SAM 31:1 - Khumi Common Language Bible

¹ Aw Areng, kai ly nang teng y abyh ai nai ahihawi bo. Kai ai mana khala py sum hai moh kyh ba. Nang ly leu meitang adyh adawi nai Tameuh ne. Kai ai atleu kyh ba; kai ly kang hnei kang takeng nai ne!

SAM 31:1 ပူးပေါင်းရင်းမြစ်များ

SAM 143:1

Aw Areng, kai i chiu sa nai tangai pi kyh ba! Nang ly neaung hawi parai nai deaungkho y, kai i takeng nai pathang pi kyh ba; nang ly ka-ym awm nai deaungkho y, kai i hnei takeng nai tangai pi kyh ba.

SAM 25:2

Kai i Tameuh, kai ly nang ai kang ym bo. Tavai sum iy kangji nga naira i nai kai ai atleu ba. Kai ly sum nai deaungkho y, paleung ka-echi ai paleung amo theu ai nai pei moh.

SAM 43:1

Aw Tameuh, Kai teng y kamngo by y, nanai amthang hai kyh ba. Tameuh ai pany y nai khumichi ai ka-awi sa iy, kai mang y amo hai kyh ba. Tapawp nai hawi khumi hawi y naichi kiu i nai kai ai atleu kyh ba.

ISAIA 49:23

Samrangchi ly ampo kamta nangchi ai ang kry iy, samrangnuchi ly amhm kamta pacho panei ai. Nichi ly lu meung naimy nang ai chiu u ai. Nichi ly tahm apanem naimy, nang ai tahm khai nai sai patei ai. Huna nai khala y kai ly Areng ne, nanai nangchi pany u ai. Kai i kasabawmra ajeng nai ngiereichi ly paleung phra ai ny y,” napi.

DANIELA 9:16

Aw Areng, nang ly vaichi khala y kaichi ai kry nai ne. Hunai deaungkho y Jerusalem mary ai kado theu hai bi moh kyh ba. Huni mary ly nang i mary, nang i mawi kachai ne. Kaichi i kamngochi hawi amsi pajochi i sa tamang nai molam y, saleaung deaungpa prichira i khumi bawibawichi ly Jerusalem mary hawi nang i khumichi ai khen nau nai ne.

ROM AVANGCHI TENG Y PAWLA I CHA PA NAI 10:11

Tameuh i cha-iu ly, “Ami py mymy ai ym nai ngierei ly amthang leaung y ai,” napi nai ne.

ROM AVANGCHI TENG Y PAWLA I CHA PA NAI 5:5

naibaly Phailo Kachai achi teng y ang pei nai Tameuh i tamen naira ly achi i paleung y ang lei chum nai deaungkho y athang khai naira my ly amthang hai leaung y leang.