SAM 17:8 - Khumi Common Language Bible

⁸ Nangmy i meicho kangvai kamta kai ai kry kyh ba. Khumi hawi y naichi my tiu naira i nai kai ai

SAM 17:8 ပူးပေါင်းရင်းမြစ်များ

SAM 16:1

Aw Tameuh, kai ly nang teng y abyh bo; hunai deaungkho y kai ai ama hai iy kry ba.

SAM 36:7

Aw Tameuh, nang i khaw parai nai tamen naira ly khri pa-rei khrei ai nai hawi! Kaichi ly nang i pakhi ka-khui anui y chymme naimy kaawm u bo.

SAM 36:8

Kaichi ly nangmy lem phraiphreaung nai pa-rei pala pi nai teicha teinei cha ai nai kanga u bo. Nang ly kaichi ai nang i hawi naira, napi nai tavora i tui nei ai nai pei ba.

SAM 57:1

Kai ly nang teng y abyh ai nai ahihawi nai ne; hunai deaungkho y kai ai pahen kyh ba; aw Tameuh pahen kyh ba. Ali pui khu pui theu nai aham nai ryrei, kai ly nang i pakhi ka-khuira y abyh nai ne.

SAM 57:2

Kai i ngai nai ngiereichi ai pei nai keung tahm asang parai nai Tameuh teng y, kai ly kahnei bo.

SAM 61:4

Kai ai nang i taichy yhmra, deungrei awm ai nai pei kyh ba; nang i pakhi ka-khui anui y chymme naimy abyh ai nai pei kyh ba.

SAM 61:5

Aw Tameuh, nang ly kai i adeu nai leu ai tangai pi bo; mymy i nang parai nai sai ai palo u nai khumi teng y, pei pi nai yhmtheaung katui ly kai ai pei ba.

SAM 63:7

Ati mana nai mo nabaly nang ly kai ai avawrei sabawm nai deaungkho y ne. Kai ly nang i pakhi ka-khui anui y abyh iy, amo theu naimy khulym kathui ai.

SAM 91:1

Areng teng y abyh ai nai ahihawi nai khumi py, ati cheaungkhang sa thai nai keung i ama hai nai anui y awm nai khumi py,

SAM 91:4

Mymy ly my i pakhi hawimy, nang ai ang khiu ai; nang ly mymy i kry nai saho y chymme naimy awm ai; mymy i ka-ym awm naimy ly nang ai ama hai naira khupui lawm ai.

LEU KACHENG 7:2

Kai i thui pi nai kamta so ba. Huna nai sa baly nang heng ai. Nang ly nangmy i meicho kangvai ai akry nai kamta, kai i parip naichi tangai ba.

ZEKHARIAH 2:8

Nangchi ai tiu nai khumi ly kai i tahm khai keh nai ai tiu nai khumi ne,” napi. Hunai deaungkho y mymy i khumichi ai tiu nai khumichi teng y, hini satang thui pi ai nai kai ai ati cheaungkhang sa thai nai Areng my pato nai ne.

MATTHAI 23:37

“Aw Jerusalem, Jerusalem, amochi ai padei nai keung, nang teng y pato naichi ai ly lengseaung y aphi ka nai keung awi! A nu my mymy i chochi ai pakhi anui y o hai achu nai kamta, nang i chanauchi ai o hai achu ai nai tlen majirei kang tau mo?

LUKA 13:34

Aw Jerusalem, Jerusalem amochi ai padei nai keung nang teng y pato naichi ai ly lengseaung y aphi ka nai keung awi: A nu my mymy i chochi ai pakhi anui y o hai achu nai kamta, nang i chanuchi ai o hai achu ai nai tlen majirei kang tau mo? Na i py nangchi ly ngai u y.

Leu Thui Nai 32:10

“Mymy ly nichi ai ali ho nai daichi ka-vym theung y amki ryry nai niu baly, mymy i cho chanau kypkyp kamta nichi ai hawihai palai kry nai ne.

RUTHI 2:12

Areng ly huna nai molam y nang ai kawn nai vang pei sy; nang i abyh nai Israela chengchi i Areng Tameuh ly nang ai amtheaung naira angym pa-rei pei na sy!” napi.