17 Mymy ly kai acham iy pajau y nai, khri pa-rei sa thai naira awm nai paleung ka-echi kiu i nai py, kai ai niu ngai y nai khumi bawibawichi kiu i nai py, kai ai atleu bo.
Mymy ly sa thai naira awm nai paleung ka-e, kai ai niu ngai y nai khumi bawibawichi kiu i nai kai ai atleu bo. Nichi ly kai, hui kai pajau y na pa-rei atho awm.
Kai ai patang nairachi my ang taki meuh nai neng khala malawn py, nang ly kai ai ama hai bo. Nang ly kai i paleung ka-echi kado theu nai paka iy, sa thai naira hawimy kai ai atleu bo.
Sabawm naira nga ai nai kai i aeu nai raawi tangai pi kyh ba; kai ly khri pa-rei paleung phra atho di na bo. Kai tleaung y khri pa-rei atho awm nai paleung ka-echi kiu i nai kai ai atleu kyh ba.
“Nang hawi ami atawm mo? Ami nai ly nang kamta, atho di nai khumi ai atho awm nai khumi my patang hai naira i nai py, ngari kamtang avum nai khumi ai ana nai khumi teng i nai py, ami my ama hai mo,” nanai Areng teng y kaimy i avum nai ka-dawn hawimy amti pi ai.
Aw Areng, kai ai pahen kyh ba! Paleung ka-echi molam y kai ly mana tanrei ngari kamtang avum na mo, nanai pany pi kyh ba! Aw Areng, kai ai deira i nai atleu kyh ba.