SAM 25:5 - Khumi Common Language Bible

⁵ Nang ly kai ai atleu nai Tameuh ne nai deaungkho y, nang i leu meitang kamta sa iy teaung thai ai nai kai ai patiu pi kyh ba. Kai ly nang ai ym jojo nai ne.

SAM 25:5 ပူးပေါင်းရင်းမြစ်များ

ATITI AWM ANGCHEI NAI 49:18

“Aw Areng, kai ly nang i atleu naira ajeng jo nai ne.

NEHEMIA 9:20

Nang ly neaung hawi nai deaungkho y nichi i sa ai avo naichi lam patei pi; nichi ai Manna tako hawi pacho iy nei ai nai tui py pei.

JOBA 36:22

Mymy i sa thai naira ly mana tanrei len na mo, nanai pany jo ba; Tameuh ly cheaungkhangchi i, len keh nai sara ne.

SAM 107:7

Mymy ly nichi awm ai nai mary mang y lam kataw mang pahawi bo.

SAM 119:26

Kai ly kaimy i sa nai kamngochi ahui teang bo i, nang ly kai i takeng nai tangai pi kyh ba; nang i reita lamchi kai ai patiu pi kyh ba.

SAM 119:33

Aw Areng, kai ai nang i reita theung i, thui pachai nai pany ai nai patiu pi kyh ba; kai ly hunichi avawrei tangai ai.

SAM 119:66

Kai ly nang i reita leu pei naichi ym nai deaungkho y, kai ai cheng naira hawi pany thai naira pei kyh ba.

SAM 119:97

Kai ly nang i reita leu ai khri pa-rei paleung apei nai ne! huni reita leu ai kai ly kani khengrei adawn pasym bo.

SAM 22:2

Kai i Tameuh, kanithun khala y nang ai kang palau; na i py nang ly pathang y. Kai ly vum y kang palau bo; na i py kai ly paleung awmnem naira ngo y.

SAM 24:5

Areng ly huni khumichi ai amtheaung hai iy atleu ai. Huni khumichi ly kamngo chai nai khumichi ne, nanai Areng ly amthang hai ai.

SAM 25:10

Leu Maikawm hawi Reita leu pei naichi atyp nai khumi bawibawichi ai nang ly tamen naira hawi py, ka-ym awm naira hawi py, lam patei nai ne.

SAM 25:8

Areng ly neaung hawi nai deaungkho y, kamngo sa tamang nai khumichi ai, tako ai avo nai lam patei pi bo.

SAM 68:20

Achi i Tameuh ly atleu nai keung Tameuh ne; mymy ly Areng, deira i nai atleu nai, achi i Areng ne.

SAM 79:9

Aw Tameuh, kaichi ai sabawm ly atleu kyh ba; nang i amyn saho y kaichi ai atleu iy, kaichi i kamngochi py pahen pi kyh ba.

SAM 86:3

Nang ly kai i Tameuh ne; hunai deaungkho y kai ai pahen kyh ba; kai ly nang teng y kani khengrei chiu kasa nai ne.

SAM 88:1

Kai ai atleu nai keung Areng Tameuh, kai ly kani thun y aeu iy, vum y ly nang teng y ahihawi nai ne.

LEU KACHENG 23:17

Kamngo sa ala nai khumichi ai paleung no moh. Nangmy deungrei Areng ai jei kaji ba.

LEU KACHENG 8:34

Kai i leu tangai nai khumi, kai i yhm katheu pa-kho y kani tleirei, ajeng nai khumi ly taham hawi ai.

ISAIA 30:18

Na i py Areng ly nangchi ai pahen iy sabawm ai nai ajeng nai ne. Mymy ly ka-dyh ka-dawi sa pi jojo nai ne i, nangchi ai pahen pi ai nai ajeng rym bo. Areng ai ym nai khumichi ly taham hawi nai ne.

ISAIA 35:8

Huni meingtym y, “Meingtym kachai mang y chei nai lam,” nanai amyn pathi nai lam manglai pui amteng ai. Kamngo sa nai khumi ngiereichi ly huni lam tako ai nai nga u ai ny y. Khumi ka-khum ngiereichi ly huni lam tako nai khumichi ai lam tamang hai pajau ai ny y.

ISAIA 42:16

“Kai ly kaimy i mei kamjuchi ai nichi tako vai y nai lam mang kapahawi ai. Kai ly nichi i mo y, kaveng ai kangvang lawm hai iy, khuleaung lam hawi y nai ai thleaungthlang hai ai. Hinichi kai sa ai; kaso y naimy awm ai ny y.

ISAIA 49:10

Nichi ly mana khala py, teicha teinei avaw ai ny y. Nichi ly mymychi ai tamen nai keung i lam patei nai avum iy, kanito hawi speung kangngo molam y, patang naira avum ai ny y. Mymy ly nichi ai tui sampumchi awm naira mang y pahawi ai.

ISAIA 54:13

“Nang i khumichi ai kaimy thui parip ai. Nang i cho chanauchi ai nang chawn nai hawi tlamsa naira pei ai.

JEREMIA 31:9

Nichi ai kaimy kapahawi ali teang nai khala y, kai i khumichi ly chiu sa naimy vo tangam u iy ang vawi u ai. Kai ly nichi ai tuino leaung nai meingtymchi hawi, nichi athei y, avah y ai nai lam kahawi mang kapahawi ai. Kai ly Israela chengchi i ampo ne iy, Ephraim cheng theaung ly kai i chapo chalu ne.”

MIKHA 7:7

Na i py kai ly Areng ai ajeng ai. Kai ai atleu ai nai Tameuh ai ym naimy ajeng ai. Kai i Tameuh ly kai i chiu sa nai tangai pi ai.

LUKA 18:7

Naibaly mymychi i tlang tleaung y neaung kham pi rai i py, mymy i vawi naichi, vum kanithun y mymy ai palau nai keungchi ai ly Tameuh my vawitheung tha pi y ai a?

JOHAN 14:26

Na i py Awm Hai Nem nai Keung Phailo Kachai, Ampo my kai i amyn y ang pato ai nai ly nangchi ai ati cheaungkhang ang patiu ai; kai i nangchi teng y kang thui pi nai ngierei py ang pany hai vau bi ai.

JOHAN 16:13

Na i py mymy, Leu Meitang Phailo ang tym khala ly leu meitang bawibawi y ang pahawi ai: mymy i paseang amang nai leu thui y ai, mymy i leu thai nai ngierei ly ang thui pi ai; atiti tym ai naichi py ang pany hai ai.

JOHAN 6:45

Amochi i cha-iu y ly, ‘Tameuh my nichi bawibawi ai patiu ai,’ nanai tajiu nai ne. Ami py Ampo i leu thai iy amtiu nai ngierei ly kai teng y ang jeu.

ROM AVANGCHI TENG Y PAWLA I CHA PA NAI 8:14

Ati mana nai mo nabaly Tameuh i Phailo my pahawi nai ngiereichi ly Tameuh i chanauchi ne.

I JOHAN 2:27

Na i py nangchi ly mymy teng i dengdairei rimui paju nai nga nai ly nangmychi y awm jojo i, nangchi ai ly ami py patiu ai nai aly ngai y leang; mymy i rimui paju nai my ly atiti bawibawi ang patiu nai deaungkho y hawi, teng parai nai ne iy ka-chawi py ny y nai y, huni my ang patiu nai kamta ly mymy y awm u jojo.

AMTENG HAI NAI 7:17

ati mana nai mo nabaly areng atehra sala y awm nai Beram Cho ly nichi ai typ nai keung lawn ai i, nichi ai heng nai tuinochi mang y ang pahawi ai; naibaly Tameuh ly nichi i mei i dengdairei mei katui bawibawi tamui pi ai,” napi.