SAM 27:8 - Khumi Common Language Bible

⁸ “Kai teng y ahihawi iy chiu ba,” nanai nangmy leu pei nai kamta, aw Areng, kai ly nang teng y ahihawi ai.

SAM 27:8 ပူးပေါင်းရင်းမြစ်များ

2 SAMUELA 21:1

Davida i peang nai thym khala y saneng thomrei ly khri pa-rei takang theu bo. Hunai deaungkho y Davida ly Areng teng y hnei takeng i Areng my, “Sawla ly Kibeon mary i khumichi ai padei nai molam y, ni hawi ni i yhm dengtheungchi ly khumi padei nai kamngo awm nai deaungkho y, hini patang naira tym nai ne,” napi.

2 NENG SATANG 7:14

Nichi ly kai teng y chiu sa naimy uikheih iy, mymychi i sa nai kamngo khai u su baly, kai ly kani pri mang dengdairei nichi i chiu sa nai tangai pi ai. Nichi i kamngo palawi pi iy, nichi i pri y paitiu thym hai teang ai.

SAM 105:4

Sabawm naira hnei ai nai Areng teng y ahihawi u; mymy i mo y chiu so u jojo.

SAM 119:58

Nang i leu adeu nai kamta, kai ai pahen ai nai paleung hawi tlang verei, kang takeng nai ne.

SAM 24:6

Huna nai khumichi ly Tameuh teng y ahihawi nai khumichi, Jakob i Tameuh ai chiu u nai khumichi ne.

ISAIA 26:16

Aw Areng, nang ly nangmy i khumichi ai pajeng nai deaungkho y, nichi ly khri pa-rei paleung bi naimy, nang teng y chiu sa u nai ne.

ISAIA 45:19

Kai ly kangviu kam-ai y kathui y; kaimy i dawn pasym nai py apha vai y. Kai ly Israela chengchi ai khumi angso by y nai meingtym y hau hai nai ny y. Kai ly Areng ne; kai ly ka-ym awm nai leu katheu iy kateng lam kapatei pi reng nai ne,” nanai leu pei nai keung ne.

HOSEA 5:15

“Kai i khumichi ly mychi i kamngo molam y patang naira avum iy, kai teng y vawi teang nai neng tym nai ryrei, kai ly nichi ai khai su ai. Nichi ly ngari kamtang avum u nai thym khala, kai ai atho sa naimy hau u ai.”

JOHAN 11:29

Naibaly mymy ly huni satang thai baly angthau praw iy mymy teng y chei.