SAM 28:1 - Khumi Common Language Bible

¹ Kai i abyhra aw Areng, kai ly nang teng y kaau bo. Pathang pi kyh ba! Nangmy pathang pi y baly kai ly tavau kho y chei ai nai tla ai.

SAM 28:1 ပူးပေါင်းရင်းမြစ်များ

JOBA 33:28

Mymy ly kai ai tavau pri y chei hai y bo; naibaly kai ly vai, kaheng jo rai,” nanai thui ai.

SAM 142:1

Kai ly sabawmra nga ai nai Areng ai kapalau bo; mymy teng y ahui kajeaung kaji nai ne.

SAM 142:2

Kai ly kaimy i ngai nai ngiereichi ai mymy teng y amti pi; kaimy i kamtang avum nai ngierei ly mymy teng y thui pi bo.

SAM 143:7

Aw Areng, vaimy kai i hnei takeng nai pathang pi kyh ba! Kai ly athang khai naira pipi by y na bo. Kai ai meimai hi pi veng moh kyh ba; meimai hi pi vui lawh baly kai ly tavau kho y chei nai khumi kamta lawn ai.

SAM 18:2

Areng ly kai ai ama hai nai keung, kai i khaw parai nai khengsi apai ne. Kai i Tameuh ly kai ai ama hai nai deaungkho y kai ly chymme bo. Mymy ly khupui kamta kai ai ama hai. Kai mang y amtang hai iy kai ai chymme naimy ang khai.

SAM 22:2

Kai i Tameuh, kanithun khala y nang ai kang palau; na i py nang ly pathang y. Kai ly vum y kang palau bo; na i py kai ly paleung awmnem naira ngo y.

SAM 3:4

Kai ly Areng teng y kasabawmra nga ai nai aeu naimy hnei nai khala mymy ly mawi kachai mang dengdairei, kai i chiu sa nai raawi pathang pi.

SAM 30:4

Mymy ai ka-ym awm nai khumichi awi, Areng ai palo nai khulym thui u. Chai parai nai keung i sa nai leaungsai ai pany jo iy, kawn naimy palo u!

SAM 30:9

“Kai dei baly ati amran ai mo? Tapreaung angawm y tym nai molam y ati kahawi theu ai mo? Khumi kadeichi ly nang ai palo pajau na a? Nichi ly nang i ka-ym awm nai amthang hai pajau na a?

SAM 35:22

Na i py aw Areng, nang ly hini leaungsai pany nai ne. Na i py aw Areng, awm pypy veng moh ba. Kai hawi kamlo parai naira y awm pi veng moh kyh ba!

SAM 39:12

Aw Areng, kai i chiu sa nai tangai pi kyh ba. Kai i hnei takeng nai tangai pi kyh ba; kai vo nai khala sabawm ai nai jeu kyh ba. Amsi pajochi kamta kai ly nang i angvyn lawm i, tanareichy awm khyh nai ne.

SAM 42:9

“Nang ly ati mana nai kai ai tami vui lawh mo? Ati mana nai kai ly paleung ka-echi i, pahyp y naimy ana nai avum lawh mo?,” nanai kai ai ama hai nai keung Tameuh teng y katakeng bo.

SAM 5:2

Kai i samrang, kai i Tameuh! sabawm pi ai nai kai i aeu naimy hnei takeng nai tangai pi kyh ba. Aw Areng, kai ly nang teng y chiu kang sa.

SAM 69:15

Kai ai tui my um hai moh kyh ba; tui kathiu mang y anum hai moh kyh ba; tapreaung angawm theung y ang vum hai moh kyh ba.

SAM 77:1

Kai ly Tameuh teng y tao pajeng parai naimy aeu bo; kai ly tao pajeng parai nai aeu nai y mymy ly thai nai ne.

SAM 83:1

Aw Tameuh, tyn teng y naimy awm pi vui moh ba; awmnem pi vui moh ba, amkyn pi vui moh ba!

LEU KACHENG 1:12

Vai, nichi ly no-na by y naimy heng u teu i py, nichi ai achi my padei vui nai khala ly tavau saleaung y tym u ai!

ISAIA 26:4

Areng ai ly ym u jojo; mymy ly achi ai ama hai jojo ai.

ISAIA 38:18

Tavau pri y ly nang ai ami py palo thai y leang. Khumi kadeichi ly nang i ka-ym awm naira y ym pajau y.

AMTENG HAI NAI 20:3

naibaly saneng sangrei khei y ryrei ly cheng cheaungkhangchi ai tapawp bi y ai nai, ni ai ly angawm kalawi by y naira y ly aphi iy, kho i pajawp hai typ bo; huni bo y tanarei sala y ni ai theu hai ai nai tla.