SAM 29:3 - Khumi Common Language Bible

³ Areng i raawi ly panglichi salo y amsau bo. Nang parai nai hawi angym nai Tameuh ly kani pajyh hai. Mymy i raawi ly suida pangli salo y avah na bo.

SAM 29:3 ပူးပေါင်းရင်းမြစ်များ

JOBA 36:33

Kani pajyh nai katyn ly alipui khupui nai hai ai, nanai thai hai. Hunai deaungkho y si, painochi ly alipui khupui nai ai, nanai pany nai ne.

JOBA 40:9

Nang ly kai kamta sa thai naira awm a? Nang teng y kai i raawi kamta, kani pajyh nai katyn ka-tawm katyn awm a?

SAM 104:3

kani khusangra i tui salo y nangmy i yhm sa. Nang ly tamaichi ai nangmy i ka-ri kamta, ali ai nangmy i pakhichi palawn iy atang bo.

THEU NAI 19:16

Kani pa-thom khawn ly kani pajyh iy amlosadi py theu hai i, mawi salo y tamai beu hai cheng bo; naibaly baw eng nai katyn pajeng parai nai thai; huna nai khala tai theung i khumi bawibawichi ly jei nai kaso theu u bo.

THEU NAI 9:28

Kaichi ly ali pakang hawi ji mang tla nai ly kham pajau y na bo! Hunai deaungkho y Areng teng y chiu so pi kyh! Kai ly nangchi ai theu ai nai kang pei praw ai; kang patawn veangveang y leang bo mang,” napi.

THEU NAI 9:33

Naibaly Mosi ly samrang teng i nai theu iy mary angam mang y theu i, kiu pheu naimy Areng teng y chiu sa. Naibaly kani nai nai, kani pajyh nai, ji tla naichi py aham ryp bo.

JOHAN 12:29

Naibaly ahawi y angdo nai khumi mipuichi ly huna nai thai i, “Kani pajyh na a,” napi: takhrachi my ly, “Kani pri i amtaw thau nai my ni ai arum hai nai na a,” napi.

AMTAW 7:2

Naibaly Stephana my ly, “Amjo amnauchi hawi ngaaichi awi, tangai cham.

AMTENG HAI NAI 11:19

Naibaly kani pri mang i Tameuh i achura yhm kalen pui paeaung iy mymy i achura yhm kalen pui y ly mymy i leu maikawm adeu nai pawm amteng bo; naibaly amlosadichi hawi, katynchi hawi, kani pajyh naichi hawi, kaleih ho nai hawi, ji kalen py awm tamangtang bo.

AMTENG HAI NAI 16:18

naibaly amlosadichi hawi, katynchi hawi, kani pajyh naichi py awm iy, kaleih py tlenrei khrikhri pa-rei ho; khaileaung pri y khumichi awm khyp kha i dengdairei huna nai kamta ty nanai hawi khrikhri pa-rei ho nai kaleih ly awm vai y.

AMTENG HAI NAI 19:6

Naibaly khumi mipui neangneangchi i raawi kamta hawi, tui kamsau katyn kamta hawi, khri pa-rei kani pajyh nai katyn kamta py, “Haleluja! Achi i Areng Tameuh, Atiti py Sa Thai Nai Keung ly peang bo.

AMTENG HAI NAI 4:5

Naibaly areng atehra theung i dengdairei amlosadichi hawi, katynchi hawi, kani pajyh naichi py theu, naibaly huni areng atehra mo y maiteaung saryhrei angveaung nai py awm: hunichi ly Tameuh i Phailo saryhreichi ne:

AMTENG HAI NAI 8:5

Naibaly kani pri i amtaw thau nai my ly huni rimui pakhyh nai laawm syn i, maicham i mai-ai kawi pa-rei khai iy, khaileaung y aphi kathui bo; hunaibaly kani pajyh naichi hawi katynchi hawi, amlo theu naichi hawi, kaleih tlenrei theu nai py awm tamangtang bo.

1 SAMUELA 7:10

Samuela my apathyp nai thym y Philistia chengchi ly Israela chengchi ai tiu ai nai ang tym u bo. Na i py huni neng khala y, Areng my kani mang dengdairei kani pajyh hai nai deaungkho y, nichi ly ahei khrikhra naimy angpreng u nai ne.