SAM 18:9 - Khumi Common Language Bible

⁹ Mymy ly kani katheu paeaung iy satla kathiu bo. Kheu padawi anui y panum biu nai khupanymchi awm.

SAM 18:9 ပူးပေါင်းရင်းမြစ်များ

2 SAMUELA 22:10

Mymy ly kani katheu paeaung iy satla kathiu bo; kheu padawi anui y vengpang nai khupanymchi awm.

SAM 50:3

Achi i Tameuh ly ang jeu bo; na i py tyn kryh y naimy ang jeu nai ny y. Mymy i mo y ly mai kadeu kangveaung tawn kalawn naimy, mymy i sahawi y ali kamchai aho nai ne.

SAM 68:4

Tameuh ai khulym thui pi u; mymy i amyn y palo nai khulym thui u; tamai tleaung y atangnai keung i vui lam so pi u; mymy i amyn ly Areng ne; mymy i mo y amo theu u.

SAM 97:3

Mai kadeu ly mymy i mo y tako i, mymy i tengpang y awm nai paleung ka-echi ai kang hai bo.

THEU NAI 19:18

Areng ly mawi salo y mai kangveaung kamta satla kathiu nai deaungkho y Sinai mawi verei ly mai khyh my khiu cheng bo. Tamang mai khyh kamta mai khyh ly khyh kalau iy khumichi ly kaso theu u tliu na bo.

ISAIA 51:6

Kani khusang ai khen ang deng u; khaileaung ai py khen u! Kani khusang ly maikhyh kamta tama vui ai. Khaileaung ly ateaung tangym nai kamta phra dudu ai. Hini khaileaung i khumi bawibawichi py, pathau kamta dei be ai. Na i py kai i atleu naira ly deungtasarei awm jojo ai. Kai i eaung naira ly mana khala py phra ai ny y.

ISAIA 66:15

Areng ly mai kangveaung atang iy ang jeu ai. Mymy ly my i kado theu hai nai khumichi ai pajeng ai nai, ali lengli atang iy ang jeu ai.

JOELA 3:16

Areng ly Zion mawi salo y aeu bo. Jerusalem mary i dengdairei aeu. Khaileaung hawi kani khusang py amchyh u bo. Na i py mymy ly mymy i khumichi ai ama hai ai.

MATTHAI 24:29

“Na i py huni neng patang nai bo y ly kanito ai ly veng hai ai i, lo py angvang y leang bo, ka-sichi py kani mang i dengdairei tla ai i, kani mang i atiti sa thai nairachi ai ly ahyn hai ai;

MARKA 15:33

Naibaly kanithun bo nabaly kani ka-reu khala y khrairei pri veng bebe.

JOHAN 13:7

Isu my ni teng y, “Kai i atiti sa nai ly vai nang pany y leang rai; na i py vaini bo y pany thai ai,” nanai pathang.

Leu Thui Nai 33:26

Israela khumichi awi, nangchi i Tameuh ly ni hawi pata ai nai tameuh takhra by y; mymy ly phum-ang nang parai nai hawimy tamai atang iy, kani khusang tako prei naimy, nangchi ai sabawm ai nai ang jeu bo.

HEBRAI 12:26

Huni neng khala y mymy i raawi ly khaileaung ai tahyn bo; na i py vai mymy ly, “Vai tlenrei baly khaileaung khyh ny y i, kani ai py katahyn ai,” nanai leu adeu lawh veng.

II PETERA 3:10

Na i py Areng i kani ly kangviu khumi kamta ang tym takengkei ai; huni neng y ly kani ly khrikhri pa-reityn naimy tama ai i, atiti pakeungchi ly khri pa-rei angngo nai mai y kang nai tama ai, khaileaung hawi huni theung y atiti sa naichi ly mai y kang hai bebe ai.

AMTENG HAI NAI 20:11

Hunaibaly areng atehra kangleung kalen pui hawi, huni tleaung y ateh nai keung ai py kaniu; mymy i mei ka-niu dengdairei ly kani khaileaung preang pawn bo: hunini i vui y awmra py by y leang bo.