SAM 20:8 - Khumi Common Language Bible

⁸ Huna nai khumichi ly athei iy atlym u ai. Na i py achi ly ang thau iy khaw parai naimy angdo ai.

SAM 20:8 ပူးပေါင်းရင်းမြစ်များ

2 ARENG KEH 19:23

Nang ly nangmy i tavai ka-ri bawibawichi hawi Lebanon mawi tleaung y asang keh nai mawichi ai tiu nai pajau, nanai kai teng y amlyh ai nai savaichi pato bo. Nang ly huni meingtym i asang keh nai saitleang keungchi hawi, apu keh nai maicha keungchi ai paliu naimy, atu thengreung pui theung y tym, nanai amlyh bo.

2 NENG SATANG 14:10

Huna nai khala Asa ly nichi ai tiu ai nai theu i, Zephathah leaunghawi y meingtym la.

2 NENG SATANG 14:11

Asa ly Areng Tameuh teng y, “Aw Areng, nang ly atho awm nai tavaimi kamkawm ai sabawm nai kamta, atho di nai tavaimi kamkawm ai py sabawm pajau. Aw kaichi i Areng Tameuh, kaichi ly nang ai paleung pado naimy nang i amyn y a-ym iy, hini khri pa-rei nawi nanai tavaimi kamkawm ai tiu ai nai theu u nai ne. Aw Areng, nang ly kaichi i Tameuh ne. Nang ai ly ami my py tiu pajau y leang,” nanai chiu sa bo.

EZARA 8:22

Achi i Tameuh ly mymy ai ym nai khumi bawibawichi ai amtheaung naira pei iy, mymy ai nithun thun nai khumichi ai ly niu ngai y iy pajeng reng, nanai samrang teng y amti pi bo. Huna nai y kai ly khuleaung lam y paleung ka-echi ai paka pi ai nai samrang teng i keaungngo tavaimi kasabawmra hnei ai nai ly kaji ai nai hawi parai.

SAM 124:8

Achi ai sabawm naira ly kani hawi khaileaung ai sa nai keung Areng teng i nga u nai ne.

SAM 125:1

Areng ai ym nai khumichi ly mana khala py asyh pajau y nai khaw jojo nai Zion mawi kamta lawn u bo.

SAM 33:16

Samrang napi nai ly my i tavaimi kamkawm pui deaungkho y, tavai eaung nai ny y; Tavaimi risa py my i atho haiho molam y eaung nai ny y.

SAM 33:17

Tavai keaungngochi ly eaung naira nga nai deaungkho y ati sai py ny y. Nichi i atho len nai py atleu pajau y leang.

LEU KACHENG 21:31

Khumichi ly tavai atiu ai nai vui y, keaungngochi angveirym pajau. Na i py eaung naira pei nai keung ly Areng ne.

HOSEA 14:4

Areng my, “Kai i khumichi ai kaimy teng y vawi hai ali teang ai. Kai ly nichi ai paleung hawi verei tamen ai; nichi i tlang tleaung y kado theu nai rym bo.

MIKHA 7:8

Kaichi i paleung ka-echi ly kaichi i kamngo nai molam y amo theu ai nai lam by y. Kaichi atlym i py, ang thau teang ai. Vai i neng y kaichi ly kaveng theung y awm i py, Areng ly kaichi i tlang tleaung y kangvang sangso tym hai ai.

JOSUA 11:4

Nichi ly pangli peang y awm nai sa-ichi jirei nawi nai tavaimi risachi hawi tavai thau u bo. Nichi teng y keaungngo hawi keaungngo ka-ri neangneang abawi.

TARA CHIH NAI KEUNGCHI 5:31

Aw Areng, nang i paleung ka-e bawibawichi ly hina nai kamta sum u sy; na i py nang i ahawichi ly achaw deaung nai kani si nai kamta, angvang phang sy! Naibaly Kanan pri y saneng vui palyh ryrei tlamsa nai ne.

1 SAMUELA 17:45

Davida my, “Nang ly haisau, tivi hawi jawhaw syn naimy kai teng y jeu bo; na i py kai ly nangmy ka-jo hau nai Israela tavaimichi i Tameuh, ati cheaungkhang sa thai nai Areng i amyn hawi kang jeu nai ne.