SAM 25:10 - Khumi Common Language Bible

¹⁰ Leu Maikawm hawi Reita leu pei naichi atyp nai khumi bawibawichi ai nang ly tamen naira hawi py, ka-ym awm naira hawi py, lam patei nai ne.

SAM 25:10 ပူးပေါင်းရင်းမြစ်များ

ATITI AWM ANGCHEI NAI 17:1

Abram ly saneng vui takaw hongan takawrei awm nai khala y, Areng my Abram teng y amteng i, “Kai ly ati cheaungkhang sa thai nai Tameuh ne. Kai i leu tangai iy kalop kateng so ba.

ATITI AWM ANGCHEI NAI 24:27

“Kai i areng teng y adeu nai leu ai ka-ym awm hai nai keung, kai i areng Abraham i Areng Tameuh ai ly palo nai awm sy. Areng ly kai i areng i misochi teng y kai ai ang pahawi nai ne,” napi.

ATITI AWM ANGCHEI NAI 5:24

Mymy ly Tameuh hawi amkawm jojo nai deaungkho y Tameuh my la vui i, mymy ai ly niu ali y leang bo.

2 SAMUELA 15:20

Hini meingtym y tym nai py kra y rai nai deaungkho y, kai ly ati mana nai nang ai kai hawi vanrei meingtym tleirei y, amki hai ai mo? Kai py ma mang y chei ai mo, nanai kapany y. Nang ly nangmy i chengchi ai palau iy, vawi teang ba. Areng i ka-ym awm nai hawi pahen naira ly nang i tlang tleaung y tym hai sy,” napi.

SAM 138:7

Kai ai patang nairachi my ang taki meuh nai neng khala malawn py, nang ly kai ai ama hai bo. Nang ly kai i paleung ka-echi kado theu nai paka iy, sa thai naira hawimy kai ai atleu bo.

SAM 33:4

Areng i leu ly teng parai; mymy i sa nai kalopchi py, leu meitang hawi amlau nai ne.

SAM 40:11

Aw Areng, nang ly kai ai pahen jojo ai nai kai kapany; Nang i tamen naira hawi ka-ym awm nai ly kai ai ang kry jojo ai.

SAM 50:23

Kawn nai leu thui nai ly kai ai tahm khai nai ne. Kai i leu tangai nai khumi bawibawichi ai meitang khyp, kaimy atleu ai,” nanai leu pei bo.

SAM 57:3

Mymy ly kani pri mang dengdairei pathang iy, kai ai atleu bo; kai ai ana pumpi nai khumichi ai tiu pajau ai. Tameuh ly mymy i khaw parai nai tamen naira hawi ka-ym awm naira ly kai ai patei pi ai.

SAM 85:10

Tamen naira hawi ka-ym awm naira ly avum ai; leu meitang adyh adawi naira hawi tlamsa naira ly atakawi hawi ai.

SAM 89:14

Nang i pri ly kateng lam hawi leu meitang salo y langdeng pala nai ne; nang i sa nai ngiereichi ly tamen naira hawi ka-ym awm naira amteng bo.

SAM 91:14

Tameuh my, “Kai ai tamen nai khumichi ai kaimy atleu ai; kai ai Areng ne, nanai pany nai khumichi ai ly kaimy ama hai ai.

SAM 98:3

Mymy ly mymy i khaw parai nai tamen naira hawi ka-ym awm nai hawimy, Israela chengchi teng y adeu nai leu ly khaw hai bo. Meingtym tleirei y awm nai khumi bawibawichi ly achi i Tameuh i eaung nai niu u nai ne.

ISAIA 25:1

Aw Areng, nang ly kai i Tameuh ne. Kai ly nang ai tahm pasang iy, nang i amyn palo ai. Nang ly rengrang nairachi sa nai ne. Jangni khala i dengdairei pasym pi yb nai ka-dawnchi ai meitang khyp sa pi bo.

ISAIA 43:2

Nangchi ly tui thiu mang y tapai nai khala y, kai ly nangchi hawi vanrei awm ai. Ngari kamtangchi ly nangchi ai khiu ai ny y. Nangchi ly mai theung y aleaung nai khala y, mai my kang ai ny y. Khri pa-rei cham nairachi ly nangchi ai no patang nairachi tym hai ai ny y.

HOSEA 14:9

Tau cheng nai khumi hawi dawn pasym thai nai khumichi ly hini cha-iura tajiu nai ngiereichi ai dawn pany thai iy, paleung theung y pateung u me na sy. Areng my khai pi nai reitachi ly teng nai deaungkho y khumi kahawichi ly huni reita lamchi kamta tangai iy, heng u bo. Na i py kamngo sa nai khumichi ly huni reita lamchira y tako u y nai deaungkho y, athei thleaung iy atlym u nai ne.

ZEPHANIAH 2:3

Mymy i leu pei naichi tangai iy, paleung apanem nai khumi mipuichi awi, Areng teng y jeu u. Kahawi sa naimy Areng i mo y paleung apanem u. Areng i kado theu nai neng khala, nangchi ly pajeng naira i nai law tleaung naira nga u lym ai.

JOHAN 1:14

Naibaly Leu ly ngan lawn i, pahen naira hawi leu meitang hawi kawi iy, achi teng y awm bo: Ampo i Chapo leaungrei awm khyh nai nang parai nai sai kamta, achi ly mymy i nang parai nai sai niu bo.

JOHAN 1:17

Ati mana nai mo nabaly Mosi i saho y Reita ang pei bo; na i py pahenra hawi leu meitang py Isu Krista i saho y tym.

AMTAW 10:35

na i py cheng cheaungkhang theung y ami py mymy ai tahm khai iy kahawi sa nai ngierei ai ly ang kawn reng.

ROM AVANGCHI TENG Y PAWLA I CHA PA NAI 2:13

Reita thai jo khyh naichi ly Tameuh i mei ka-niu y khumi kahawi lawn y leang: reita patawm naichi naini khumi kahawi palawn ai:

ROM AVANGCHI TENG Y PAWLA I CHA PA NAI 8:28

Naibaly Tameuh ai tamen nai keung mymy i khai rym nai kamta palau naichi i vui ly ati py tym sy, mymychi i vui hawi ai naira theu hai reng, nanai achi pany.

HEBRAI 12:14

Khumi bawibawichi hawi aly naira ai hawi chai naira ai py hui u; huni chai naira ny y baly ami py Areng ai niu y ai;

JAKOB 5:11

Khen cham achi ly kham pajau tanga nai keungchi ly tahm hawi, napi. Joba kham pajau nai sai py nangchi thai u bo, naibaly Areng i kangkhym y sa nai sai py nangchi niu u bo, Areng ly pahen naira hawi neaung hawi naira my kawi.