SAM 30:1 - Khumi Common Language Bible

¹ Aw Areng, kai ai atleu nai deaungkho y py, kai i patang nai molam y paleung ka-echi my paleung ateng hai ai nai pei y nai deaungkho y py, nang ai kai ly kang palo nai ne.

SAM 30:1 ပူးပေါင်းရင်းမြစ်များ

2 SAMUELA 20:3

Davida ly Jerusalem mary y awm nai mymy i yhm y tym nai khala y, samrang i yhm typ ai nai khai jo nai, samrangnu ai kry nai leaung horeichi ai vym vui iy, tamcheaung typ naichi i anui y khai bo. Nichi i vui aly ngai nai ateaung alangchi pei pi teu i py, samrang ly nichi hawi i ahawi y leang. Nichi ly neampachy lumai kamta, deungrei awm u ai nai tla bo.

2 SAMUELA 24:25

Samrang ly huni meingtymra y Areng i vui maicham sa iy leng patlum nai hawi amkawm teang nai kapathyprachi talam bo. Areng my py samrang i chiu sa nai pathang pi i, Israela pri y no kanghawi anawn hai bo.

2 SAMUELA 5:11

Turu samrang Hiram ly Davida teng y savaichi pato. Samrang i yhm sa ai nai i vui y Seda keung, lasama hawi iusai yhm sa kawp nai keungchi pato pi bo.

2 SAMUELA 6:20

Naibaly Davida ly mymy i yhm dengtheungchi ai kawn ai nai yhm mang y vawi nai khala y, Sawla i chaniu Mikhala ly ni ai lamchung ai nai theu. Mikhala my, “Kangji by y nai khumi ka-khum i ateaung alei nai kamta, miteaung kehchi i miseaung neampachychi i mo y, amy i ateaung alei nai Israela samrang ly vaini, phum-ang len parai na ly!” napi.

2 SAMUELA 7:2

Amo Nathan teng y,” “Khen cham, kai ly Seda keung hawi sa nai samrang yhm y awm ai nai nga teu i py, Tameuh i Leu Maikawm Pawm ly kanih yhm theung y awm jo lawh ly!” napi.

1 ARENG KEH 8:63

Samrang ly si 22,000 rei hawi beram 120,000 reichi ai amkawm nai kapathypra talam bo. Hunai kamta samrang hawi mipui bawibawichi ly Achura Yhm khai takhra nai ne.

1 NENG SATANG 21:6

Juaba ly samrang i leu pei nai kamta, khumi amyn vuikanai la ai nai ngai y nai deaungkho y, Levi hawi Benjamin theaungchi theung i amyn vuikanai lo pi y.

SAM 13:4

Kai i paleung ka-echi my, “Achi ly ni ai pajau bo,” nanai thui ai nai pei moh kyh ba. Nichi teng y kai i atlym nai molam y, amo theu ai nai pei moh kyh ba.

SAM 140:8

Aw Areng, khumi aso y naichi i kangai angym hai moh kyh ba; nichi i katau hawi y naichi ly eaung ai nai pei moh kyh ba.

SAM 145:1

Kai i Tameuh, kai i samrang, kai ly nang i nang parai nai sai amthang hai ai; nang ai kawn naimy deungtasarei palo ai.

SAM 25:2

Kai i Tameuh, kai ly nang ai kang ym bo. Tavai sum iy kangji nga naira i nai kai ai atleu ba. Kai ly sum nai deaungkho y, paleung ka-echi ai paleung amo theu ai nai pei moh.

SAM 27:6

Hunai deaungkho y kai ly kai ai ang takimeuh nai paleung ka-echi ai eaung naira nga ai. Kai ly amo theu aeu naimy Achura yhm y apathyp ai. Khulym thui naimy Areng ai palo ai.

SAM 28:9

Aw Areng, nang i khumichi ai atleu kyh ba. Nangmy peang nai khumichi ai amtheaungra pei kyh ba. Nichi ai beram typ keung kamta, kry jojo kyh ba.

SAM 35:19

Kai i paleung ka-e, khumi katapawpchi i sum nai molam y, paleung ateng hai ai nai pei pi moh. Ati sai py ny y naimy kai ai niu ngai y nai khumichi ai ly kai i paleung si nai molam y panui hai ai nai pei pi moh.

SAM 41:11

Paleung ka-echi ly kai ai eaung ai ny y nai deaungkho y, kai i tlang tleaung y nangmy khrei, nanai kai pany pajau ai.

SAM 66:17

Sabawmra nga ai nai, mymy teng y kai aeu bo; mymy ai khulymchi hawi kapalo pi ai.

SAM 79:10

“Nangchi i Tameuh ly ma mang y mo?,” nanai khumi cheng cheaungkhangchi ly ati mana nai y deng u lawh mo? Nang i khumichi i thi leaung hai nai khumichi i tlang tleaung y kamngo pajeng nai ly kaichi niu ai nai ngai.

SAM 79:4

Tengpang sahawi y awm nai prichi my ly panui hai iy thui preaung u nai ne.

TANGAM NAI LEU 2:15

Mary aki aleaung nai khumichi ly mei aniu y nai sa iy kiu tabeang u. Nichi ly lu heang naimy Jerusalem mary kaphra ai panui hai paryp u bo. “Khrei ai hawi parai nai mary ly hini mary lawh a? Khaileaung pri i vui tahm awm hai nai mary ly hini mary a?,” nanai panui hai.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

Leu Thui Nai 20:5

“Naibaly tavailuchi my khumichi teng y, ‘Nangchi theung y yhm kangtha sa iy Tameuh teng y au y rai nai khumi awm a? Awm baly huni khumi ly yhm y vawi teang sy, ti y naimy ni ly tavai keung y dei vui baly, takhra khumi leaungrei my ni i yhm ai Tameuh teng y au ai nai tla lawh ai.