SAM 28:5 - Khumi Common Language Bible5 Nichi ly Areng i sa nai leaungsaichi ai py, mymy i atiti sa nai saichi ai py, tahm khai u y. Hunai deaungkho y mymy ly nichi ai kamngo vang pajeng iy, deungtasarei tama hai ai. အခန်းကိုကြည့်ပါ။ |
Nang ly kai i leu pei naichi tangai angchi khyp iy, kai i Reitachi patawm naimy kai i miseaung Davida kamta, kai i leu tangai nai hawi kai khrei pa-rei sa baly, nang hawi vanrei kang awm hai jojo ai. Nang ai Israela samrang y kang palyn ai i, Davida i katu chanauchi vui y sa pi nai kamta ly nang i katu chanauchi ai py, nang bo y meitang khyp naimy samrang lawm hai ai.
Tau cheng nai khumi hawi dawn pasym thai nai khumichi ly hini cha-iura tajiu nai ngiereichi ai dawn pany thai iy, paleung theung y pateung u me na sy. Areng my khai pi nai reitachi ly teng nai deaungkho y khumi kahawichi ly huni reita lamchi kamta tangai iy, heng u bo. Na i py kamngo sa nai khumichi ly huni reita lamchira y tako u y nai deaungkho y, athei thleaung iy atlym u nai ne.
Ati mana nai mo nabaly mymy i atiti niu thai y naitachi ly, khaileaung palum angchei kha i dengdairei chaipyn pa-rei my niu nai bo; atiti sa naira y amteng nai ne; huni ly mymy i deungtasarei atiti sa thai naira hawi, mymy ly Tameuh ne nai sai py; hunai deaungkho y nichi ly akhi ai naira ngo y leang: