SAM 25:6 - Khumi Common Language Bible

⁶ Aw Areng, jangni i dengdairei nangmy patei pi nai pahen naira hawi khaw parai nai tamen nairachi pany pi jo kyh ba.

SAM 25:6 ပူးပေါင်းရင်းမြစ်များ

ATITI AWM ANGCHEI NAI 24:27

“Kai i areng teng y adeu nai leu ai ka-ym awm hai nai keung, kai i areng Abraham i Areng Tameuh ai ly palo nai awm sy. Areng ly kai i areng i misochi teng y kai ai ang pahawi nai ne,” napi.

ATITI AWM ANGCHEI NAI 32:9

Naibaly Jakob ly “Kai i amsi Abraham hawi kai i ampo Isaka i Tameuh, kai i chiu sa nai tangai pi kyh ba! Areng nang my ly kai ai, nangmy i pri, nangmy i amjo amnauchi teng y vawi teang, nang i tako nai tleirei y kaimy kang pahawi ai.

2 NENG SATANG 6:42

Aw Areng Tameuh, nangmy vawi takhra nai samrang ai ly khai su moh kyh ba. Nang i miseaung Davida i tlang tleaung y tamen nai ly pany pi jo kyh ba,” nanai chiu sa nai ne.

NEHEMIA 13:22

Anawn kani y chai hai ai nai molam Levi theaungchi teng y, amymy ai apachai chum baly mary apai katheu pa-kho mang y chei iy typ ai nai kaimy leu kang pei bo. Aw Tameuh, hini molam y py dawn iy, kai ai pany jo ba; ati mana nai mo na baly tamen naira len parai nai hawimy, kai ai pahen ba.

NEHEMIA 9:19

Na i py nang i pahen naira ly len parai nai deaungkho y, nang ly nichi ai khutaha daichi ka-vym y khai su y. Kanithun y lam patei nai tamai py, vum y nichi i khuleaung lam y angvang hai nai maiteaung py, lo pi veng y nai ne.

SAM 103:17

Na i py Areng ai jei naimy tahm khai naichi i vui y, mymy i tamen nai ly deungtasarei khaw jo nai ne.

SAM 103:4

Mymy ly kai ai deira i nai atleu iy, tamen naira, pahen nairachi hawimy amtheaung hai bo.

SAM 106:1

Areng ai ly palo u! Areng ly hawi nai deaungkho y kawn nai leu thui u; mymy i tamen nai ly deungtasarei ne.

SAM 106:45

Mymy ly nichi hawi ai nai molam y Leu Maikawm pany pi bo; ati mana nai mo nabaly mymy i tamen naira len parai nai deaungkho y, kado theu nai ly rym nai ne.

SAM 107:1

“Areng ly hawi nai deaungkho y kawn naimy palo u; mymy i tamen naira ly deungtasarei ne!,” nanai

SAM 119:77

Kai ly nang i reita leu ai paleung apei nai ne i, kai ai pahen kyh ba; hunaibaly kai ly heng ai.

SAM 40:11

Aw Areng, nang ly kai ai pahen jojo ai nai kai kapany; Nang i tamen naira hawi ka-ym awm nai ly kai ai ang kry jojo ai.

SAM 69:13

Na i py kai i vui ly aw Areng, nang teng y chiu sa hnei takeng ai; nang i tamen naira len parai nai molam py, atleu pi ai nai nang i leu adeu nai molam py, kang hnei kang takeng nai tangai pi kyh ba. Aw Tameuh, aly ngai nai neng khala y, kai i chiu sa hnei takeng nai pathang pi kyh ba.

SAM 69:16

Aw Areng, nang i khaw parai nai tamen naira ly hawi nai deaungkho y, kai i hnei takeng nai tangai pi kyh ba; nang ly khri pa-rei pahen reng nai deaungkho y, kai mang y amhi iy khen kyh ba!

SAM 98:3

Mymy ly mymy i khaw parai nai tamen naira hawi ka-ym awm nai hawimy, Israela chengchi teng y adeu nai leu ly khaw hai bo. Meingtym tleirei y awm nai khumi bawibawichi ly achi i Tameuh i eaung nai niu u nai ne.

THEU NAI 15:13

Nang i leu adeu nai ly ym ai nai hawi; nang ly nangmy i vawi takhra nai khumichi ai pahawi nai ne. Nang i sa thai naira hawi pri kachai mang y nichi ai lam patei bo.

THEU NAI 34:6

Naibaly Areng ly Mosi teng y chei tapai iy, “Kai, Areng ly pahen naira angym nai Tameuh, neaung hawi iy tamen naira nang parai nai Tameuh, ka-ym awm nai Tameuh ne.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

ISAIA 63:15

Aw Areng, chai parai iy phum-ang angvang nai kani pri, napi nai, nangmy awm nai meingtym i dengdairei kaichi ai khen kathiu kyh ba. Kaichi i vui nang i paleung mawn hai nai ly ma y mo? Nang i sa thai naira ly ma y mo? Nang i tamen naira hawi pahen naira ly ma mang y mo? Kaichi ai khai su moh kyh ba.

JEREMIA 31:20

“Israela awi, nang ly kai i ngai keh nai chapo hawi, kai i tamen keh nai chapo py ne. Kai ly nang i amyn kathui nai tleirei, nang ai aawi jojo nai ne. Kai i paleung ly nang teng y apei keh nai ne i, kang pahen ai.

JEREMIA 33:11

amo theu nai raawichi hawi, apom nai pawira i amo theu nai katyn kapauchi thai u ali teang ai. Khumichi ly kawn nai katalamrachi kai i Achura yhm y syn nai tarawi y khulym thui u nai raawichi, nangchi thai u ai. Nichi my, ‘Ati cheaungkhang sa thai nai Areng teng y, kawn nai leu thui u; ati mana nai mo nabaly mymy ly hawi nai ne iy tamen naira ly deungtasarei awm jojo nai deaungkho y ne,’ nanai thui u ai. Kai ly hini pri ai jangni khala i kamta, nang chawn hai teang ai. Hini ly kai Areng i thui nai leu ne,” napi.

DANIELA 9:18

Aw Tameuh, kaichi i hnei takeng nai tangai pi kyh ba. Kaichi ai khen ly nang i amyn hawi sa nai huni mary i patang nai ai, pany pi kyh ba. Kaichi ly kaimychi i hawi nai, kateng sa nai molam y ny y naimy, nang i pahen naira len parai nai saho y chiu kang sa.

HABAKKUK 3:2

AwAreng, nang i sa nai leaungsaichi kai thai bo i, kai ly jei hyn naimy lyh na bo. Nang i sa nai nang parai nai saichi ly kaichi i deung y py, so pi teang kyh ba. Nang kado theu nai neng khala y py, pahen pi kyh ba.

LUKA 1:50

Mymy ai tahm khai naichi ai ly deung kangthau khrairei ang pahen jojo ai.

LUKA 1:54

Isichi teng y thui nai kamta,

LUKA 1:78

Mymy i khumichi teng y pahengra leu pany hai ai nai py, Areng i mo y nang tako ai;

II KORINTH 1:3

Achi i Areng Isu Krista i Tameuh hawi Ampo, pahen nai Ampo hawi awm hai nem nai Tameuh ai ly palo nai awm sy.

PHILIPI 1:8

Naibaly Isu Krista i paleung verei y pahen nai kamta nangchi bawibawi ai khri pa-rei kang ngai nai sai ly, Tameuh ly kai ai ang pany hai nai keung ne.

PHILIPI 2:1

Hunaibaly Krista y pachei naira hawi, tamen naira i sa hai naira hawi, Phailo hawi amkawm naira hawi, paleung verei y tamen naira hawi pahen naira awm baly,

KOLOSA 3:12

Hunaibaly khumi kachai hawi ngai parai naichi awi, Tameuh i vawi nai khumichi kamta paleung verei pahen naira hawi, neaung hawi naira hawi, tahm apanem naira hawi, leu anui naira hawi, amnym naira py amthyp u;

I JOHAN 3:17

Na i py ami py khaileaung pri i yhmtheaung awm nai mymy i amjo amnau avaw nai niu iy tamen y pasi lawh baly, mymy y ly Tameuh i tamen naira ly mana awm thai ai mo?