SAM 22:8 - Khumi Common Language Bible

⁸ Nichi my, “Nang ly Areng ai ym lo-oh! Ati mana nai y nang ai atleu y lawh mo? Areng ly nang ai tamen nabaly, ati mana nai mymy ly nang ai atleu y lawh mo?,” nanai thui u.

SAM 22:8 ပူးပေါင်းရင်းမြစ်များ

JOBA 16:4

Kai ly nangchi hawi meingtym angtheung ai nai nga lawh teu i khyly, nangchi katheu u nai kamta ly kai py katheu pajau nai ne. Kai ly khumi kacheng kamta, kaimy i lu heng naimy nangchi ai leu angdeungra anum hai pajau.

SAM 109:25

Khumichi ly kai ai niu nai khala y, panui hai u bo; nichi ly lu heang u naimy, tahm khai u y nai ne.

SAM 18:19

Kai, ka-jeira avum nai khala y mymy ly kai ai sabawm. Kai ai khrei nai deaungkho y atleu nai ne.

SAM 37:5

Nang ly nangmy ai Areng teng y a-au; hunaibaly mymy ly nang ai ang sabawm ai.

SAM 42:10

Kai i paleung ka-echi my, “Nang i Tameuh ly ma y mo?,” nanai kai ai avawvawirei angdeng i, nichi mei aniu y nai molam y, kai ly khri pa-rei paleung phra atho di bo.

SAM 55:22

Nang i myn kaji ai ly Areng teng y au; mymy ly nang ai ama hai iy ang kry ai; khumi kahawichi ai mana khala py, sum hai ai ny y.

SAM 71:11

“Ni i Tameuh ly ni ai khai su bo; ni ai atleu ai nai khumi leaungrei py by y nai deaungkho y, ni ai patiu u sina,” nanai thui u bo.

SAM 91:14

Tameuh my, “Kai ai tamen nai khumichi ai kaimy atleu ai; kai ai Areng ne, nanai pany nai khumichi ai ly kaimy ama hai ai.

LEU KACHENG 16:3

Nang i dawn tau naichi amtheaung hai ai nai, Areng teng y hnei. Naibaly nang i dawn tau naichi ly eaung ai mang.

ISAIA 42:1

Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

MATTHAI 12:18

“Khen cham, kai i miseaung kavawi nai, Kai i ngai parai nai, kai i paleung ly mymy i tlang tleaung y khrikhri pa-rei kawn parai; mymy i tlang tleaung y kai i Phailo kadaw pi ai, Hunaibaly mymy ly Cheng Takhrachi teng y tara chih nai leu thui pi ai.

MATTHAI 17:5

Ni ly thui dudu nai thym khala y khen cham, tamai kaleung parai nai ly mymychi ai deng; naibaly khen cham, tamai theung i dengdairei raawi ly, “Hini ly kai i Chapo ngai parai nai ne: kai ly mymy i tlang tleaung y khrikhri pa-rei kakawn parai: mymy i leu tangai u,” napi.

MATTHAI 3:17

Naibaly khen cham, kani pri mang i dengdairei raawi ly, “Hini ly kai i Chapo ngai parai nai ne, kai ly mymy i tlang tleaung y khrikhri pa-rei kakawn parai,” napi.

LUKA 23:35

Naibaly khumi mipuichi ly angdo iy angdeang. Naibaly miteaung kehchi my py, “Ni ly khumi takhrachi ai malawn py palawi chy bo; Tameuh i vawi nai Krista ne khyp baly amy ai py apalawi sy bei,” nanai panui hai.