SAM 22:14 - Khumi Common Language Bible

¹⁴ Kai i atho ly khaileaung y beu nai tui kamta phuirawm veng bo. Kai i hiu bawibawichi ly athlengthlai pawn bo. Taku theung i paleung pakawi ly tlawn vui nai phajeaungdeng kamta lawm bo.

SAM 22:14 ပူးပေါင်းရင်းမြစ်များ

JOBA 16:10

Khumichi ly kai ai cheh; taki kaleuteu iy kai i tangbeng ai tabeang u.

JOBA 23:16

Ati cheaungkhang sa thai nai Tameuh ly kai i atho di hai vui bo. Veng nai deaungkho y kai i meichi ly niu pajau y teu i py kai ai jei hyn hai nai ly veng naira ny y, Tameuh ne.

JOBA 30:16

Vai, kai ly deivi na bo. Kai i avum nai no patangra ly hawi kyh naira by y.

SAM 22:17

Kai i hiu bawibawi ly amteng seaungkhrang na. Paleung ka-echi ly kai ai amo theu naimy khen u ripati bo.

SAM 31:10

Kai ly paleung si tangam nai deaungkho y, paha na bo. Kavo nai deaungkho y kai i heng nai deung py dawi ai bo. Kai ly kaimy i avum nai ngari kamtang deaungkho y, atho bai na bo. Kai i hiuchi malawn py raw be bo.

SAM 35:21

Nichi my, “Ha ha, nang i sa nai kaichi niu,” nanai aeu iy, neng hai nai leu katheu u bo.

SAM 68:2

Mymy ly nichi ai ali theung y ajang nai maikhyh kamta, ajang hai pawn bo; phajeaungdeng ly mai kabi y tlawn nai kamta, khumi hawi y naichi ly Tameuh i mo y dei naimy phra u ai.

TANGAM NAI LEU 3:46

“Kaichi ly paleung ka-echi i mei aniu y naimy, panui hai nai avum u.

DANIELA 5:6

meimai takhuisui vui nai ne. Ni ly khri pa-rei jei hyn na i, meimai kadau vui nai kheukhu ahyn thlyhthlyh na bo.

NAHUM 2:10

Ninevi mary ly phra veng bo; khumi angso by y, savai tlang na bo! Khumichi ly khri pa-rei jei nai deaungkho y, paleung pakawi angto y vi na, kheukhu anghyn naimy, atho bai u na. Nichi i meimaira py, thi by y na bo.

MATTHAI 26:38

Naibaly mymy ly nichi teng y, “Kai ly dei ai nai pa-rei khrikhri pa-rei paleung mawn na; hi y awm u ly, kai hawi vanrei ajeng u rym paryp ba,” napi.

LUKA 22:44

Naibaly mymy ly khrikhri pa-rei phailo seaung i, chiu sa patyp bi, naibaly mymy i ka-ui ly thi amai len parai nai kamta khaileaung y leaung.

JOHAN 12:27

“Vai kai paleung mawn parai; ati kathui ai mo hi ly? ‘Ngaai, hini neng y ly kai ai lawi hai kyh,’ napi ai mo? Na i py hina ai nai kai ly hini neng i vui katym nai tang.

JOSUA 7:5

A-i mary i khumichi ly nichi ai mary apai pa-kho dengdairei, lengseaung tapiuchi awm nai meingtym ryrei tiu u i, mawi angthiura y Israela cheng leaung phai palyh tariurei vi padei iy, phyreichi ai langheng hawi u bo. Hunai deaungkho y Israela chengchi ly khri pa-rei paleung phra atho si u bo.