SAM 25:3 - Khumi Common Language Bible

³ Nang ai ym nai khumichi ly sum naira avum u y ai. Nang ai tiu ai nai panga y naichi naini sum u ai.

SAM 25:3 ပူးပေါင်းရင်းမြစ်များ

ATITI AWM ANGCHEI NAI 49:13

“Zebulun ly pangli peang y awm ai. Mymy i tuivum ly samphochi khen naira apu parai nai tuivum lawm ai. Mymy i pri ly Sidon mary y khrairei kau ai.

1 NENG SATANG 10:13

Samrang Sawla dei nai ly Areng i tlang tleaung y ka-ym by y nai deaungkho y ne. Ni ly Areng i leu tangai y.

SAM 109:3

Nichi ly kai ai atyhtyh naimy tiu iy, kai i hawi y nai satangchi ai amthang hai u bo.

SAM 119:78

Paleung len amlyh nai khumichi ly kai ai ka-chawi naimy seu u nai molam y kangji ngo u sy; kai i vui ly nang i patiu pi naichi adawn pasym ai.

SAM 123:2

Miseaung ly my i yhmkeung ai py, miseaungnu ly my i yhmkeungnu ai py, ym nai kamta kaichi ly kaimychi Areng Tameuh teng i pahen naira ngo y ryrei ly nang ai khen angdeang naimy awm jo ai.

SAM 132:18

Ni i paleung ka-echi ai kangji nga hai ai; ni i pri ly nang chawn iy sareaung hawi ai,” napi.

SAM 22:6

Na i py kai ly khumi ny y, thaideaung teu; khumi lutengchi my thui tamawn nai, khumi mei aniu y naira lawm bo.

SAM 27:14

Areng ai ly ym ba. Paleung phra moh; ym naira awm. Areng ai ly ym.

SAM 31:17

Aw Areng, kai ly nang teng y chiu sa hnei takeng nai ne. Kai ai kangji ngo hai moh kyh ba. Khumi hawi y naichi ly kangji kangai ngo u sy. Nichi ly tavau pri y syhp, ti u sy.

SAM 31:18

Paleung len amlyh naimy khumi kahawichi ai thui preaung reng nai khumi katapawpchi i labeaung ai tamyh vui ba.

SAM 33:20

Achi ly Areng ai ajeng u bo. Mymy ly achi ai sabawm iy, ang kry nai ne.

SAM 35:26

Kai i patang nai molam y paleung amo theu nai khumichi ly khri pa-rei sum iy, ahei u phro na sy. Mymychi ai kai tleaung y hawi keh, nanai thui nai khumichi ly kangji nga iy meimai phra u na sy.

SAM 37:34

Areng ai athang khai naimy reita leu pei naichi ai atyp ba. Mymy ly nang ai pri amtym ai nai pei iy, tahm pasang ai. Nang ly khumi hawi y naichi ai pri pala nai niu ai.

SAM 6:10

Kai i paleung ka-echi ly kangji nga naimy sum u ai; nichi ly vaimy ahei khrikhra iy angpreng u ai.

SAM 62:1

Tameuh my kai ai atleu ai nai, kai ly paleung sau parai naimy ajeng bo; kai ly mymy ai naini abyh nai ne.

SAM 62:5

Kai ly Tameuh ai naini abyh nai ne; mymy ai athang khai bo.

SAM 69:4

Kai ai atyhtyh naimy niu ngai y nai khumichi i vuikanai ly kai lura i sam tleaung y malawn py nawi nai ne. Katapawp leu thui iy kai ai ka-jo hau nai khumichi ly atho awm parai nai ne. Kai ai padei ai nai ngai u bo. Kai ly kapaviu y nai vawnsaichi ai, nichi teng y kapei ai nai tla bo.

SAM 69:6

Ati cheaungkhang sa thai aw Areng! nang ai ym nai khumichi ly kai i molam y kangji ngo hai moh kyh ba. Aw Israela chengchi i Tameuh! nang ai chiu nai khumichi ly kai i molam y tahm anem hai moh kyh ba.

SAM 71:13

Kai ai tiu nai khumichi ly sum iy phra u sy. Kai tamo kalem nga pa-rei atho sa u nai khumichi ly kangji nga iy tahm anem u sy.

ISAIA 25:9

Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

ISAIA 40:31

Na i py Areng i kasabawmra ai ym nai khumichi ly atho kangtha nga u ai. Nichi ly ahmtlau kamta akheang thai ai. Angpreng i py akawm u ai ny y. Khuleaung chei i py paha u ai ny y.

ISAIA 49:23

Samrangchi ly ampo kamta nangchi ai ang kry iy, samrangnuchi ly amhm kamta pacho panei ai. Nichi ly lu meung naimy nang ai chiu u ai. Nichi ly tahm apanem naimy, nang ai tahm khai nai sai patei ai. Huna nai khala y kai ly Areng ne, nanai nangchi pany u ai. Kai i kasabawmra ajeng nai ngiereichi ly paleung phra ai ny y,” napi.

JEREMIA 20:11

Na i py aw Areng, nang ly sa thai naira haiho len nai tavaimi risa kamta, kai mang y asa hai nai deaungkho y, kai ai pahyp y naimy ana nai khumichi ly athei iy atlym u ai. Nichi ly mana khala py eaung u ai ny y. Nichi ly eaung naira ngo pajau y nai deaungkho y, kangji nga u jojo ai. Nichi i kangji ly mana khala py tami pajau ai ny y.

TANGAM NAI LEU 3:25

Areng ly mymy ai ym nai khumi lutengchi teng y ly hawi hai reng.

MIKHA 7:7

Na i py kai ly Areng ai ajeng ai. Kai ai atleu ai nai Tameuh ai ym naimy ajeng ai. Kai i Tameuh ly kai i chiu sa nai tangai pi ai.

JOHAN 15:25

Ati py ne sy mychi i Reita y, ‘Nichi ly ati sai py ny y pui naimy kai ai niu ngai y,’ nanai leu tajiu nai tym ai nai na a hi ly.

ROM AVANGCHI TENG Y PAWLA I CHA PA NAI 8:25

Achi ly amychi i niu thai y nai nga ai nai athang khai baly, achi ly huni ai ajeng tanga.