SAM 18:42 - Khumi Common Language Bible

⁴² Ali my hm iy ahei pawn nai spryh kamta lawm hai ai nai nichi ai kaimy tamyh pawn bo. Lam salo i aneaung kapanchi kamta, nichi ai kaimy chiu piupa bo.

SAM 18:42 ပူးပေါင်းရင်းမြစ်များ

2 ARENG KEH 13:7

Suria samrang i khaileaung spryh kamta taphra naira avum nai deaungkho y, Jehoaha teng y keaungngo risa leaung vuipangrei, tavai ka-ri horei hawi tavaimi leaung 10,000 rei naini awm khyh bo.

JOBA 27:9

Nichi patang nai neng khala, vo hang nai raawi ly Tameuh my thai pi na a?

SAM 50:22

“Kai ai dawndan y nai khumichi awi, hini molam y adawn pasym u; ti y lawh baly kai ly nangchi ai kang tamyh pawn ai. Nangchi ai atleu ai nai khumi leaungrei py awm ai ny y.

LEU KACHENG 1:28

Huna nai khala nangchi ly kai ai palau u ai. Na i py kai ly kang pathang pi ai ny y. Nangchi ly kai ai meingtym tleirei y, hau teu i py niu ai ny y.

ISAIA 10:6

Tameuh by y nai cheng hawi, kai ai kado ang theu hai nai khumichi ai tiu ai nai Asuria chengchi ai kapato bo. Nichi ly lawm nai hawi paviu naimy, huni khumichi ai spryh kamta lamchira y chiu piupa ai nai, kaimy kapato nai ne,” napi.

ISAIA 25:10

Areng ly Zion mawi ai ama hai ai. Na i py Moba pri khumichi ly sieichi hawi angtlen nai chohphi kamta, ati piupa nai avum ai.

ISAIA 41:2

Nisi pri mang i tavai eaung nai samrangai ami my hawi nai mo? Tym nai meingtym tleirei y ni ai ami my eaung ai nai pei mo? Ni ai samrang leilachi tleaung y py, khumi cheng cheaungkhangchi tleaung y py, ami my eaung ai nai pei nai mo? Ni i haisau ly paleung ka-echi ai spryh y ateng nai kamta ateng reng nai ne. Ni i thailihochi my py, huni khumichi ai ali my pakheang nai choh-ali kamta ahei hai reng nai ne.

ZEKHARIAH 10:5

Juda khumichi ly lamchira i aneaung kapan theung y, paleung ka-echi ai chiu piupa nai tavaimichi kamta, eaung naira nga u ai. Areng ly nichi hawi vanrei awm nai deaungkho y, nichi ly paleung ka-e keaungngo atang nai risachi ai malawn py tiu nai pajau vui ai.

MALAKHI 4:3

Kai i tara chih ai nai neng kani khala y, khumi hawi y naichi ai eaung naira nga u ai. Nichi ly nangchi kheu padawi anui i spryh kamta lawm ai.