SAM 30:11 - Khumi Common Language Bible

¹¹ Nang ly kai ai paleung mawn naira i nai amo theu naimy lam hai bo. Kai i paleung si nai ka-ma-ra paisiu aleng iy, amo theu nai ka-ma-ra ateaung amthyp ai nai pei bo.

SAM 30:11 ပူးပေါင်းရင်းမြစ်များ

ATITI AWM ANGCHEI NAI 37:35

Mymy i chapo chaniu leilachi my py khri pa-rei parawi, na i py mymy ly nichi i parawi nai leu ai tangai pi y i, “Kaimy i chapo i vui y paleung si vo tangam nai hawimy kai ly dei iy tavau kho y ka-vum ai,” napi. Hunai deaungkho y mymy ly chapo Josepha i vui y paleung si paleung mawn jojo nai ne.

ATITI AWM ANGCHEI NAI 45:28

mymy ly “Kai i chapo Josepha heng jo lawh na a! Kai i kadeaung nai ly angym bo! Kai dei y rai khala ni hawi avum ai nai kachei ai,” nanai thui nai ne.

2 SAMUELA 6:14

Davida ly ateaung kanem harei naini amthyp iy, Areng i nang parai nai sai palo nai, ham parai naimy lam.

2 NENG SATANG 20:12

Nang ly kaichi i Tameuh ne! Kaichi ly vai, ang tiu ai nai jeu nai tavaimi kamkawm pui ai kaichi ly amtang pajau y nai deaungkho y, mana sa ai mo, nanai dawn pajau y. Na i py kaichi ly sabawm naira nga ai nai, nang teng y angdeang u nai bo,” nanai tao pajeng parai naimy chiu sa nai ne.

2 NENG SATANG 20:3

Jehoshapha ly jei phi nai deaungkho y Areng teng y chiu sa. Naibaly ni ly Juda pri verei y biu hai ai nai kani khai pi bo.

2 NENG SATANG 20:9

Tavai ka-jeira, chym thai nai no mi ka-jeira, takang ka-jeirachi napi nai, mani ka-jeira py ne sy, tym nai thym khala nichi ly nang ai chiu ai nai Achura yhm mo jeu iy angdo naimy chiu sa baly, nang ly tangai pi iy, nichi ai atleu pi ai, nanai kaichi ym.

NEHEMIA 8:10

Vai ly yhm y vawi u iy amo theu naimy cho nei u. Nangchi i teicha teinei hawi kreip hang ly khumi kamawnchi teng y paji pi u. Vaini ly achi i Areng i kani kachai ne nai deaungkho y, paleung mawn u moh. Areng teng i nga nai amo theu naira ly nangchi ai atho angym hai ai,” nanai thui u nai ne.

ESTHER 9:22

Huni kanichi ly paleung ka-echi ai Juda chengchi my tamyh nai kanichi ne. Huni lo ly nichi paleung si paleung mawn naira i nai paleung amo theu naira mang y amtlau vui nai lo ne. Hunai deaungkho y nichi ly huni kanichi tleirei y amo theu nai pawichi sa u iy, mymychi tengtawi py, khumi kamawnchi ai py, teicha teinei langseaungchi pei pi u ai nai ne.

SAM 149:3

Lam nai hawimy mymy i amyn palo u; atymchi hawi tarochi beu naimy mymy ai palo u.

SAM 150:4

Atymchi beu iy lam naimy mymy ai palo u. Tarochi, byhlyhchi hawi mymy ai palo u.

SAM 27:7

Aw Areng, nang ai kaimy palau nai khala pathang pi kyh ba! Pahen parai naimy pathang pi kyh ba!

SAM 30:5

Mymy i kado theu nai ly tanareichy khyh; hawi naira ly deungtasarei ne. Vum y meikatui beu teu i py, khawn mang y ly amo theu hai ali teang nai ne.

SAM 4:7

Na i py kai teng y nang i pei nai amo theu naira ly choh hawi kreip hang nang naichi i amo theu nai tleaung y typ keh.

Parip nai leu 3:4

Paleungsi ai nai neng hawi amo theu ai nai neng py, vo tangam ai nai neng hawi lam ai nai neng py,

ISAIA 25:3

Sathai naira haiho len nai khumichi ly nang ai palo u ai. Pahyp y naimy ana nai khumichi awm nai marychi py, nang ai jei naimy awm u ai.

ISAIA 25:8

Areng ly dei naira ai deungtasarei taphra vui ai. Khumi cheng cheaungkhangchi i mei katuichi tamui pi iy, khaileaung pri verei y mymy i khumichi avum nai kangji kangaichi ai py, tama hai vui ai. Hini ly Areng mymy kypkyp my thui nai leu ne!

ISAIA 61:10

Jerusalem mary ly Areng i sa nai kalop molam y amo theu ai. Ni ly apom ai nai ateaung amthyp nai, deaung vawi nai anglo hawi atawm. Tameuh ly ni ai atleu naira, eaung nairachi hawi amthyp hai bo.

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

JEREMIA 31:4

Kai ly nangchi ai kang palum ali teang ai. Nangchi ly katyn kapauchi beu iy, amo theu naimy lam u ai.

JEREMIA 52:33

Hunai deaungkho y Jehojakhin ly theaung i ateaungchi aleng ai nai nga iy, heng nai sala ryrei samrang hawi vanrei cha nei ahawi ai nai nga.

LUKA 15:22

Na i py ampo my ly mymy i miseaungchi teng y, ‘Kanih hawi keh nai lo kaliki ly, akhiu hai u; kiu pajeung y kiu sabyh hawi, kheu y phainai py pachu hai u,

JOHAN 16:20

Meitang khypkhyp kang thui pi, nangchi ly mei katui tla ai i neangneang vo ai; khaileaung prichi naini kawn ai, na i py nangchi i paleung mawn naira ly kawn naira lawn ai.

AMTENG HAI NAI 21:4

Naibaly mymy ly nichi i mei katui bawibawi tamiu pi ai; dei naira py awm bi y leang bo; paleung mawn nai py, vo nai py, no nai py awm ali bi y leang bo: atiti kangman i naichi ly tama bo,” nanai kathai.