SAM 27:4 - Khumi Common Language Bible

⁴ Areng teng y hnei ai ngai nai, kai i kadeaung nai langseaung harei awm; huni langseaung ly Areng i yhm y deungtasarei awm ai nai, kawn nai leu thui naimy palo ai nai hawi, mymy i patei pi nai lam nga ai nai py ngai nai ne.

SAM 27:4 ပူးပေါင်းရင်းမြစ်များ

2 SAMUELA 21:1

Davida i peang nai thym khala y saneng thomrei ly khri pa-rei takang theu bo. Hunai deaungkho y Davida ly Areng teng y hnei takeng i Areng my, “Sawla ly Kibeon mary i khumichi ai padei nai molam y, ni hawi ni i yhm dengtheungchi ly khumi padei nai kamngo awm nai deaungkho y, hini patang naira tym nai ne,” napi.

SAM 23:6

Meitang khyp, kai ly nang i pahen naira hawi tamen naira ai, kaimy deungrei kanga i, nang i yhm y heng nai ryrei kaawm ai.

SAM 26:6

Aw Areng, kai teng y kamngo by y nai sai patei ai nai kai ly kaimy i kiu asipan chum baly, nang i maicham taki iy chiu ai.

SAM 26:8

Aw Areng, kai ly nang parai nai meingtym, napi nai nang i awm nai yhm y ngai parai bo.

SAM 27:8

“Kai teng y ahihawi iy chiu ba,” nanai nangmy leu pei nai kamta, aw Areng, kai ly nang teng y ahihawi ai.

SAM 50:2

Tameuh ly khrikhri pa-rei apu parai nai mary pui, napi nai Zion mawi mang dengdairei kangvang sangso ko bo.

SAM 65:4

Nang i Achura yhm y awm iy, nang teng y ahihawi ai nai nangmy vawi takhra nai khumichi ly taham hawi nai ne. Kaichi ly nangmy i yhm dengdairei hawi nairachi, nang i Achura yhm kachai i amtheaung nairachi nga u nai deaungkho y, paleung tienem ai.

SAM 84:10

Nang i Achura yhm y kanirei awm ai nga nai ly meingtym takhra y kani sangrei awm nai tleaung y hawi keh. Tameuh i yhm y katheu pa-kho typ ai nga nai ly khumi aso y nai i yhm y awm nai tleaung y hawi keh nai ne.

SAM 84:4

Nang ai avawrei palo naimy Achura yhm y awm u naichi ly khri pa-rei taham hawi nai ne.

SAM 90:17

Kaichi i Tameuh ne nai Areng, nang i amtheaung naira ly kaichi teng y tym hai sy; kaichi i sa nai tleireira py, eaung naira pei kyh ba!

JEREMIA 29:13

Nangchi ly paleung hawi verei hau ai nai deaungkho y, kai ai hau nai avum u ai.

DANIELA 9:3

Naibaly kai ly biu hai naimy paisiu kanih akhiu iy, maidym theung y ateh i, Areng Tameuh teng y chiu sa hnei takeng nai ne.

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

MATTHAI 6:33

Na i py mymy i peang nai hawi mymy i hawi naira phai hau u man, hunaibaly hunichi bawibawi py ang pei panawi bi ai mang.

LUKA 10:42

Mari i kahawi vawi nai ly la pi ai nai tlo y leang,” nanai pathang.

LUKA 13:24

Naibaly ni my ly mymychi teng y, “Katheu pa-kho kamcheira y ly kun tanga ai nai tau u; kang thui pi, khumi neangneangchi ly kun ai nai tau ai i, kun thai ai ny y.

LUKA 18:1

Naibaly atho si y naimy chiu sa jojo ai nai tla, nanai pany hai ai nai mychi teng y pata nai leu thui i,

LUKA 2:37

naibaly saneng vui taja takaw saneng palyhrei lumai ateang i, miteaung pui na bo. Ni my ly achura yhm kalen pui ai khai su y naimy biu hai nai hawi, chiu sa nai hawi vum kanithun Tameuh ai chiu reng.

II KORINTH 3:18

Na i py achi bawibawi ly meimai amym y naimy dengkhang apui kamta Areng i nang parai naira angvang hai nai, nang parai naira i dengdairei nang parai veangveang naimy, achi ly huni kamta vanrei atawm khyp nai awm ai nai, takhra hai dudu nai awm bawibawi, Areng, Phailo napi nai i dengdairei nga nai kamta.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

PHILIPI 3:13

Amjo amnauchi awi, kanga bo nanai kadawn y leang. Na i py hini harei ly kasa reng: nithun mang i atiti awm naichi ai ly dawn y iy, mo mang i atiti awm naichi ai ly katapo tanga nai,

I TIMOTHEI 5:5

Naibaly neampachy lumai cheaungti mymy tlairei chy awm khyh nai ly Tameuh ai khri pa-rei athang khai i, vum kanithun hnei iy, chiu py sa jojo ;

HEBRAI 11:6

Na i py ym naira ny y baly mymy ai kawn pajau ai nai ly aveng. Ati mana nai mo nabaly Tameuh teng y ahihawi nai khumi ly Tameuh ly awm, nanai hawi, mymy ai hau nai keungchi teng y kawn nai vang pei nai keung ne, nanai py ym ai nai tla.

1 SAMUELA 1:11

Hannah my, “Ati cheaungkhang sa thai nai Areng, nang i miseaung kai ai khen kyh; nang ly kai i patang nai sai pany pi kyh! kai ai tami mo kyh ba! Nang ly nang i miseaungnu teng y chapo pei ai nabaly, ni ai heng nai ryrei nang teng y kang-au ai; ni i sam mana khala py vau hai y ai,” nanai vaineng abeu naimy adeu bo.

1 SAMUELA 22:10

Ahimelek ly Davida i vui Areng teng y ati sa ai avo mo, nanai deng pi; naibaly Davida ai teicha teinei py, Philistia khumi Koliatha i haisau py pei pi nai ne,” napi.

1 SAMUELA 30:8

Huna nai khala y Davida ly Areng teng y, “Kai ly hini mary ai tiu nai khumichi nithun hui ai a? Nichi ai kapatiu ai a?,” nanai deng. Mymy ly “Nichi nithun hui; nang ly nichi ai patiu iy, langheng hawi naichi ai atleu pajau ai mang,” nanai pathang.