SAM 31:18 - Khumi Common Language Bible

¹⁸ Paleung len amlyh naimy khumi kahawichi ai thui preaung reng nai khumi katapawpchi i labeaung ai tamyh vui ba.

SAM 31:18 ပူးပေါင်းရင်းမြစ်များ

2 NENG SATANG 32:16

Asuria tavailu areng my py Areng Tameuh hawi Areng i miseaung Hezekia i tlang tleaung y, huni tleaung y thui tamawn nai leu katheu rai nai ne.

SAM 12:3

Aw Areng, palo hawp reng nai palaichi takip veng ba! Amlyh reng nai khumichi i labeaungchi py tamym pi vui ba.

SAM 120:2

Aw Areng, ka-chawi thui reng naichi hawi tapawp hyp reng nai khumichi kiu i nai kai ai atleu kyh ba.

SAM 25:3

Nang ai ym nai khumichi ly sum naira avum u y ai. Nang ai tiu ai nai panga y naichi naini sum u ai.

SAM 59:12

Nichi i labeaung, nichi i katheu nai leu ngierei molam y, kamngo sa u teang bo; nichi ly mychi i paleung len maimy patlai teang sy! nichi ly pasawi iy ka-chawi leu katheu u reng nai deaungkho y,

SAM 63:11

Tameuh ly samrang ai eaung naira pei nai deaungkho y, samrang ly amo theu ai. Tameuh i amyn y leu adeu nai khumi bawibawichi ly mymy ai palo u ai; na i py ka-chawi leu teaung nai khumichi i labeaung ly amkyn me ai.

SAM 94:4

Kamngo sa tamang nai khumichi ly mana tanrei paleung len amlyh iy, mychi i sa tamang nai kamngochi ai amlyh naimy awm u ai a?

LEU KACHENG 12:19

Ka-chawi leu ly deung dawi; na i py ka-ym awm nai leu ly deung sau nai ne.

ISAIA 54:17

Na i py mani tavai ateaung py, nang ai no pei pajau y leang. Nang ly nangmy ai ang seu nai ngiereichi ai, tlau teang pajau ai. Kai ly kaimy i miseaungchi ai kry iy, eaung naira kapei ai,” napi. Hini ly Areng i leu pei nai ne.

MATTHAI 10:25

Amtiu nai keung ly mymy ai patiu nai keung kamta lawn ai nai hawi, miseaung ly mymy i yhmkeung kamta lawn ai nai py hawi khyp bo. Yhmkeung ai malawn py Beelzibula napi baly, mymy i dengtheungchi ai ipsaly mana tanrei napi ai mo!

MATTHAI 12:24

Na i py Pharisaichi ly huna nai thai iy, “Hini khumi ly vawinam areng Beelzibula ny y baly vawinamchi ai patheu nai ny y leang,” napi.

JOHAN 8:44

Nangchi ly ngampo Setan teng i theu nai i, ngampo i ngai phi teng y nai sa ai nai ngai chy bo. Ni ly angchei kha i dengdairei khumi ai padei nai keung ne, naibaly ni teng y leu meitang ha py by y nai deaungkho y mymy ly leu meitang y awm y leang. Mymy ly ka-chawi thui nai khala y amy i satang thui khyp nai ne: ati mana nai mo nabaly mymy ly ka-chawi thui nai keung ne, ka-chawi ampo py ne.

JOHAN 8:48

Judachi my ly, “Nang ly Samari khumi ne; nang ai vawinam my nam bo, nanai kaichi i thui nai ly teng khyp lo-oh?” nanai pathang.

AMTAW 25:7

Naibaly mymy tym iy Jerusalem i nai kathiu nai Judachi ly mymy i ahawi y angdo iy, mymy i tlang tleaung y leu kaji hawi y parai tlai nai thui ryry i, leu kateang mang ly ha py amkhaw ai nai ngo thai y;

JUDA 1:15

Tameuh ai tahm khai y nai bawibawichi i tahm khai y nai sala y Tameuh ai dawndan y nai sa naira bawibawi lam y hawi, Tameuh ai tahm khai y nai kamngo sa nai keungchi i mymy i tlang tleaung y leu kasi thui nai bawibawi lam y py pasum ai nai, Areng my ly mymy i tep rep ma pany y nai khumi kachaichi hawi ang jeu nai bo,” napi.

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.

AMTENG HAI NAI 22:15

Angam mang y ly uichi py, atam kawpchi py, angai naichi py, khumi ai padei naichi py, myn y chiu naichi py, ka-chawi thui jeaung reng iy ka-chawi sa naichi py awm u bo.

1 SAMUELA 2:3

Areng ly ati cheaungkhang pany nai sai angym nai ne iy, khumichi i sa nai ngierei tara chih pi i, nangchi ly aeu iy amlyh u moh. Labeaung mang paleung len nai leu theu moh sy.