SAM 25:16 - Khumi Common Language Bible

¹⁶ Aw Areng, kai ly bengtlairei khyh nai y atho di nai ne. Hunai deaungkho y kai mang y motha iy pahen kyh ba.

SAM 25:16 ပူးပေါင်းရင်းမြစ်များ

SAM 109:22

Kai ly kamawn kati cho ne; paleung pakawi theung y no-ei naimy awm bo.

SAM 119:132

Nang ai tamen nai khumichi ai pahen nai kamta, kai ai khen iy pahen teang kyh ba.

SAM 143:4

Hunai deaungkho y kai ly kasum pei ai nai angchi yb bo; khri pa-rei paleung phra atho di na bo.

SAM 32:5

Huna nai khala y kai ly kaimy i kamngochi ai, nangmy teng y pany hai bo. Kai i sa tamang naichi ai nang teng y apha y leang bo. Hunichi ai nang teng y ahui ai nai, kai i paleung y dawn yb veng bo. Nang ly kai i sa tamang nai ngiereichi, kamngo palawi pi bo.

SAM 60:1

Aw Tameuh, nang ly kaichi ai khai su iy sum hai; nang ly kaichi ai kado theu hai bo. Na i py vai, kaichi teng y jeu ali teang ba.

SAM 86:1

Kai ly atho di iy, jeaungmang naimy awm bo; huna nai y aw Areng, kai i hnei takeng nai tangai pi ly pathang pi kyh ba.

SAM 86:16

Kai teng y jeu ly kai ai pahen kyh ba; kai ai atho haiho pei iy atleu kyh ba; ati mana nai mo nabaly kai ly kai i amhm kamta, nang i miseaung kalop sa pi nai deaungkho y kai ai atho haiho pei iy atleu kyh ba.

DANIELA 9:17

Aw kaichi i Tameuh, nang i miseaungchi i chiu sa nai hawi hnei takeng nai tangai pi kyh ba. Nang ly Tameuh ne, nanai khumi luteng pany u ai nai, taphra vui nai nang i Achura yhm ai palum pi teang kyh ba.

MIKHA 7:19

Nang ly kaichi ai pahen pi bi ai. Nang ly kaichi i kamngochi ai chiu piupa iy, pangli theung y aphi pi vui ai!