SAM 27:6 - Khumi Common Language Bible

⁶ Hunai deaungkho y kai ly kai ai ang takimeuh nai paleung ka-echi ai eaung naira nga ai. Kai ly amo theu aeu naimy Achura yhm y apathyp ai. Khulym thui naimy Areng ai palo ai.

SAM 27:6 ပူးပေါင်းရင်းမြစ်များ

ATITI AWM ANGCHEI NAI 40:13

Kani thomrei kani y samrang my nang ai ang palau ai i ang pahen ai; nang ai kalop ang pei ali teang ai i, nangmy i sa reng nai kreip athai hang khau talam nai kalopra y nga teang ai mang.

ATITI AWM ANGCHEI NAI 40:20

Naibaly Kani thomrei kani y samrang ly mymy i tapen nai neng alyp nai kani y, mymy i miseaungchi i vui pawi kalen sa bo; mymy ly kreip athai hang khau talam pi nai keung hawi biu an amsi pi nai keung nini ai theaung i nai palawi iy, mipuichi i mo y tym hai bo.

2 SAMUELA 22:1

Davida ly Sawla hawi takhra paleung ka-echi kiu i, Areng my atleu pi nai khala y, hini khulym hawi Areng ai palo bo.

2 SAMUELA 22:49

paleung ka-echi kiu i nai kai ai atleu bo. Aw Areng, nang ly kai ai paleung ka-echi ai eaung ai nai pei iy khrukhra hai nai khumichi teng i nai ama hai bo.

2 SAMUELA 7:9

Nang i chei naira tleirei y kaimy kang awm hai iy, nang i paleung ka-echi tlang tleaung y eaung ai nai pei bo. Kai ly nang ai khaileaung pri y amthang keh nai lu leaungrei lawm hai bo.

2 ARENG KEH 25:27

Babulon samrang Evilameroda ly mymy i samrang lyn nai saneng y, Juda samrang Jehojakhin ai theaung i nai palawi pi i, ni ai pahen nai patei bo. Huni ly Jehojakhin theaung tla nai saneng 37, lo holai ha, kani 27rei kani y hina nai tym nai ne.

1 NENG SATANG 22:18

Samrang my, “Nang i Areng Tameuh ly nangchi hawi vanrei awm iy, nangchi ai meingtym tleirei y tlamsa naira pei bo. Mymy ly vaichi khala, hini pri theung y awm nai khumichi ai kai teng y au iy, kai ly nichi ai Areng hawi mymy i khumichi i vui y peang vui bo.

SAM 107:22

Nichi ly kapathypra hawi mymy ai kawn naimy palo u ai; amo theu naimy khulym thui u iy, mymy i sa nai saichi amteng hai ai.

SAM 110:7

Samrang ly lamteng i micheaung tui nei naimy, atho awm teang ai i, eaung naira nga ai.

SAM 119:108

Aw Areng, kai i kawn nai leu thui naimy chiu sa nai ly kawn pi iy, nang i leu pei naichi py kai ai patiu pi kyh ba.

SAM 138:5

Nichi ly nang i sa nai leaungsaichi ai py, nang i nang parai nai phum-angchi ai py, khulym hawi palo u ai.

SAM 21:1

Aw Areng, nang ly samrang teng y atho haiho pei nai deaungkho y ni ly amo theu; nang ly tavai eaung hai nai deaungkho y, ni ly khri pa-rei amo theu bo.

SAM 21:13

Aw Areng, nang ly sa thai naira phum-ang awm nai deaungkho y, nang ai kaichi my kang palo u bo! Nang i nang parai nai ai palo nai khulym thui ai.

SAM 3:3

Na i py aw Areng, nang ly khupui kamta ka-jeira i nai kai ai ama hai jojo; nang ly kai ai eaung naira pei iy sorai paleung angym hai teang bo.

SAM 3:4

Kai ly Areng teng y kasabawmra nga ai nai aeu naimy hnei nai khala mymy ly mawi kachai mang dengdairei, kai i chiu sa nai raawi pathang pi.

SAM 47:1

Khumi cheng cheaungkhangchi awi, amo theu nai kiu tabeang u! Tao pajeng parai naimy khulym thui iy, Tameuh ai palo u!

SAM 57:8

Aw kai phailo! anglaw jau; kai i taro katheang kalenchi awi! anglaw u; kai py kanito ai anglaw hai ai.

SAM 81:1

Achi ai ama hai nai keung napi nai Tameuh ai amo theu parai naimy palo u; Jakob i Tameuh ai palo nai khulym thui pi u.

SAM 95:1

Jeu u, Areng ai palo u sina! Achi i abyh naira Tameuh i nang parai nai ai amo theu parai naimy khulym thui u sina!

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

JEREMIA 31:7

Areng my, Khumi cheng cheaungkhangchi theung y len keh nai Israela chengchi i vui amo theu parai naimy khulym thui u. ‘Areng ly mymy i khumichi ai atleu nai ne. Israela cheng theung i heng rai naichi ai atleu bo,’ nanai palo nai khulym thui u.

JEREMIA 33:11

amo theu nai raawichi hawi, apom nai pawira i amo theu nai katyn kapauchi thai u ali teang ai. Khumichi ly kawn nai katalamrachi kai i Achura yhm y syn nai tarawi y khulym thui u nai raawichi, nangchi thai u ai. Nichi my, ‘Ati cheaungkhang sa thai nai Areng teng y, kawn nai leu thui u; ati mana nai mo nabaly mymy ly hawi nai ne iy tamen naira ly deungtasarei awm jojo nai deaungkho y ne,’ nanai thui u ai. Kai ly hini pri ai jangni khala i kamta, nang chawn hai teang ai. Hini ly kai Areng i thui nai leu ne,” napi.

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

HEBRAI 13:15

Hunaibaly mymy i saho y palo naira ly apathyp naira lawn ai nai Tameuh teng y talam u reng sina, huni ly ni i amyn apha y nai labeaung athai ne.

I PETERA 2:5

mymy teng y jeu iy, nangchi ai py lengseaung kanghengchi kamta ly phailo mang i yhm sa naira y ang tabawi ai nai, Isu Krista i saho y Tameuh i ka-kawn phailo mang i apathyp naira ly talam iy, pathyp pi nai keung kachaichi lawn thai ai nai.

AMTENG HAI NAI 15:3

Naibaly nichi ly Tameuh i miseaung Mosi i khulym hawi, Beram Cho i khulym py thui iy, “Aw! Atiti py Sa Thai Nai Areng Tameuh, Nang i atiti sa naichi ly nang parai nai hawi rengrang tlai nai ne: Aw! Cheng bawibawichi i Samrang, Nang i lam cheaungkhangchi ly hawi py hawi, teng py teng.

AMTENG HAI NAI 5:9

Naibaly nichi ly khulym kangtha thui iy, “Nang ly huni cha-iu aeang la ai nai hawi, huni i pajawp typ naira ka-ma-ra su ai nai py ataing: Ati mana nai mo nabaly nang tleh nai amteng i, cheng cheaungkhangchi hawi, leu cheaungkhangchi hawi, khumi cheaungkhangchi hawi, theaung cheaungkhangchi theung i nai Tameuh i vui y nang i thi hawi van bo;