SAM 29:10 - Khumi Common Language Bible

¹⁰ Areng ly tui thiu parai nairachi ai peang. Mymy ly deungtasa peang nai samrang ne.

SAM 29:10 ပူးပေါင်းရင်းမြစ်များ

ATITI AWM ANGCHEI NAI 6:17

Kaimy khaileaung i heng nai cheaungkhangchi tamyh ai nai khaileaung pri y tuibai tuitleng theu hai ai; naibaly khaileaung i heng nai cheaungkhang ly dei bebe ai.

JOBA 38:25

Kanitui leaung nai leaunghawichy, alipakang ko nai lam ai ami my sa mo?

SAM 10:16

Areng ly deungtasarei samrang ne; tameuh takhrachi ai chiu nai khumichi ly mychi i pri dengdairei tama u pawn ai.

SAM 29:3

Areng i raawi ly panglichi salo y amsau bo. Nang parai nai hawi angym nai Tameuh ly kani pajyh hai. Mymy i raawi ly suida pangli salo y avah na bo.

SAM 65:7

Nang ly pangli tui amsau nai katyn hawi, tui sampyh katynchi rym hai bo; khumichi i khyh tukulu nai katynchi py anawn hai ai.

SAM 9:8

Khaileaung pri y leu meitang naimy peang iy, khumi cheng cheaungkhangchi ai adyh adawi naimy tara chih nai ne.

SAM 93:1

Areng ly samrang ne. Mymy ly nang parai nai phum-ang amthyp iy, sa thai naira khobai akawm bo. Mymy ly khaileaung khaw hai iy, huni ly amchyh lei y nai ne.

SAM 99:1

Areng ly samrang ne; khumichi ly jei hyn u bo. Mymy ly kherubenchi salo y awm; naibaly khaileaung ly amchyh nai ne.

DANIELA 2:44

Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

MATTHAI 6:13

Parawi naira y pahawi moh ba, Kaichi ai hawi y nairai y ly lawi hai kyh ba, nanai thui u.

MARKA 4:41

Naibaly nichi ly jei ala nai jei y alam na i, “Hini ly ami kha, ali hawi ang malawn py mymy i leu tangai lawh ly?” na u lengleang.

I TIMOTHEI 1:17

Deungtasarei awm jo nai Samrang, phra pajau y nai hawi, niu pajau y nai hawi, Tameuh harei awm khyh nai teng y ly tahm pasang naira hawi, palo naira py deungrasarei awm jojo sy. Amen