SAM 31:16 - Khumi Common Language Bible

¹⁶ Nang i miseaung kai ai pahen nai paleung hawi khen ba. Nang i khaw parai nai tamen naira hawi vanrei, kai ai atleu kyh ba.

SAM 31:16 ပူးပေါင်းရင်းမြစ်များ

SAM 106:45

Mymy ly nichi hawi ai nai molam y Leu Maikawm pany pi bo; ati mana nai mo nabaly mymy i tamen naira len parai nai deaungkho y, kado theu nai ly rym nai ne.

SAM 3:8

Areng ly eaung naira pei pajau nai keung ne; mymy i khumichi tlang tleaung y amtheaung naira tym hai sy,

SAM 30:7

Aw Areng, nang ly kai ai hawi hai bo. Mawi salo i lengseaung yhm kamta, kai ai khaw hai bo. Na i py nang ly kai ai meimai hi pi vui nai khala y, kai ly jei hyn nai ne.

SAM 4:6

“Aw Areng, amtheaung naira pei panawi bi kyh ba. Kaichi i tlang tleaung y pahen nai paleung hawi khen ba,” nanai khumi neangneangchi my chiu sa u bo.

SAM 51:1

Aw Tameuh, nang i khaw parai nai tamen naira hawimy kai ai pahen kyh ba. Khri pa-rei pahen naira len parai nai hawimy kai i kamngochi palawi pi kyh ba!

SAM 6:4

Aw Areng, jeu ly kai ai atleu ba; nang i pahen naira hawimy, kai ai deira i nai atleu kyh ba.

SAM 67:1

Aw Tameuh, kaichi ai tamen ly amtheaung naira pei kyh ba; pahen nai paleung hawi, kaichi ai khen kyh ba.

SAM 80:19

Ati cheaungkhang sa thai nai keung Areng Tameuh, kaichi ai vawi ali teang ai nai pei kyh ly nang teng i pahen naira kaichi teng y patei kyh ba; hunaibaly kaichi ly atleu naira nga u ai.

SAM 80:3

Aw Tameuh, kaichi ai vawi ali teang hai kyh ba! Kaichi teng y pahen naira pei kyh ba; naibaly kaichi ly atleu naira nga u ai!

SAM 80:7

Ati cheaungkhang sa thai nai keung Tameuh! Kaichi ai vawi hai ali teang kyh ly nang i pahen naira kaichi teng y patei kyh ba; hunaibaly kaichi ly atleu naira nga ai!

DANIELA 9:9

Kaichi ly nang i leu tangai y teu i py, nang ly kaichi ai pahen iy kaichi i kamngochi pahen pi bo.

ROM AVANGCHI TENG Y PAWLA I CHA PA NAI 9:15

Mymy ly Mosi teng y, “Kai kapahen nai ngierei ai ly kaimy ngaingai kapahen ai, ami i tlang tleaung y neaung kahawi nai ngierei ai ly kaimy ngaingai neaung kahawi ai,” nanai thui.

ROM AVANGCHI TENG Y PAWLA I CHA PA NAI 9:23

kado theu naira laawm, tama ai ataing naichi i tlang tleaung y ly amnym tanga iy, mymy i kado theu nai hawi mymy i atiti sa thai naira amteng hai ai nai ngai teu iy py, mana sa ai mo?