SAM 24:7 - Khumi Common Language Bible

⁷ Mary apai katheu pa-khochi paeaung u; jangni i katheuchi py paeaung u; nang parai nai samrang kun ai.

SAM 24:7 ပူးပေါင်းရင်းမြစ်များ

2 SAMUELA 6:17

Khumichi ly Pawm angjeaung u i, Davida my sa yb nai tai theung i pasym yb nai meingtymra y khai u bo. Naibaly Davida ly Areng teng y leng patlum nai kapathyprachi hawi amkawm nai kapathyprachi talam nai ne.

1 ARENG KEH 8:11

Huna nai Achura Yhm ly Areng i nang parai naimy kawi nanai deaungkho y, pathyp pi nai keungchi ly mychi i kalop sa ai nai Achura Yhm theung y kun ali teang thai y bo.

1 ARENG KEH 8:6

Naibaly pathyp pi nai keungchi ly Leu Maikawm Pawm ai Achura Yhm theung y tym hai i, Khri pa-rei chai parai nai meingtymra y awm nai kherubenchi i pakhi anui y khai u bo.

SAM 132:8

Aw Areng, nang i sa thai nai ka-ma-ra Leu Maikawm Pawm hawi vanrei, Achura yhm y jeu pi kyh ly hu y deungtasarei awm pi ba.

SAM 21:1

Aw Areng, nang ly samrang teng y atho haiho pei nai deaungkho y ni ly amo theu; nang ly tavai eaung hai nai deaungkho y, ni ly khri pa-rei amo theu bo.

SAM 21:5

Nangmy sabawm nai deaungkho y, samrang ly sa thai naira angvang na. Nang ly ni ai amthang leaung ai nai hawi, apu parai naira pei pi bo.

SAM 97:6

Mymy i neaung hawi nai saichi ai kani khusang ly amthang hai i, khumi bawibawichi ly mymy i nang parai nai sai niu u nai ne.

ISAIA 26:2

Mary apai katheuchi paeaung chum baly kahawi sa nai khumi cheng, ka-ym awm nai khumi cheng kun ai nai pei u.

ISAIA 62:10

Jerusalem mary i khumichi awi, mary theung i nai theu u; amychi i pri y vawi nai nangchi i khumichi i vui lam so pi u! Lam pui lam len so u; lengseaungchi aphi u pawn! Khumi mipuichi pany hai ai nai ka-ma-ra tamkhawnchi theaung u.

MIKHA 4:8

Tameuh my angdeangra mang dengdairei, mymy i khumichi ai beram typ keung kamta kry nai meingtym Jerusalem mary awi, nang ly hini pri i mary pui lawm reng nai kamta, vai py mary pui lawm ai.

HAKAI 2:7

Khumi cheng cheaungkhangchi ai taphra pawn ai. Huni khumichi i muku tangka, yhmtheaungchi ai, hini meingtym y khumichi ai syn hai ai. Achura yhm py muku tangka, yhmtheaungchi hawi kawi naimy awm ai, nanai ati cheaungkhang sa thai nai Areng my leu pei bo.

HAKAI 2:9

Achura yhm kangtha ly Achura yhm kangngym tleaung y apu keh ai. Huni meingtym y kai ly kaimy i khumichi ai nang chawn hai iy, tlamsa naira pei ai, napi. Hini ly ati cheaungkhang sa thai nai Areng my thui nai leu ne.

MALAKHI 3:1

Ati cheaungkhang sa thai nai Areng my, “Kai ly kaimy i amtaw thau nai ai pato iy, kaimy i lam sa hai rym ai. Naibaly nangchi ajeng nai Areng ly mymy i Achura yhm y vaimy ang tym ai. Nangchi ajeng nai amtaw thau nai ly jeu iy, kai i Leu Maikawm satang pany hai ai,” napi.

MARKA 16:19

Hunaibaly Areng Isu ai ly nichi teng y leu thui pajau iy, kani pri mang y hawi kalau i, Tameuh i lamtang mang y ateh bo.

I KORINTH 2:8

Huni ly hini khaileaung pri i peang nai keungchi ly leaung py pany y: pany iy khyly nang parai nai Areng ai ly kraws tleaung y tahen ai ny y.

JAKOB 2:1

Amjo amnauchi awi, achi i Areng Isu Krista, nang parai nai Areng ai ym nai tarawi y khumi ai patle u takhra reng moh.

I PETERA 3:22

Isu Krista ly kani pri mang y lyn kalau iy Tameuh i lamtang mang y awm bo; kani pri i amtaw thau naichi hawi, aly peang nairachi hawi, atiti sa thai nairachi py mymy i ngaingai y awm hai bo.

II PETERA 3:18

Huni ny y naimy achi i Areng hawi Paheng Keung Isu Krista i pahenra y hawi pany naira y py veang u. Vai hawi deungtasa tym pa-rei py mymy teng y nang parai naira awm sy. Amen.

AMTENG HAI NAI 4:11

“Kaichi i Areng hawi Tameuh hawi, palo naira hawi, tahm pasang naira hawi, sa thai naira py nang ly nga ai ataing nai ne; Ati mana nai mo nabaly nang ly ati cheaungkhang sa i, hunichi nang ngai nai deaungkho y awm nai hawi sa nai ne,” nanai thui ai.