SAM 21:7 - Khumi Common Language Bible

⁷ Samrang ly ati cheaungkhang sa thai nai Areng ai ym nai ne. Areng i khaw parai naimy tamen nai saho y ni ly chymme ai.

SAM 21:7 ပူးပေါင်းရင်းမြစ်များ

SAM 13:5

Kai ly nang i khaw parai nai tamen naira ai ym nai ne; nang ly kai ai atleu nai ne i, kai ly amo theu ai.

SAM 16:8

Areng ly kai hawi vanrei awm, nanai kai avawrei pany; mymy ly kai i sahawi y awm nai deaungkho y, ati my py kai ai atlym hai pajau ai ny y.

SAM 18:2

Areng ly kai ai ama hai nai keung, kai i khaw parai nai khengsi apai ne. Kai i Tameuh ly kai ai ama hai nai deaungkho y kai ly chymme bo. Mymy ly khupui kamta kai ai ama hai. Kai mang y amtang hai iy kai ai chymme naimy ang khai.

SAM 26:1

Aw Areng, kai ly kateng sa iy nang ai paleung hawi verei ym nai khumi ne. Hunai deaungkho y kai teng y kamngo by y, nanai thai hai pi ba.

SAM 45:3

Sa thai naira len parai nai keung awi, haisau atai ba; samrang ly sa thai naira hawi phum-ang kawi angym nai ne.

SAM 61:4

Kai ai nang i taichy yhmra, deungrei awm ai nai pei kyh ba; nang i pakhi ka-khui anui y chymme naimy abyh ai nai pei kyh ba.

SAM 72:17

Samrang i amyn ly awm jojo sy; amyn amthang nai ly kanito kamta awm jojo sy. Tameuh ly samrang ai amtheaung naira pei nai kamta, khumi cheng cheaungkhangchi ly mychi ai py, amtheaung naira pei ai nai Tameuh teng y hnei u sy.

SAM 9:2

Nang i saho y amo theu naimy khulym thui ai. Ati cheaungkhang sa thai nai Tameuh, kai ly nang teng y palo nai khulym thui ai.

SAM 91:2

Mymy teng y, “Nang ly kai ai ama hai nai hawi kai i abyhra lengseaung yhm ne; nang ly kai i Tameuh ne i, kai ly nang ai ym nai ne,” nanai thui pajau ai.

DANIELA 7:14

Naibaly cheng leu cheaungkhang katheu nai khumi ngiereichi ly ni i kalop sa hai ai nai mymy ly ni teng y, peang ai naira hawi sa thai naira py, samrang i sa thai naira py, pei pi nai ne. Ni i sa thai naira haiho ly deungtasarei khaw jo ai i, ni i pri ly mana khala py phra ai ny y.

MATTHAI 27:43

Ni ly Tameuh ai ym chy bo; hawi mang, mymy ly ni ai ngai baly vai palawi sy; ‘Kai ly Tameuh i Chapo ne,’ na chy bo,” napi nai panui hai u.

HEBRAI 2:13

Naibaly, “Khen cham, kai hawi Tameuh i kai ai pei nai deaungdichi,” napi taleang bi.

1 SAMUELA 30:6

Davida i khumichi ly mychi i cho chanauchi chau pawn nai molam y paleung si naimy, Davida ai lengseaung hawi aphi ai nai pahyn nai deaungkho y, Davida ly rai naira avum bo. Na i py ni ly mymy i Areng Tameuh teng i dengdairei atho nga nai ne.