SAM 25:11 - Khumi Common Language Bible

¹¹ Aw Areng, kai i kamngochi ly nawi parai. Hunai deaungkho y nangmy i adeu nai khaw hai iy, kai i kamngochi pahen pi kyh ba.

SAM 25:11 ပူးပေါင်းရင်းမြစ်များ

SAM 109:21

Na i py aw Areng, kai i Tameuh, nangmy i adeu nai kamta, kai ai sabawm kyh ba; nang i tamen nai saho y kai ai atleu kyh ba.

SAM 143:11

Aw Areng, nang i adeu nai kamta kai ai atleu kyh ba; nang i neaung hawi naira hawimy, kai ai ngari kamtangra i nai atleu pi kyh ba.

SAM 31:3

Nang ly kai i lengseaung hawi lengseaung yhm ne. Ka-deu awm nai kamta, kai ai lam patei kyh ba.

SAM 79:9

Aw Tameuh, kaichi ai sabawm ly atleu kyh ba; nang i amyn saho y kaichi ai atleu iy, kaichi i kamngochi py pahen pi kyh ba.

THEU NAI 34:7

Kai ly sang neangneang nawi parai nai cheng kangpreangchi teng y, kai i adeu nai leu meitang khaw hai ai; kai ly sa tamang nai hawi kamngo molam nichi i kamngo pahen pi ai. Na i py amhm ampochi i kamngo ai ly katu chanauchi i tlang tleaung y deung thom deung palyh tym pa-rei kapajeng ai,” napi.

ISAIA 43:25

Na i py kai ly kaimy i tahm awm nai molam y, nangchi ai kamngo pahen pi nai keung Tameuh ne.

ISAIA 48:9

“Khumichi my kai i amyn palo u ai nai, kai ly kaimy i kado theu nai am-yh vui ai. Kaimy i kado katheu am-yh vui iy, nangchi ai tamyh vui ai nai so y ai.

JEREMIA 14:7

Kai i khumichi my kai teng y, ‘Kaichi ly kaimychi i kamngo my thui tamawn teu i py, aw Areng, kaichi ai nangmy i amyn y sabawm kyh ba. Kaichi ly nang ai avaw avawrei, nithun kathun u bo. Nang i tlang tleaung y kamngo kasa u lawh bo,’ nanai aeu u.

Ezekiela 20:9

Na i py kai i amyn y nichi hawi vanrei awm u nai prichi teng y tahm anem y ai nai, huna nai kaso pi vai y. Ati mana nai mo na baly Israela chengchi ai Aikupta pri i dengdairei kapahawi ai nanai, nichi hawi vanrei awm u nai cheng takhrachi i mo y, kai ly adeu pi nai deaungkho y ne.

Ezekiela 36:22

Huna nai y Israela chengchi teng y sa thai naira angym nai kai, Areng my leu pei nai ly vai, kai i sa ai tau nai ly nang Israela chengchi i vui ny y; nangchi tym nai pri tleirei y kai i amyn kachai taphra nai molam y sa ai nai teu.

ROM AVANGCHI TENG Y PAWLA I CHA PA NAI 5:15

Na i py huni atiti jawm pei nai ly kamngo naira hawi atawm y leang teang. Khumi leaungrei ly kamngo nai deaungkho y malawn py khumi neangneang dei baly, Tameuh i pahenra hawi, huni pahenra i pei nai khumi leaungrei Isu Krista py khumi neangneangchi i tlang tleaung y bawn nai awm khyp bo.

I JOHAN 2:12

Bechi awi, mymy i amyn deaungkho y nangchi i kamngochi pahen chum nai y, nangchi teng y katajiu nai he.