SAM 22:6 - Khumi Common Language Bible

⁶ Na i py kai ly khumi ny y, thaideaung teu; khumi lutengchi my thui tamawn nai, khumi mei aniu y naira lawm bo.

SAM 22:6 ပူးပေါင်းရင်းမြစ်များ

2 NENG SATANG 14:11

Asa ly Areng Tameuh teng y, “Aw Areng, nang ly atho awm nai tavaimi kamkawm ai sabawm nai kamta, atho di nai tavaimi kamkawm ai py sabawm pajau. Aw kaichi i Areng Tameuh, kaichi ly nang ai paleung pado naimy nang i amyn y a-ym iy, hini khri pa-rei nawi nanai tavaimi kamkawm ai tiu ai nai theu u nai ne. Aw Areng, nang ly kaichi i Tameuh ne. Nang ai ly ami my py tiu pajau y leang,” nanai chiu sa bo.

JOBA 25:6

Hunai deaungkho y thaideaung hawi mipo kamta lawm nai khumi ly Tameuh i mo y ati thui bira awm rai mo?

SAM 25:3

Nang ai ym nai khumichi ly sum naira avum u y ai. Nang ai tiu ai nai panga y naichi naini sum u ai.

SAM 31:1

Aw Areng, kai ly nang teng y abyh ai nai ahihawi bo. Kai ai mana khala py sum hai moh kyh ba. Nang ly leu meitang adyh adawi nai Tameuh ne. Kai ai atleu kyh ba; kai ly kang hnei kang takeng nai ne!

SAM 31:11

Paleung ka-e bawibawichi ly kai ai panui hai. Yhm deaungpa my mei aniu y nai ang sa u kehkeh bo. Kai hawi apany nai ahawichi ly kai ai jei u nai ne. Kai hawi lam y avum nai khala y, angpreng u pawn bo.

SAM 41:5

Paleung ka-echi ly kai i satang hawi y nai thui u bo. Nichi my, “Hini khumi ly mana khala dei iy, khumichi my ni i amyn mana khala tami ai mo?,” nanai ka-e paleung katheu u bo.

SAM 88:8

Nang ly kai ai ahawichi my khai su hai bo; nang ly kai ai nichi i mo y angji ngailai hai bo. Kai ai ang paeung u cheng i, law tleaung pajau y bo.

ISAIA 41:14

Areng my, “Israela chengchi awi, nangchi i cheng ly theang, atho di teu i py jei u moh; nangchi ai kaimy kang sabawm ai. Nangchi ai atleu nai keung kai ly Israela chengchi i chai parai nai Tameuh ne.

ISAIA 49:7

Khumi cheng cheaungkhangchi my niu ngai y nai khri pa-rei avum iy, samrang hawi y naichi i miseaung teng y, Israela chengchi i chai parai nai Tameuh, atleu keung my, “Pri peang nai samrangchi ly nang ai law tleaung hai iy tahm ang khai u ai. Samrang i chapochi my py nang ai niu iy, tahm khai nai lu meung u ai.” Ati mana nai mo nabaly ka-ym awm nai Areng napi nai Israela chengchi i chai parai nai Tameuh ly nang ai vawi takhra nai deaungkho y ne,” napi.

ISAIA 53:3

Kaichi ly ni ai paso i, khai su nai ne. Ni ly ngari kamtang hawi no patang nai avum. Ni ai khen alengli nai khumi leaungrei py by y. Kaichi ly ni ai vang teng y nai khumi kamta, athang khai y naimy nai ne.

TANGAM NAI LEU 3:30

Ang pakhau nai hawi khumi aniu y nai avum teu i py, pany thai iy kham tanga ai nai avo.

MATTHAI 11:19

Khumi i Chapo ly ang jeu iy cha py cha, nei py nei i, ‘Khen cham, biu ha nai khumi, kreip athai hang ha nai khumi, akeu cheaung nai keungchi hawi khumi kamngochi i ahawi ho!” napi u lawh. Ne mang ly cheng naira ly mymy i atiti sa naira y eaung bo mang,” napi.

MATTHAI 12:24

Na i py Pharisaichi ly huna nai thai iy, “Hini khumi ly vawinam areng Beelzibula ny y baly vawinamchi ai patheu nai ny y leang,” napi.

JOHAN 7:15

Naibaly Judachi ly, “Hini khumi ly cha amtiu vai y naimy mana pany lawh?” napi i lyh parai.

JOHAN 7:20

Naibaly khumi mipuichi my ly, “Nang ai vawinam my nam nai teu:nang ai ami my padei ai nai hau mo?” nanai pathang.

JOHAN 8:48

Judachi my ly, “Nang ly Samari khumi ne; nang ai vawinam my nam bo, nanai kaichi i thui nai ly teng khyp lo-oh?” nanai pathang.

HEBRAI 13:12

Hunaibaly Isu py mymy i thi kypkyp i saho y khumichi ai pachai thai ai nai, apai pa-kho palem mang y patang bo.

AMTENG HAI NAI 15:3

Naibaly nichi ly Tameuh i miseaung Mosi i khulym hawi, Beram Cho i khulym py thui iy, “Aw! Atiti py Sa Thai Nai Areng Tameuh, Nang i atiti sa naichi ly nang parai nai hawi rengrang tlai nai ne: Aw! Cheng bawibawichi i Samrang, Nang i lam cheaungkhangchi ly hawi py hawi, teng py teng.