SAM 16:7 - Khumi Common Language Bible

⁷ Areng ly kai ai lam patei nai deaungkho y, kai ly mymy ai kapalo bo. Kai i kangji ngailai nai paleung ly vum y kai ai ang pany hai pi nai ne.

SAM 16:7 ပူးပေါင်းရင်းမြစ်များ

SAM 119:148

Kai ly nang i parip naichi dawn pasym ai nai, vumtorei i y naimy aseaung jo nai ne.

SAM 119:55

Aw Areng, vum y kai ly nang ai tami y naimy nang i reita ai adawn pasym nai ne.

SAM 119:7

Kai ly nang i leu meitang naimy tara chih naichi ai tangai iy, chai parai nai paleung hawi nang ai palo ai.

SAM 17:3

Nang ly kai i paleung pany; vum y kai teng jeu iy kai i paleung awm nai sai hawihai palai cham nai khala, hawi y nai sai niu y.

SAM 22:2

Kai i Tameuh, kanithun khala y nang ai kang palau; na i py nang ly pathang y. Kai ly vum y kang palau bo; na i py kai ly paleung awmnem naira ngo y.

SAM 42:8

Kanithun neng khala y Areng ly mymy i khaw parai nai tamen naira patei pi na sy; naibaly vum aneng khala kai ly khulym thui iy, kai ai hengra pei nai keung Tameuh teng y chiu kasa pajau ai.

SAM 63:6

Kai ly ira salo y aseaung nai thym y, nang ai pany jo ai; vumtorei nang i satang adawn pasym naimy kaawm bo.

SAM 73:21

Kai ly paleung si paleung mawn iy, paleung no-ei nai khala y,

SAM 73:24

Nang ly kai ai tau pei naimy lam patei ai i, kangkhym y ly kai ai tahm pasang ai nai ngai ai.

SAM 77:2

Patang nai neng khala y kai ly Areng teng y chiu kasa; vumtorei kiu pheu iy chiu kasa bo; Na i py kai ly paleung awmnem naira ngo pajau y.

SAM 77:6

Kai ly vumtorei ka-dawn chumchi nai khala ly hina nai kaimy ai adeng ryp bo.

LEU KACHENG 8:14

Kai ly katauchi sa iy, amlum amcheang hai bo. Kai ly pany thai nai cheng naira hawi, sorai paleung py kawi angym nai ne.

ISAIA 26:9

Vum y kai ly nang ai paleung hawi verei kadeaung bo; khaileaung hawi khaileaung pri i khumichi ai nang ly tara chih nai khala y, adyh adawi naira, nanai ly ati mo, nanai nichi pany u ai.

ISAIA 48:17

Israela chengchi i chai parai nai Tameuh, nangchi ai atleu nai Areng my, “Kai ly nangchi hawi ai nai i vui y patiu pi iy, nangchi tako ai nai lam patei pi nai nangchi i Areng Tameuh ne.

ISAIA 50:4

Atho bai nai khumi ai atho awm teang ai nai mana atho pei ai mo, nanai kai Areng my leu pei nai ne. Mymy thui pi ai naichi tangai ai nai mymy ly kai ai khawn tleirei, awn hai na bo.

JEREMIA 12:2

Nang ly nichi ai pati nai deaungkho y, nichi ly tangjyn aviu, keung cheang iy athai thawn bo. Nichi ly nang i hawi nai sai thui u jojo i py, nichi ly angchi khyp, nang ai tahm khai u y leang.

JEREMIA 17:10

Kai Areng ly khumi i paleung awm nai sai khen patawm thai. Paleung ka-dawn ai py cham reng nai ne. Kai ly khumi bawibawichi ai nichi i sa nai molam y mychi i ka-tan hawi nai hawi y nai pei ai,” napi.

LUKA 6:12

Naibaly hina nai ne, huni neng khala y mymy ly theu i chiu sa ai nai mawi y chei iy Tameuh teng y vum torei chiu sa.

AMTENG HAI NAI 2:23

Naibaly mymy i chanauchi ai ly kapadei khyp ai; naibaly kai ly dawn naira hawi paleung khen patawm nai keung ne, nanai palau takhra kamkawm bawibawichi ly pany u ai; naibaly nangchi leaung leaungrei i atiti sa nai kamta kaimy kang heung ai.