SAM 30:5 - Khumi Common Language Bible

⁵ Mymy i kado theu nai ly tanareichy khyh; hawi naira ly deungtasarei ne. Vum y meikatui beu teu i py, khawn mang y ly amo theu hai ali teang nai ne.

SAM 30:5 ပူးပေါင်းရင်းမြစ်များ

ATITI AWM ANGCHEI NAI 32:24

Mymy leaungrei kangkhym y awm jo. Huna nai khala, khumi leaungrei tym i mymy hawi khutawi pa-rei ani bo.

SAM 103:17

Na i py Areng ai jei naimy tahm khai naichi i vui y, mymy i tamen nai ly deungtasarei khaw jo nai ne.

SAM 103:9

Mymy ly sa tamang nai y avawrei jo preng y; mymy ly kado theu jojo y leang.

SAM 143:8

Nang i khaw parai nai tamen naira ly kai ai khawn tleirei pany hai jo kyh ba; kai ly nang ai ym nai ne. Kai i chiu sa nai nang teng y tym sy; kai i tako ai nai lam patei pi kyh ba.

SAM 145:10

Aw Areng, nang i sa nai heng nai amjy bawibawichi ly nang ai palo u ai; nang i khumichi ly kawn nai palo u ai.

SAM 16:11

Nang ly kai ai heng naira lam patei pi ai; nang ly kai i sahawi y awm nai deaungkho y, kai ly amo theu iy deungtasarei paleung tuinem naimy awm bo.

SAM 46:5

Huni mary pui ly Tameuh i awm naira ne nai deaungkho y, mana khala py phra pajau y; khutawi mo neng khala mymy ly ang jeu iy, huni mary y sabawm ai.

SAM 47:7

Tameuh ly khaileaung pri verei i samrang ne; khulymchi hawi mymy ai palo u!

SAM 59:16

Na i py kai ly nang i sa thai naira satang khulym thui ai; nang i khaw parai nai tamen naira satang ai, khawn tleirei khulym thui ai. Nang ly kai i abyhra khengsi apai, patang naira avum nai khala y kai i abyhra ne.

SAM 63:3

Nang i khaw parai nai tamen naira ly hengra tleaung y py hawi keh; hunai deaungkho y kai ly nang ai kang palo ai.

SAM 97:12

Nangchi khumi kahawi bawibawichi awi, Areng i sa pi nai saichi molam y amo theu u! Chai parai nai Tameuh i sa nai saichi ai pany u jo ly mymy ai kawn nai palo u.

THEU NAI 3:15

Naibaly Areng my Israelachi teng y, “Nangchi i amsi pajochi i Areng, Abraham i Tameuh, Isaka i Tameuh, Jakob i Tameuh napi nai Areng Tameuh my nangchi teng y kai ai ang pato nai ne,” nanai Israela chengchi teng y thui pi ai nai tla. Huni amyn ly deungtasarei kai i amyn ne; momang i deung kangthauchi ly huni amyn hawi kai ai palau u ai.

ISAIA 12:1

Khumichi my hina nai palo nai neng kani tym ai, “Aw Areng, kai ly nang ai kang palo nai ne. Nang ly vaichi khala, kai i tlang tleaung y kado theu hai bo; na i py vai ly kado theu hai y bo i, awmnem naira pei bo.

ISAIA 26:20

Kai i khumichi awi, nangchi ly nangmychi i yhm theung y kun iy, katheuchi akho u. Tameuh i kado theu nai rym nai ryrei, neng tanareichy aheu u daw.

HOSEA 6:3

Achi ly Areng ai pany ai nai atho so u sina. Khawn khutawi reng nai kamta, nicho neng khala khaileaung salo y kani nai hai reng nai kamta, mymy ly achi teng y ang jeu takengkei ai,” nanai thui u bo.

MATTHAI 5:4

“Paleung mawn naichi ly taham hawi: nichi ai ang awm hai nem ai.

II KORINTH 4:17

Naibaly kaichi i patang nai di parai nai, vai mei amsymrei chy nai sala y awm nai my ly, khri pa-rei nang parai ai naira deungtasarei vui ang sa pi ryhryh nai ne;

AMTENG HAI NAI 22:1

Naibaly mymy ly huni i lam pareaung sala y heng naira jangpang tui, krustala lengseaung kamta angvang nai, Tameuh hawi Beram Cho i areng atehra dengdairei theu nai ang khen hai.

AMTENG HAI NAI 22:17

Naibaly Phailo hawi deaung vawi nai anglo my, “Jeu ly,” ang napi. Thai nai khumi py, “Jeu ly,” tapi sy. Tui ahai nai khumi ly jeu sy: ngai nai khumi ly heng naira tui jawm my lo sy.