SAM 18:7 - Khumi Common Language Bible

⁷ Naibaly Tameuh i kado theu nai molam y, khaileaung amchyh na pa-rei kalei theu hai. Mawichi ly kheutang mang dengdairei amchyh. Sabawmra nga ai nai kai i aeu nai raawi, mymy ly thai bo.

SAM 18:7 ပူးပေါင်းရင်းမြစ်များ

SAM 34:16

Na i py hawi y sa nai khumichi ly dei nai khala, kra y naimy nichi ai tami pawn ai nai, mymy ly nichi ai ka-awi sa nai ne.

SAM 34:18

Areng ly paleung phra nai khumichi sahawi y awm. Athang khai naira pipi by y naichi ai atleu pi bo.

SAM 39:13

Kai dei iy tamo veng y rai khala, amo theu naira maidenreichy nga ai nai, kai teng i dengdairei meimai hi pi veng ba.

SAM 40:2

Mymy ly ka-jei awm parai nai angawm hawi aneaung kapan theung i nai, kai ai atheu kalau bo. Hunaibaly kai ai lengseaung salo y khai iy, chymme naira ang pei bo.

SAM 46:2

Hunai deaungkho y khaileaung ahyn naimy mawichi ly suida pangli theung y tla teu i py,

JEREMIA 4:24

Kai ly mawichi mang y khen bi nai khala, mawi katheang kalenchi ly ahyn ka-lau nai ne.

HABAKKUK 3:10

Nang ai niu nai khala, mawichi ly amchyh u; Kani mang dengdairei tuichi leaung. Khaileaung theung i tuichi ly katyn amsau na; tui sampyhchi py asang na bo.

HABAKKUK 3:6

Mymy anawn nai khala y, khaileaung amchyh na. Tlenrei khen lau nai ryrei my, khumi cheng cheaungkhangchi ahyn u bo. Deungrei awm nai mawichi ly dei lawm vui iy, jangni jangkhawn i neng y mymy aleaung reng nai, mymy awm jojo nai mawi katheangchi ly tama pawn veng bo.

ZEKHARIAH 14:4

Naibaly mymy ly Jerusalem mary nisi mang y awm nai olive mawi salo y angdo nai deaungkho y, olive mawi ly nidym, nisi phy nyhrei kawi thla iy leaunghawi pui lawm ai. Mawi seirei nai ly tosyh ngan mang y, takhra seirei nai ly tokalawi ngan mang y asyh vui ai.

MATTHAI 28:2

Naibaly khen cham, kaleih khri pa-rei theu bo, ati mana nai mo nabaly Areng i kani pri i amtaw thau nai leaungrei ly kani pri mang i dengdairei satla iy, lengseaung ai ly kasyh vui i, salo y ateh bo.

AMTAW 4:31

Naibaly nichi chiu sa pajau iy, mymychi i awm achu naira ahyn bo; naibaly nichi bawibawi ly Phailo Kachai my kawi i vam parai pa-rei Tameuh i leu thui pi.

I KORINTH 13:2

Naibaly kai ly leu thui thai ai naira awm iy, leu kathiu bawibawi hawi pany naira bawibawi pany bebe iy, mawi asyh vui pajau ai nai pa-rei ym naira kangym awm iy py, kai ly tamen naira by y pui baly kai ly ati sai py ny y leang.

Leu Thui Nai 32:22

Kai i kado theu nai ly mai kamta angveaung ai i, khaileaung tleaung y awm nai ngierei kang hai ai. Kado theu nai mai kangveaung ly tavau pri khrairei py, mawi kheutang khrairei py kang hai ai.

TARA CHIH NAI KEUNGCHI 5:4

Aw Areng, Sira mawi salo y nang jeu iy, Edom pri i dengdairei tavai thau nai khala, khaileaung amchyh na i, kani mang my kani nai hai. Khupanymchi dengdairei kanitui tla bo.