SAM 22:16 - Khumi Common Language Bible

¹⁶ Khumi hawi y naichi ly kai ai katanmeuh bo. Nichi ly kasui kanghuchi kamta kai i sahawi y ahihawi iy, kai i kiu kheuchi ai kei piupa bo.

SAM 22:16 ပူးပေါင်းရင်းမြစ်များ

SAM 22:1

Kai i Tameuh, aw kai i Tameuh, ati mana nai kai ai khai su lawh mo? Sabawmra nga ai nai kai ly aeu bo; na i py vai khrairei sabawm y rai.

SAM 22:20

Haisau bo ka-jeira i nai kai ai atleu kyh ba. Hini uichi ka-jeira i nai kai ai atleu kyh ba.

SAM 38:11

Kai i tamo angvawichi molam y ahawichi hawi yhm deaungpachi ly kai i sahawi y ahai u y. Kaimy i yhm dengtheungchi malawn py, kai teng y jeu u y na bo.

SAM 59:14

Kai i paleung ka-echi ly mary theung y dym tengsa vawi u iy, uichi kamta hmyh naimy aki aleaung u bo.

SAM 59:6

Nichi ly mary theung y dym tengsa vawi u iy, uichi kamta hmyh naimy aki aleaung u bo.

SAM 86:14

Aw Tameuh, paleung len amlyh nai khumichi ly kai ai padei ai nai atho sa u nai ne; nichi ly nang ai tahm khai u y.

ISAIA 53:5

Na i py achi i kamngo molam y, no pei nai tamo kalemchi nga iy, achi i hawi y sa nai molam y khyh pakhau nai avum nai ne. Ni ly huna nai kamngo pajeng nai kham pi nai deaungkho y, achi ly kamngo lawira nga bo. Ni i nga nai tamo kalem saho y, achi ly no hawi naira nga nai ne.

JEREMIA 12:6

Nang i yhm dengtheungchi hawi, nang i amjo amnauchi my malawn py, nang i tlang tleaung y ka-ym by y lawh bo. Nichi ly nangchi i makeng mang y abawi iy, nang ai hang hai bo. Nichi ly nang ai leu katheu hai teu i py, nichi ai nang ly ym moh,’ napi.

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

MATTHAI 26:57

Naibaly Isu ai patiu nai keungchi ly mymy ai ly pathyp pi nai keung kalen keh nai Kaiapha teng y pahawi u bo. Huni meingtym y Reita patiu nai keungchi hawi, miteaung kehchi ly awm u achu veng bo.

MATTHAI 27:35

Naibaly nichi ly mymy ai kraws tleaung y tahen u pajau iy tambe va i, mymy i ateaungchi amji u bo.

MATTHAI 7:6

“Atiti kachai ly uichi teng y pei u moh; nangchi i amiachi py euchi i mo y aphi u moh, ti y baly ati piupa nai hi iy ang kase lawh na.

MARKA 15:24

Naibaly nichi ly mymy ai kraws tleaung y tahen iy, mymy i ateaungchi leaung leaungrei mani mani nga ai mo, nanai pany ai nai tambe va iy, amji u bo.

LUKA 23:23

Na i py nichi my ly athorei my kraws tleaung y tahen ai nai takeng tanga. Naibaly nichi raawi my pajau bo.

LUKA 23:33

Naibaly Lu Hiu napi nai meingtym y tym i, hu y ly mymy ai kraws tleaung y tahen; khumi kamngo nini ai ly lamtang mang y leaungrei, langvawi mang y leaungrei tahen teang.

JOHAN 19:23

Naibaly tavaimichi ly Isu ai kraws tleaung y tahen pajau baly ni i ateaung la i phy palyhrei palawn, tavaimi leaungrei y phy phyrei teung u; baichu py la teang: baichu ly hui y nai baichu amjy, kaneaung i dengdairei bom verei aneng ve nai;

JOHAN 19:34

Ne mang ly tavaimichi theung y leaungrei ly ni i pana y tivi hawi thun i, thi hawi tui theu praw ryp.

JOHAN 19:37

Naibaly Tameuh i cha-iu leu sai takhra ly, “Nichi i thun nai ai ly nichi ly khen ai,” nanai tajiu bi.

JOHAN 20:25

Hunaibaly abangnai takhrachi my ly ni teng y, “Areng ai kaichi niu bo,” napi. Na i py mymy ly nichi teng y, “Ni i kiu y sengmo tahen nai satlang kai niu y baly, sengmo tahen nai satlang y kai i kiu pajeung katapo y baly, kai i kiu py ni i pana y katapo khyp y baly kai ym ai nai aveng,” napi.

JOHAN 20:27

Naibaly mymy ly Thoma teng y, “Nang i kiu pajeung thawi ly kai i kiu khen cham; nang i kiu thawi ly kai i pana y tapo; ym y naimy awm moh, ym ba,” napi.

PHILIPI 3:2

Uichi teng y ly amkym u, atiti kahawi so y naichi teng y ly amkym u, mymychi i ngan taphra naichi teng y py amkym u.

AMTENG HAI NAI 22:15

Angam mang y ly uichi py, atam kawpchi py, angai naichi py, khumi ai padei naichi py, myn y chiu naichi py, ka-chawi thui jeaung reng iy ka-chawi sa naichi py awm u bo.