SAM 27:5 - Khumi Common Language Bible

⁵ Patang naira tym nai neng khala y, mymy ly kai ai ang kry ai. Achura yhm y chymme naimy ang khai ai. Patang naira avum y ai nai lengseaung pui saleung y ang khai ai.

SAM 27:5 ပူးပေါင်းရင်းမြစ်များ

2 NENG SATANG 22:12

Athalia my peang nai thym khala Josha ly Achura yhm theung y saneng tariurei aheu nai ne.

SAM 10:1

Aw Areng, nang ly ati mana nai kamlo y awm vui lawh mo? Kaichi patang naira vum nai thym khala, ati mana nai y meimai hi pi vui lawh mo?

SAM 119:114

Nang ly kai i ama hai naira hawi abyhra ne; kai ly nang i adeu nai leu ajeng naimy awm bo.

SAM 138:7

Kai ai patang nairachi my ang taki meuh nai neng khala malawn py, nang ly kai ai ama hai bo. Nang ly kai i paleung ka-echi kado theu nai paka iy, sa thai naira hawimy kai ai atleu bo.

SAM 17:8

Nangmy i meicho kangvai kamta kai ai kry kyh ba. Khumi hawi y naichi my tiu naira i nai kai ai

SAM 18:33

Mymy ly kai i kheu ai sisiu i kheu kamta khaw hai bo. Mawichi salo y kai ai chymme pa-rei ang khai.

SAM 31:20

Khumichi i dawn paviu naira i nai law tleaung hai ai nai nang teng y abyh nai khumichi ai, nang ly nangmy teng y chymme naimy heu vui ba. Paleung ka-echi i khumi aniu y nai sa naichira i nai law tleaung hai ai nai nichi ai chymme nai meingtymra y heu me ba.

SAM 31:21

Areng ai ly palo u! Kai ai taki naimy tiu u nai khala, nangmy patei pi nai tamen naira ly khrikhri pa-rei lyh ai hawi parai na!

SAM 40:2

Mymy ly ka-jei awm parai nai angawm hawi aneaung kapan theung i nai, kai ai atheu kalau bo. Hunaibaly kai ai lengseaung salo y khai iy, chymme naira ang pei bo.

SAM 40:3

Achi i Tameuh ai palo naira y khulym kangtha thui ai nai, mymy ly kai ai patiu pi bo. Huna nai sa nai ai niu u nai khumichi ly jei naimy tahm khai u iy, Areng ai ym u ai.

SAM 46:1

Tameuh ly achi i abyhra, achi i atho ne; patang naira avum nai khala y, achi ai sabawm ai nai angveirym jojo.

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

SAM 57:1

Kai ly nang teng y abyh ai nai ahihawi nai ne; hunai deaungkho y kai ai pahen kyh ba; aw Tameuh pahen kyh ba. Ali pui khu pui theu nai aham nai ryrei, kai ly nang i pakhi ka-khuira y abyh nai ne.

SAM 61:2

Kai ly yhm hawi palo i, paleung phra atho di nai deaungkho y, nang ai aeu naimy palau bo! kai ai chymme naira mang y pahawi kyh ba.

SAM 61:3

Nang ly paleung ka-echi teng i nai kai ai ama hai nai keung, kai i vui khaw parai nai khengsi apai ne.

SAM 77:2

Patang nai neng khala y kai ly Areng teng y chiu kasa; vumtorei kiu pheu iy chiu kasa bo; Na i py kai ly paleung awmnem naira ngo pajau y.

SAM 83:3

Nichi ly nang i khumichi ai tiu ai nai dawn paviu u bo; nangmy ama hai nai khumichi ai tiu ai nai, nichi arum u bo.

SAM 91:1

Areng teng y abyh ai nai ahihawi nai khumi py, ati cheaungkhang sa thai nai keung i ama hai nai anui y awm nai khumi py,

SAM 91:15

Nichi my kai ai palau nai khala y, kai ly pathang pi ai; nichi patang naira avum nai khala y, kai ly nichi hawi vanrei awm ai; kai ly nichi ai atleu iy tahm pasang ai.

LEU KACHENG 18:10

Areng ly khumi kahawichi i abyhra, khaw parai nai lengseaung yhm pui atawm. Hu y khumi kahawichi ly chymme naira nga ai nai chei u pajau nai ne.

ISAIA 26:16

Aw Areng, nang ly nangmy i khumichi ai pajeng nai deaungkho y, nichi ly khri pa-rei paleung bi naimy, nang teng y chiu sa u nai ne.

ISAIA 26:20

Kai i khumichi awi, nangchi ly nangmychi i yhm theung y kun iy, katheuchi akho u. Tameuh i kado theu nai rym nai ryrei, neng tanareichy aheu u daw.

ISAIA 32:2

Nichi bawibawi py ali hawi alipui khupuira i nai abyh nai meingtym kamta lawm ai. Nichi ly khutaha meingtymra y leaung nai tavo micheaungchi hawi py, ati sai py prau y nai kani kabira y awm nai lengseaung pui ka-khui hawi py atawm ai.

MATTHAI 23:37

“Aw Jerusalem, Jerusalem, amochi ai padei nai keung, nang teng y pato naichi ai ly lengseaung y aphi ka nai keung awi! A nu my mymy i chochi ai pakhi anui y o hai achu nai kamta, nang i chanauchi ai o hai achu ai nai tlen majirei kang tau mo?

KOLOSA 3:3

Ati mana nai mo nabaly nangchi ly dei bo, naibaly nangchi i hengra ly Tameuh y Krista teng y heu veng bo.