SAM 21:5 - Khumi Common Language Bible

⁵ Nangmy sabawm nai deaungkho y, samrang ly sa thai naira angvang na. Nang ly ni ai amthang leaung ai nai hawi, apu parai naira pei pi bo.

SAM 21:5 ပူးပေါင်းရင်းမြစ်များ

2 SAMUELA 7:19

Salo kangteng aw Areng, nang ly kai ai jangni i tleaung y pahen na lawh ly. Mo mang i neng khala avum ai nai kai i katu chanauchi i vui leu adeu pi bo. Salo kangteng aw Areng, nang ly hini satang khumi leaungrei teng y pany hai lawh bo ly!

1 ARENG KEH 3:14

Nang ly nangmy i ampo Davida kamta, kai i reitachi hawi leu pei naichi tangai baly, kai ly nang ai heng sau ai nai py kang pei ai,” napi.

1 NENG SATANG 17:27

Kai i kangpreangchi ly nang i mo y meimai nga jojo ai nai, nichi ai amtheaungra pei pi ai nai kang takeng. Aw Areng, nang ly nichi ai amtheaung naira pei pi bo. Nichi ly nang teng i amtheaung naira ngo jojo sy,” nanai chiu sa nai ne.

SAM 110:1

Areng my, “Kai ly nang i paleung ka-echi ai nang i kheu khaira lawn hai ai; huna nai lawm y ryrei ly kai i lamtang mang y ateh,” nanai kai i Areng teng y leu pei bo.

SAM 133:3

Heramon mawi salo y tla nai kadam ly Zion mawichi salo y tla nai kamta ne. Huni meingtym ly deungtasarei heng naira napi nai amtheaung naira ai Areng my pei nai meingtym ne.

SAM 3:3

Na i py aw Areng, nang ly khupui kamta ka-jeira i nai kai ai ama hai jojo; nang ly kai ai eaung naira pei iy sorai paleung angym hai teang bo.

SAM 61:7

Aw Tameuh, ni ai ly nang i mo y deungtasarei peang hai jojo kyh ba; nang i khaw parai nai tamen naira hawi, ka-ym awm nai molam y ni ai ama hai iy kry kyh ba.

SAM 62:7

Kai i atleu naira hawi nang parai naira ly Tameuh teng i nga nai ne; mymy naini sa thai naira len iy, ama hai nai lengseaung pui ne; kai i abyhra ly Tameuh ne.

SAM 8:5

Ni ai kani pri amtaw thauchi tleaung y anem hai iy, ni ai sa thai naira hawi nang parai naira py pei pi nai ne.

SAM 96:6

Phum-ang hawi tahm asang nai sai ly mymy ai taki naimy awm bo; sa thai naira hawi apu parai naira ly Achura yhm y awm nai ne.

ISAIA 63:1

“Edom pri Bozrah mary i dengdairei jeu nai khumi ly ami mo? Apu parai nai ateaung kamsen amthyp iy, atho haiho kawi angym naimy ang jeu nai khumi py ami mo? “Huni ly mymy i eaung naira amthang hai ai nai jeu nai keung, atleu ai nai sa thai naira awm nai keung Areng ne.

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

JOHAN 17:1

Isu my hini satang thui i, kani mang y angdeang iy,

JOHAN 17:22

Naibaly ani ly bomrei awm nai kamta nichi py bomrei awm thai ai nai, nang ly kai ai nang parai naira pei nai ly nichi teng y kapei bo;

JOHAN 17:5

Aw Ngaai, khaileaung pri by y rai khala y kai ly nang khi y nang parai naira kanga nai hawi ly vai ly kai ai palo.

HEBRAI 8:1

Hunaibaly kaichi i leu thui naichi theung y aly len keh nai ly hini ne he: achi ly hunai kamta pathyp pi nai keung kalen keh;

I PETERA 3:22

Isu Krista ly kani pri mang y lyn kalau iy Tameuh i lamtang mang y awm bo; kani pri i amtaw thau naichi hawi, aly peang nairachi hawi, atiti sa thai nairachi py mymy i ngaingai y awm hai bo.