SAM 22:28 - Khumi Common Language Bible

²⁸ Areng ly samrang ne; khumi cheng cheaungkhangchi ai peang bo.

SAM 22:28 ပူးပေါင်းရင်းမြစ်များ

SAM 86:9

Nangmy sa nai khumi cheng cheaungkhangchi ly jeu iy, nang i mo y lu meung u ai; nichi ly nang i nang parai nai sai palo u ai.

ISAIA 2:2

Isaia my vai mo mang i neng khala y vai, Achura yhm awm nai mawi ly mawi bawibawichi ai cho iy, asang keh nai lawm ai. Khumi cheng bawibawichi py, huni mawi y jeu u ai.

ISAIA 45:22

“Khaileaung pri verei i khumi bawibawichi awi, Kai teng y jeu u ly atleu naira ngo u! Harei awm khyh nai Tameuh ly kai ne.

ISAIA 66:23

“Losi pawi kanichi hawi anawn kani tym nai tleirei, khumi cheng cheaungkhangchi ly Jerusalem mary y jeu iy, kai ai chiu u ai,” nanai Areng my leu pei bo.

DANIELA 7:14

Naibaly cheng leu cheaungkhang katheu nai khumi ngiereichi ly ni i kalop sa hai ai nai mymy ly ni teng y, peang ai naira hawi sa thai naira py, samrang i sa thai naira py, pei pi nai ne. Ni i sa thai naira haiho ly deungtasarei khaw jo ai i, ni i pri ly mana khala py phra ai ny y.

OBADIA 1:21

Eaung pawi nga nai Jerusalem mary i khumichi ly Edom pri y tiu i peang u ai. Huna nai khala Areng mymy kypkyp ly huni pri y samrang lawm ai.”

ZEPHANIAH 2:11

Areng ly nichi ai kaso theu hai ai. Mymy ly khaileaung pri y awm nai tameuhchi ai tama hai ai i, khumi cheng cheaungkhangchi ly mymychi i pri tleitleirei y, mymy ai chiu u ai.

ZEKHARIAH 14:9

Naibaly khaileaung pri verei y Areng my peang ai. Khumi bawibawichi my py, mymy ai mychi i Tameuh palawn iy chiu ai i, huni amyn harei naini pany u ai.

MATTHAI 6:13

Parawi naira y pahawi moh ba, Kaichi ai hawi y nairai y ly lawi hai kyh ba, nanai thui u.

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.