SAM 20:6 - Khumi Common Language Bible

⁶ Areng ly mymy i khai takhra pi nai samrang ai tavai eaung naira pei, nanai vai ly kai pany bo. Mymy ly nang i hnei takeng nai ai kani pri meingtym kachai mang dengdairei thai i, sa thai naira hawimy nang ai eaung nai pawi puichi ang pei bo.

SAM 20:6 ပူးပေါင်းရင်းမြစ်များ

1 ARENG KEH 8:30

Hini meingtym mang y mo tha naimy kai hawi nang i khumichi chiu sa nai khala y tangai pi kyh ba. Nangmy i awm nai kani pri mang dengdairei, kaichi i hnei takeng naichi tangai pi iy, kaichi i kamngo py pahen kyh ba.

1 ARENG KEH 8:43

nichi i hnei takeng nai ly tangai pi kyh ba. Nangmy i awm nai kani pri mang dengdairei tangai pi iy, ni i hnei nai kamta pathang pi kyh ba. Huna i naini, khaileaung pri y awm nai khumi bawibawichi ly nang i khumichi kamta, nang ai pany u iy jei kaji naimy tahm khai u ai. Hunaibaly nang i vui kaimy kang sa pi nai hini Achura Yhm ly chiu sa nai meingtym ne, nanai nichi pany u ai.

SAM 17:7

Nang i lyh ai hawi parai nai tamen naira amteng hai iy, kai ai atleu kyh ba; nang i sahawi y kai ly paleung ka-echi my patang hai naira i nai, law tleaung naira nga bo.

SAM 18:35

Aw Areng, nang ly kai ai ama hai iy atleu; nangmy kry palum nai deaungkho y kai ly veangryh veangryh bo. Nang i sa thai naira molam y chymme naimy awm.

SAM 18:50

Tameuh ly mymy i khai pi nai samrang ai eaung hai; mymy i khai takhra pi nai Davida i dengdairei, ni i kangpreangchi teng y khaw parai nai tamen naira deungtasarei patei pi bo.

SAM 2:2

Huni khumichi i samrangchi ly tiu u bo. Hunichi i samrangchi ly Areng hawi mymy i khai takhra nai samrang ai tiu ai nai kangviu y arum u nai ne.

SAM 28:8

Areng ly mymy i khumichi ai ama hai iy kry bo. Mymy khai takhra pi nai samrang ai ama hai iy atleu nai ne.

SAM 41:11

Paleung ka-echi ly kai ai eaung ai ny y nai deaungkho y, kai i tlang tleaung y nangmy khrei, nanai kai pany pajau ai.

SAM 9:15

Myn y chiu nai khumichi ly mychi i tai nai angawm theung y tla u. Mymychi i pateung nai deaungra y my, man u ali teang bo.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 58:9

Nangchi chiu sa nai khala y tangai pi ai. Nangchi kasabawmra hnei nai khala y kang pathang pi ai. “Nangchi ly pahyp y naimy ana naichi anawn iy, teng y naimy neng hai nai amkyn khala, chai y nai leu ngiereichi khai su;

ISAIA 63:15

Aw Areng, chai parai iy phum-ang angvang nai kani pri, napi nai, nangmy awm nai meingtym i dengdairei kaichi ai khen kathiu kyh ba. Kaichi i vui nang i paleung mawn hai nai ly ma y mo? Nang i sa thai naira ly ma y mo? Nang i tamen naira hawi pahen naira ly ma mang y mo? Kaichi ai khai su moh kyh ba.

MIKHA 4:5

Khumi cheng bawibawichi ly mymychi i tameuhchi ai chiu u akyhkyh iy leu tangai u teu i py, achi ly achi i Areng Tameuh ai deungtasa khrairei chiu iy leu tangai ai.

MATTHAI 6:9

Hunai deaungkho y nangchi ly hinai kamta chiu so u: Ngaai, kani pri mang y awm nai, Nangmy amyn tahm khai nai awm sy,

AMTAW 2:33

Mymy ai ly Tameuh i lamtang mang y pasang i, Phailo Kachai adeu nai ly Ampo teng i nga iy, hini nangchi i niu nai hawi thai nai ly ni i ang lei nai bo he.

AMTAW 2:36

Hunaibaly nangchi i tahen nai Isu ai ly Tameuh my Areng hawi Krista y palawn bo, nanai Israela cheng bawibawi my pany u khypkhyp sy,” napi.

AMTAW 4:10

Nazaret Isu Krista ai nangchi my kraws tleaung y tahen nai ly, Tameuh my ni ai kadeichi theung i dengdairei pathau bi nai ly, mymy i amyn kypkyp y hini khumi ly hi y nangchi i mo y hawi naimy angdo nai bo he.

AMTAW 5:31

Israelachi ai kamngo uikhei hai ai nai hawi pahen ai nai py, mymy kypkyp ai ly Tameuh my Areng hawi Paheng Keung y awm ai nai vui mymy i lamtang mang y pasang bo.