, mymy ai tamen nai keungchi teng y pri adeu nai ly amtym ai nai py vawi nai ny y a?