SAM 18:14 - Khumi Common Language Bible

¹⁴ Mymy ly thailihochi ko naimy, paleung ka-echi ai ahei hai pawn bo. Amlosadi theu hai naimy nichi ai angpreng hai bo.

SAM 18:14 ပူးပေါင်းရင်းမြစ်များ

JOBA 37:4

Naibaly huna nai amlosadi theu nai thym khala, phum-ang hawi kawi angym nai katyn kani pajyh nai thai na bo.

JOBA 37:5

Tameuh my leu pei nai khala, rengrang naichi hawi achi pany thai y na pa-rei, lyh ai hawi parai naichi theu hai bo.

JOBA 38:35

Nang ly amlosadi theu ai nai leu pei lawh teu baly, amlosadi kangvangchi my, “Kaichi ly nang i leu tangai ai nai angveirym nai ne,’ nanai thui u na a?

JOBA 6:4

Ati cheaungkhang sa thai nai Tameuh ly kai ai thailiho chyn hawi ko nai deaungkho y chyn kamtlau ly kai i ngan tlang theung y num be bo. Tameuh ly khri pa-rei jei ai hawi parai nai patangrachi, kai i tlang tleaung y tym hai ai nai khai yb bo.

SAM 144:6

Amlosadi theu hai iy nang i paleung ka-echi ai, ahei hai phro kyh ba; nang i thailihochi hawi ko iy, nichi ai angpreng hai pawn ba.

SAM 21:12

Ni ly thailiho hawi ko i, nichi ly anaw iy ang preng hai ai.

SAM 29:3

Areng i raawi ly panglichi salo y amsau bo. Nang parai nai hawi angym nai Tameuh ly kani pajyh hai. Mymy i raawi ly suida pangli salo y avah na bo.

SAM 29:7

Areng i raawi ly amlosadi kamta angvang hai bo.

SAM 77:17

Khupanymchi ly kanitui nai hai bo; kani mang y alipakang khawi i, khuteng taki palyhreichira y amlosadichi ang teaung na bo.

SAM 77:18

Nang i alipakang katyn ly amsau na i, amlosadi kangvang py, khaileaung pri verei y ang teaung na; khaileaung ly amchyh neung na bo.

ISAIA 30:30

Areng ly khumi bawibawichi teng y phum-ang angym nai raawi thai hai iy, mymy i kado theu nai haiho avum hai ai. Mai kadeu kangveaungchi, kani pajyh nai, ji amaichi tla nai hawi, khri pa-rei kani nai hai ai.

JOELA 2:11

Areng ly mymy i tavaimichi ai, kani pajyh nai katyn ka-tawm hawi leu pei nai ne. Mymy i leu pei nai tangai u nai tavaimi risachi ly vuikanai nawi, sa thai naira py awm. Areng i neng kani ly khri pa-rei jei ai hawi na ly! Huni neng kani ai ami katlen vui pajau ai mo?

HABAKKUK 3:11

Khri pa-rei rang nai thailiho chynchi ly angvang thlithlup iy, tivichi ly kangvang sadi nai khala y, kanito hawi lo ly anawn veng bo.

Kati Nai 24:8

Tameuh my nichi ai Aikupta pri i dengdairei pahawi bo; nichi ly salen katai kamta atho len. Nichi ly mychi i paleung ka-echi ai tiu nai pajau; paleung ka-echi i hiuchi hawi, nichi i thailihochi ai py khei piupa pawm bo.

Leu Thui Nai 32:23

“Kai ly nichi ai pajeng nairachi avum hai aninau ai. Kai i thailiho chynchi khei be na pa-rei nichi ai kako ai.

Leu Thui Nai 32:42

Kai i thailiho chynchira y nichi i thi leaung ai; kai i haisau ly kai ai paka nai khumi ngiereichi ai tamyh ai. Kai ai paleung ka-e khai nai khumichi ai leaungrei py kangheng khai ai ny y; tamo nga nai hawi langheng hawi naichi malawn py dei u be ai.

JOSUA 10:10

Areng ly paleung ka-echi ai ahei phro iy preang hai bo. Huna nai khala Israela risachi ly Kibeon mary theung y, paleung ka-e neangneangchi ai tleh iy, Bethoron mawi aleaung palem i, tokalawi mang Azeka mary hawi Mekeda marychi khrairei tiu u nai ne.

1 SAMUELA 2:10

Areng i paleung ka-echi ly tama naira avum ai; nichi i tlang tleaung y kani pajyh hai ai. Areng ly khaileaung pri verei y tara chih ai; mymy ly mymy i vawi takhra nai samrang ai sa thai naira angym hai iy, mymy i khai takhra nai khumi ai eaung naira pei ai,” nanai thui bo.