SAM 18:30 - Khumi Common Language Bible

³⁰ Hini Tameuh i sa nai kalopchi ly angym parai na a! mymy i leusaichi py ym ai nai hawi parai! Mymy ly mymy teng y abyh nai khumi bawibawichi vui khupui kamta ne.

SAM 18:30 ပူးပေါင်းရင်းမြစ်များ

2 SAMUELA 22:31

Hini Tameuh i sa nai kalopchi ly angym nai ne; mymy i leu py ym ai nai hawi parai na ly! Mymy ly mymy ai ym nai khumi bawibawichi i vui khupui kamta ne.

SAM 119:140

Nang i adeu nai ly khri pa-rei ka-ym awm nai ne! kai ly huni adeu nai leu ai paleung apei nai ne!

SAM 12:6

Areng i adeu nai leuchi ly ym ai nai hawi; mai theung y tlen saryhrei patlawn chum nai tangka tangcheng kamta, ka-ym awm nai ne.

SAM 17:7

Nang i lyh ai hawi parai nai tamen naira amteng hai iy, kai ai atleu kyh ba; nang i sahawi y kai ly paleung ka-echi my patang hai naira i nai, law tleaung naira nga bo.

SAM 18:2

Areng ly kai ai ama hai nai keung, kai i khaw parai nai khengsi apai ne. Kai i Tameuh ly kai ai ama hai nai deaungkho y kai ly chymme bo. Mymy ly khupui kamta kai ai ama hai. Kai mang y amtang hai iy kai ai chymme naimy ang khai.

SAM 25:10

Leu Maikawm hawi Reita leu pei naichi atyp nai khumi bawibawichi ai nang ly tamen naira hawi py, ka-ym awm naira hawi py, lam patei nai ne.

LEU KACHENG 30:5

“Tameuh ly ka-ym awm nai ne. Mymy ly my teng y abyh nai khumi bawibawichi i vui khupui kamta ne.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

ROM AVANGCHI TENG Y PAWLA I CHA PA NAI 12:2

Hini khaileaung pri i reita kamta awm u moh ly huna ny y naimy nangchi ly Tameuh i kangai meitang nai hawi, kawn ai ataing nai hawi, hawi angym nai py dawn u cham thai ai nai paleung kangtha awm iy, takhra u veng jau.

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

AMTENG HAI NAI 15:3

Naibaly nichi ly Tameuh i miseaung Mosi i khulym hawi, Beram Cho i khulym py thui iy, “Aw! Atiti py Sa Thai Nai Areng Tameuh, Nang i atiti sa naichi ly nang parai nai hawi rengrang tlai nai ne: Aw! Cheng bawibawichi i Samrang, Nang i lam cheaungkhangchi ly hawi py hawi, teng py teng.