SAM 16:10 - Khumi Common Language Bible

¹⁰ Ati mana nai mo nabaly nang ly kai ai tavau kho y chei ai nai pei y nai deaungkho y ne. Kai ly ka-ym awm parai naimy kalop sa pi bo. Kai ai deira tavau kho y au su ai ny y.

SAM 16:10 ပူးပေါင်းရင်းမြစ်များ

JOBA 11:8

Kani khusang malawn py, Tameuh ai pajyh patleh pajau y; na i py nang ly kani mang y tym thai y leang. Tameuh ly tavau pri satang pany; na i py nang ly pany y leang.

SAM 139:8

Kai ly kani mang y lyn kalau lawh baly, hu y nang awm; kai ly tavau kho y aseaung lawh baly, hunira y nang ly awm nai ne.

SAM 49:15

Na i py Tameuh ly kai ai atleu ai; deira areng kiu i nai kai ai atleu ai.

SAM 9:17

Tameuh ai khai su nai khumi bawibawichi hawi, khumi hawi y nai bawibawichi ly dei naira y lam tem u ai.

LEU KACHENG 15:11

Tavau pri y tym nai leaungsaichi malawn py, Areng i mo y tamym pajau y baly, khumichi ly mychi i paleung ka-dawnchi ai, Tameuh teng i dengdairei mana heu vui thai ai mo?

LEU KACHENG 27:20

Tavau saleaung y ly mana khala py, khumi kadei kawi vai y nai kamta, khumi i ngai naichi py, mana khala py angym bo, nanai by y.

ISAIA 14:9

Tavau pri ly Babulon samrang ai lamchung ai nai angveirym nai ne. Khaileaung pri y awm nai thym khala, khri pa-rei sa thai naira awm nai khumichi i phailochi ly aleaung ali u bo. Samrangchi i phailochi py, mychi i samrang atehrachira i nai ang thau u bo.

ISAIA 5:14

Tavau pri ly nichi ai pajawn ai ngai nai deaungkho y, my i labeaung ly ang pachaka na bo. Jerusalem mary i bangtangchi ai py, khru nganglang naimy kadosum nai khumi kanghu puichi hawi raurei, pajawn vui nai ne.

DANIELA 9:24

“Saneng vui saryh nai meingtym saryhrei nai neng ly nang i chengchi hawi nang i chai parai nai mary ai kamngo hawi, hawi y naira i nai, lawi hai ai nai Tameuh my khai pi takhra nai neng ne. Amteng hai nai hawi amo leu teng khyp nai sai pany hai ai nai hawi, chai parai nai Achura yhm khai takhra teang ai nai molam, Tameuh ly nichi i kamngochi pahen iy, deungtasarei leu meitang adyh adawi nai deung tym ai.

Levi 19:28

Nangmy i tlang tleaung y, mang athun moh, kadei i vui paleung mawn vo tangam nai i vui, nangmy i tlang y a-oh moh. Kai ly Areng ne.

AMOS 9:2

Khaileaung y angawm tai iy tavau pri y aheu teu i py, kai ly nichi ai ngo y nai nga pa-rei patiu ai. Kani mang y lyn kalau teu i py, nichi ai atheu kathiu ai.

Kati Nai 6:6

Ni i sam ly amymy ai Tameuh teng y aau nai ka-ma-ra ne; hunai deaungkho y ni ly amymy ai chai hai y ai nai, khumi tlaiveu sahawi y chei ai nai avo y; amhm ampo, amjo amnau, tuicho dei i py chei ai nai avo y.

LUKA 1:35

Naibaly kani pri i amtaw thau nai my ly pathang i mymy teng y, “Nang i tlang tleaung y Phailo Kachai tym ai i, Salo Kangteng i atiti sa thai naira ly nang ai khiu ai mang; hunai deaungkho y nang i tapen ai nai py kachai, Tameuh i Chapo napi ai.

LUKA 16:23

Naibaly tavau kho y ly no jojo nai kani mang y angdeang kalau i, palo paraira y Abraham ai hawi Lazara ni i paleung tleaung y tapawm nai py niu.

LUKA 4:34

“Aw, Nazaret Isu awi, kaichi hawi nang hawi ati amtawm mo? Nang ly kaichi ai tama hai ai nai jeu nai a? Nang ai ly kai pany mang, Tameuh i Khumi Kachai ne,” nanai aeu.

I KORINTH 15:42

Kadeichi i angthau bi nai sai py huna nai kamta atawm teang, Veaung thai nai tiu nai awm; veaung thai y nai pathau nai awm;

Leu Thui Nai 32:22

Kai i kado theu nai ly mai kamta angveaung ai i, khaileaung tleaung y awm nai ngierei kang hai ai. Kado theu nai mai kangveaung ly tavau pri khrairei py, mawi kheutang khrairei py kang hai ai.

AMTENG HAI NAI 1:18

“Jei moh; kai ly kangman keh nai hawi kangkhym keh nai hawi, heng nai keung py ne; kai ly dei i, na i py khen cham, deungtasarei i vui y kai ly heng teang nai ne, deira hawi tavaukho i sawchi py kai teng y awm.

AMTENG HAI NAI 20:13

Naibaly pangli ly mymy teng y awm nai khumi kadeichi ai theu hai bo; dei naira hawi tavau kho py hunichi teng y awm nai khumi kadeichi ai py theu hai bo; naibaly nichi leaung leaungrei ai ly mymychi i atiti sa naichi kamta tara chih pi bo.