SAM 29:2 - Khumi Common Language Bible

² Nang parai nai hawi angym nai Areng amyn palo u. Chai parai nai keung ang jeu nai khala y, mymy i mo y lu meung u.

SAM 29:2 ပူးပေါင်းရင်းမြစ်များ

2 NENG SATANG 20:21

Samrang ly khumichi hawi leu adeng ahui pajau baly, katyn kapau beu kawp nai phyreichi ai khai takhra nai pawi kani khala, amthyp reng nai ateaungchi amthyp hai i, tavaimi kamkawmchi mo mang lyn hai iy, “Areng ai ly palo u! mymy i tamen nai ly deungtasarei ne!,” nanai khulym thui u ai nai leu pei bo.

SAM 110:3

Paleung ka-echi ai nangmy tiu nai kani y, nang i khumichi ly alyly naimy, nang hawi vanrei thau u ai. Khawn mang y tla nai kadam kamta, atho awm nai khumi ka-cheang neangneangchi ly nang i awm nai mawi kachai salo y ang tym u ai.

SAM 27:4

Areng teng y hnei ai ngai nai, kai i kadeaung nai langseaung harei awm; huni langseaung ly Areng i yhm y deungtasarei awm ai nai, kawn nai leu thui naimy palo ai nai hawi, mymy i patei pi nai lam nga ai nai py ngai nai ne.

SAM 90:17

Kaichi i Tameuh ne nai Areng, nang i amtheaung naira ly kaichi teng y tym hai sy; kaichi i sa nai tleireira py, eaung naira pei kyh ba!

SAM 96:6

Phum-ang hawi tahm asang nai sai ly mymy ai taki naimy awm bo; sa thai naira hawi apu parai naira ly Achura yhm y awm nai ne.

SAM 97:9

Ati cheaungkhang sa thai nai keung Areng, nang ly khaileaung pri verei ai peang nai keung; nang ly tameuhchi bawibawi tleaung y len keh nai ne,

JEREMIA 13:16

Nangchi i Areng Tameuh ly kani dym hai nai deaungkho y, nangchi ly mawi salo y athei iy, atlym y rai khala y hawi, mymy ly nangchi ajeng nai kangvang ai kaveng palawn y rai khala y py, nangchi ly Areng Tameuh ai palo u.