SAM 19:14 - Khumi Common Language Bible

¹⁴ Kai i abyhra ne iy kai ai atleu nai keung, aw Areng, kai i katheu nai leuchi hawi, paleung ka-dawnchi ly nang i kangai ne sy!

SAM 19:14 ပူးပေါင်းရင်းမြစ်များ

JOBA 19:25

Na i py kangkhym y ly angjeu iy, asa hai ai nai keung ly kani pri mang y awm, nanai kai pany bo.

SAM 104:34

Mymy ly kai ai amo theu hai nai deaungkho y, kai i thui nai khulym ly mymy kawn pi sy.

SAM 119:108

Aw Areng, kai i kawn nai leu thui naimy chiu sa nai ly kawn pi iy, nang i leu pei naichi py kai ai patiu pi kyh ba.

SAM 51:15

Aw Areng, kai i labeaung paeaung pi kyh ba; naibaly kai ly nang ai palo ai.

LEU KACHENG 15:8

Areng ly khumi kahawichi i chiu sa nai ai kawn pi; na i py khumi hawi y naichi i, apathyp nai tawnbawichi ai ly paso nai ne.

ISAIA 43:14

Israela chengchi teng y chai parai nai Tameuh, nangchi ai atleu nai Areng my, “Kai ly nangchi ai atleu ai nai tavaimi kamkawmchi ai, Babulon pri y pato pi ai. Mary katheu pa-khochi taphra pi pawn ai. Hunira y awm nai khumichi aeu nai raawi ly vo nai raawi mang y lawm hai ai.

ISAIA 44:6

Israela chengchi ai peang iy ama hai nai Areng, ati cheaungkhang sa thai nai keung Areng my, “Kai ly angchei khala i dengdai tem khala khrairei awm jojo nai keung harei khyh nai Tameuh ne. Kai ny y baly tameuh takhra by y.

ISAIA 47:4

Israela chengchi i chai parai nai Tameuh ly kaichi ai law tleaung hai bo. Mymy i amyn ly ati cheaungkhang sa thai nai Areng ne.

ISAIA 54:5

Nang ai sa nai keung ly nang i juvo kamta, nang ai ang kry ai. Ni i amyn ly ati cheaungkhang sa thai nai keung Areng ne. Israela chengchi i chai parai nai Tameuh ly nang ai atleu ai. Mymy ly khaileaung pri y peang nai keung ne.

ROM AVANGCHI TENG Y PAWLA I CHA PA NAI 15:16

Tameuh my ang pei nai pahenra deaungkho y nangchi ai kang dawn vau hai ai nai, mani sala y mo vam kyh naimy katajiu nai ne. Cheng Takhrachi ai talam nai ly Phailo Kachai my chai hai iy kawn ai ataing nai lawh thai ai nai, kai ly Tameuh i Satang Kahawi y kakry nai ne.

I THESALONIKA 1:10

mynchi mang i nai Tameuh mang y hi u pawn nai sai py pany hai u reng nai ne.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

HEBRAI 11:4

Ym naira deaungkho y Abela ly Kaina tleaung y apathyp naira hawi keh nai Tameuh teng y talam bo, huni deaungkho y mymy ly khumi kahawi ne, nanai pany hai naira nga bo; ati mana nia mo nabaly Tameuh my ni i atiti talam nai pany pi bo; naibaly huni deaungkho y mymy ly dei nai bo y py leu thui asai rai nai ne.

HEBRAI 13:15

Hunaibaly mymy i saho y palo naira ly apathyp naira lawn ai nai Tameuh teng y talam u reng sina, huni ly ni i amyn apha y nai labeaung athai ne.

I PETERA 2:5

mymy teng y jeu iy, nangchi ai py lengseaung kanghengchi kamta ly phailo mang i yhm sa naira y ang tabawi ai nai, Isu Krista i saho y Tameuh i ka-kawn phailo mang i apathyp naira ly talam iy, pathyp pi nai keung kachaichi lawn thai ai nai.

AMTENG HAI NAI 5:9

Naibaly nichi ly khulym kangtha thui iy, “Nang ly huni cha-iu aeang la ai nai hawi, huni i pajawp typ naira ka-ma-ra su ai nai py ataing: Ati mana nai mo nabaly nang tleh nai amteng i, cheng cheaungkhangchi hawi, leu cheaungkhangchi hawi, khumi cheaungkhangchi hawi, theaung cheaungkhangchi theung i nai Tameuh i vui y nang i thi hawi van bo;