SAM 25:4 - Khumi Common Language Bible

⁴ Aw Areng, nang i reita lamchi kai ai patiu pi kyh ba. Hunichi ly kai ai pany hai pi kyh ba.

SAM 25:4 ပူးပေါင်းရင်းမြစ်များ

1 ARENG KEH 8:36

kani pri mang dengdairei tangai pi kyh ba. Nichi tangai ai nai lam kateng patei pi kyh ba. Naibaly aw Areng, nangmy i khumichi teng y pei pi nai pri y kani nai hai pi kyh ba.

SAM 119:27

Nang i reita leu pei naichi pany thai ai nai kai ai sabawm kyh ba; kaichi ly nang i lyh ai hawi nai patiu pi naichidawn pasym ai.

SAM 143:8

Nang i khaw parai nai tamen naira ly kai ai khawn tleirei pany hai jo kyh ba; kai ly nang ai ym nai ne. Kai i chiu sa nai nang teng y tym sy; kai i tako ai nai lam patei pi kyh ba.

SAM 27:11

Aw Areng, nangmy sa hai ai ngai nairachi kai ai patiu ba. Kai i paleung ka-echi ly nawi parai; Hunai deaungkho y kai ai chymme nai lam mang y pahawi ba.

SAM 5:1

Aw Areng, kai i leu tangai ba; kai i tangam nai raawichi kano patheung pi kyh ba.

SAM 5:8

Aw Areng, kai i paleung ka-echi ly khri pa-rei nawi parai! Nang i kangai sa ai nai kai ai lam patei pi kyh ba. Nangmy kai ai tako hai ai ngai nai lam ly thleaungthlang hai kyh ba.

SAM 86:11

Aw Areng, nang i kangai sa ai nai kai ai leu pei ba; kai ly ka-ym awm naimy tangai ai; nang i kalop ai takhawi y pa-rei sa thai ai nai, kai ai patiu pi kyh ba.

THEU NAI 33:13

Nang ly kai ai paleung no na baly, kai ly nang i kalop sa iy nang i paleung kangai sa thai ai nai, nang i sa ai dawn tau naichi thui pi kyh. Hini khumichi ly nangmy vawi takhra nai khumichi ne, nanai py pany pi kyh,” napi.

LEU KACHENG 8:20

Kai ly khumi kahawi i lam napi nai, leu meitang adyh adawi nai lam y tako bo.

ISAIA 2:3

Nichi my, “Areng i mawi salo y Israela chengchi i Tameuh i Achura yhm mang y, achi lyn u sina. Mymy i kangai amtiu u sina. Mymy i vawi takhra pi nai lam y achi tako u sina,” nanai thui u ai. “Areng i reita leu ly Jerusalem mary i dengdairei py, mymy i leu ly Zion mawi salo i dengdairei py theu ai.”

JEREMIA 6:16

Areng ly mymy i khumichi teng y, “Lam sangumchira y angdo u ly khen u cham. Jangni i lam kangngymchi hau u. Hawi keh nai lam ly ma mang y mo, nanai deng iy, huni lam mang tako baly nangchi i phailo ly tlamsa naira nga ai,” napi. Na i py nichi my, “Huni lam y kaichi abang ai nai ngai y leang!” napi u.