SAM 22:5 - Khumi Common Language Bible

⁵ Nichi ly nang teng y aeu naimy hnei takeng nai deaungkho y, ka-jeira i nai lawira nga u bo. Nichi ly nang ai ym u nai molam y, hawi naira nga u nai ne.

SAM 22:5 ပူးပေါင်းရင်းမြစ်များ

1 NENG SATANG 5:20

Huna nai khala nichi ly Tameuh ai ym i, sabawm ai nai chiu sa u. Tameuh my py pathang pi nai deaungkho y, nichi ly Hakara theaungchi hawi nichi ai sabawm nai tavaimichi ai eaung vui bo.

SAM 106:44

Na i py nichi aeu u nai khala y Areng ly thai i, nichi i ngari kamtang py pahen pi bo.

SAM 31:1

Aw Areng, kai ly nang teng y abyh ai nai ahihawi bo. Kai ai mana khala py sum hai moh kyh ba. Nang ly leu meitang adyh adawi nai Tameuh ne. Kai ai atleu kyh ba; kai ly kang hnei kang takeng nai ne!

SAM 71:1

Aw Areng, nang teng y abyh ai nai kai ly ahihawi nai ne; kai ai mana khala py, sum hai moh kyh jemjem ba!

ISAIA 45:17

Na i py Israela chengchi ly Areng i atleu nai nga u iy, nichi i eaung nai ly deungtasa akan jo ai. Nichi ly mana khala py, tahm anem u ai ny y.’ ”

ISAIA 49:23

Samrangchi ly ampo kamta nangchi ai ang kry iy, samrangnuchi ly amhm kamta pacho panei ai. Nichi ly lu meung naimy nang ai chiu u ai. Nichi ly tahm apanem naimy, nang ai tahm khai nai sai patei ai. Huna nai khala y kai ly Areng ne, nanai nangchi pany u ai. Kai i kasabawmra ajeng nai ngiereichi ly paleung phra ai ny y,” napi.

JEREMIA 50:7

Nichi ly mychi hawi avum nai khumi bawibawichi my tiu nai avum u nai ne. Nichi i paleung ka-echi my, ‘Huni khumichi ly Areng i tlang tleaung y tamang u nai deaungkho y, nichi ai kaichi i sa nai sai ly tamang y; nichi i amsi pajochi ly Areng ai ym nai khumichi ne nai deaungkho y, mymychi kypkyp py mymy i tlang tleaung y ka-ym awm ai tla nai ne,’ nanai thui u bo.

DANIELA 3:28

Samrang my, “Sadraka, Meshaka hawi Abedanekochi i chiu nai Tameuh ai palo u! Mymy ly kani pri amtaw thau ai pato iy, mymy ai ym u nai hini khumi leaung thomreichi ai atleu bo. Nichi ly mychi i Tameuh ai ny y baly, tameuh takhra teng y meung iy chiu ai nai tleaung y ly mychi i tlang dei vam nai, kai i leu tangai u y nai ne.

ROM AVANGCHI TENG Y PAWLA I CHA PA NAI 10:11

Tameuh i cha-iu ly, “Ami py mymy ai ym nai ngierei ly amthang leaung y ai,” napi nai ne.

ROM AVANGCHI TENG Y PAWLA I CHA PA NAI 9:33

“Khen cham, Zion y ly atlym naira lengseaung hawi paka naira lengseaung pui kakhai i, Ami py mymy ai ym nai ngierei ly amtheaung leaung y ai,” nanai tajiu nai kamta.

I PETERA 2:6

Ati mana nai mo nabaly Tameuh i cha-iu leu y ly, “Khen cham, Zion y ly taki i lengseaung aly len keh nai, Vawi takhra nai hawi vang teng parai nai kakhai nai ne; Ami py mymy ai ym nai ngierei ly amthang leaung y ai,” nanai tajiu nai ne.

TARA CHIH NAI KEUNGCHI 4:3

Samrang Jabin teng y tamo ka-ri chungvai takawrei awm; ni ly Israela chengchi ai saneng apomrei khrukhra hai iy, ana pumpi naimy peang bo. Huna nai khala Israela chengchi ly kasabawmra nga ai nai vo naimy, Areng ai kadeaung u nai ne.

TARA CHIH NAI KEUNGCHI 6:6

Israela chengchi ly nichi ai amtang pajau u y.