SAM 25:2 - Khumi Common Language Bible

² Kai i Tameuh, kai ly nang ai kang ym bo. Tavai sum iy kangji nga naira i nai kai ai atleu ba. Kai ly sum nai deaungkho y, paleung ka-echi ai paleung amo theu ai nai pei moh.

SAM 25:2 ပူးပေါင်းရင်းမြစ်များ

2 NENG SATANG 13:18

Juda chengchi ly mymychi i Areng Tameuh ai ym u nai deaungkho y Israela chengchi tlang tleaung y eaung naira nga u nai ne.

SAM 13:5

Kai ly nang i khaw parai nai tamen naira ai ym nai ne; nang ly kai ai atleu nai ne i, kai ly amo theu ai.

SAM 142:6

Sabawm naira nga ai nai kai i aeu nai raawi tangai pi kyh ba; kai ly khri pa-rei paleung phra atho di na bo. Kai tleaung y khri pa-rei atho awm nai paleung ka-echi kiu i nai kai ai atleu kyh ba.

SAM 18:2

Areng ly kai ai ama hai nai keung, kai i khaw parai nai khengsi apai ne. Kai i Tameuh ly kai ai ama hai nai deaungkho y kai ly chymme bo. Mymy ly khupui kamta kai ai ama hai. Kai mang y amtang hai iy kai ai chymme naimy ang khai.

SAM 22:1

Kai i Tameuh, aw kai i Tameuh, ati mana nai kai ai khai su lawh mo? Sabawmra nga ai nai kai ly aeu bo; na i py vai khrairei sabawm y rai.

SAM 22:5

Nichi ly nang teng y aeu naimy hnei takeng nai deaungkho y, ka-jeira i nai lawira nga u bo. Nichi ly nang ai ym u nai molam y, hawi naira nga u nai ne.

SAM 22:8

Nichi my, “Nang ly Areng ai ym lo-oh! Ati mana nai y nang ai atleu y lawh mo? Areng ly nang ai tamen nabaly, ati mana nai mymy ly nang ai atleu y lawh mo?,” nanai thui u.

SAM 31:1

Aw Areng, kai ly nang teng y abyh ai nai ahihawi bo. Kai ai mana khala py sum hai moh kyh ba. Nang ly leu meitang adyh adawi nai Tameuh ne. Kai ai atleu kyh ba; kai ly kang hnei kang takeng nai ne!

SAM 31:15

Kai i neng kanichi ly nang i kiu tleaung y awm; kai ai paleung ka-echi hawi ana pumpi nai khumichi kiu i nai atleu kyh ba.

SAM 31:2

Kai i hnei takeng nai tangai pi kyh ba! vaimy kai ai atleu kyh ba! Kai ai ama hai ai nai, kai i abyhra lengseaung ne. Ang sabawm ai nai kai i lengseaung yhm ne.

SAM 34:8

Areng ly mana tanrei hawi na mo, ai nangmy naimy hau ba. Mymy teng y chymme naimy awm ai nga nai khumi ly taham hawi.

SAM 37:40

Mymy ly nichi ai sabawm iy atleu bo. Nichi ly mymy teng y abyh u nai ne i, mymy ly nichi ai khumi hawi y naichi kiu i nai atleu bo.

SAM 41:11

Paleung ka-echi ly kai ai eaung ai ny y nai deaungkho y, kai i tlang tleaung y nangmy khrei, nanai kai pany pajau ai.

SAM 56:1

Aw Tameuh, kai ly atiu naira avum nai deaungkho y, kai ai pahen kyh ba; paleung ka-echi ly kai ai kani tleirei ana pumpi nai ne.

SAM 7:1

Aw kai i Areng Tameuh, kai ly nang teng y abyh nai ne; kai ai patiu ai nai anghau nai khumi bawibawichi kiu i nai kai ai atleu kyh ba.

SAM 71:1

Aw Areng, nang teng y abyh ai nai kai ly ahihawi nai ne; kai ai mana khala py, sum hai moh kyh jemjem ba!

SAM 91:2

Mymy teng y, “Nang ly kai ai ama hai nai hawi kai i abyhra lengseaung yhm ne; nang ly kai i Tameuh ne i, kai ly nang ai ym nai ne,” nanai thui pajau ai.

SAM 94:3

Khumi aso y naichi ly mana tanrei amo theu u ai mo? aw Areng, mana tanrei kra ai mo?

ISAIA 26:3

Aw Areng, nang ly paleung meitang ne i nang ai ym nai khumichi teng y tlamsa naira tatang pei pi bo.

ISAIA 28:16

Vai, ati cheaungkhang sa thai nai keung Areng my leu pei nai ly “Kai ly Zion y khaw parai pa-rei langdeng kapala ai. Kai ly ‘Hawihai palai ym naimy athang khai nai khumi ly kham tanga naimy ajeng nai ne,’ nanai tajiu typ nai cha abawi nai, khaw parai nai taki i lengseaung ai py, huni langdengra y khai pi ai.

ISAIA 37:10

Huni cha theung y, “Nang i paleung pado nai Tameuh my, nang ly kai i kiu y tla ai nanai leu pei nai molam y, ka-dawn tamang moh.

ISAIA 37:20

Aw, kaichi i Areng Tameuh, vaimy kaichi ai Asuria chengchi kiu i nai atleu pi kyh ba. Hunaibaly nangmy leaungrei naini Tameuh ne, nanai khaileaung pri y awm nai khumi cheng bawibawichi my pany u ai,” nanai takeng bo.

ISAIA 37:35

Kai ly kaimy i tahm awm nai ai py, kai i miseaung Davida teng y pei nai leu ka-deu molam py, hini mary ai ama hai ai,” napi.

ISAIA 41:16

Hunichi ai nangchi ly pachaw ai i, ali my hm nai pakheang iy. kamchaichi my ahei seaungkhrang hai ai. Naibaly kai ly nangchi i Tameuh ne nai deaungkho y, nangchi ly amo theu u ai. Nangchi py Israela chengchi i chai parai nai Tameuh, napi nai kai ai palo u ai.

ISAIA 49:23

Samrangchi ly ampo kamta nangchi ai ang kry iy, samrangnuchi ly amhm kamta pacho panei ai. Nichi ly lu meung naimy nang ai chiu u ai. Nichi ly tahm apanem naimy, nang ai tahm khai nai sai patei ai. Huna nai khala y kai ly Areng ne, nanai nangchi pany u ai. Kai i kasabawmra ajeng nai ngiereichi ly paleung phra ai ny y,” napi.

JEREMIA 17:18

Kai ai pahyp y naimy ana naichi ai kangji nga hai iy, kai ai kangjira i nai lawi hai ba. Nichi teng y kaso tahyn theu nai paleung kawi hai ly kai ai ly kaso tahyn theu hai moh ba. Nichi i tlang tleaung y ka-jeira tym hai iy, nichi ai phra hai pawn ba.

ROM AVANGCHI TENG Y PAWLA I CHA PA NAI 10:11

Tameuh i cha-iu ly, “Ami py mymy ai ym nai ngierei ly amthang leaung y ai,” napi nai ne.

ROM AVANGCHI TENG Y PAWLA I CHA PA NAI 5:5

naibaly Phailo Kachai achi teng y ang pei nai Tameuh i tamen naira ly achi i paleung y ang lei chum nai deaungkho y athang khai naira my ly amthang hai leaung y leang.

I PETERA 2:6

Ati mana nai mo nabaly Tameuh i cha-iu leu y ly, “Khen cham, Zion y ly taki i lengseaung aly len keh nai, Vawi takhra nai hawi vang teng parai nai kakhai nai ne; Ami py mymy ai ym nai ngierei ly amthang leaung y ai,” nanai tajiu nai ne.