SAM 150:4 - Khumi Common Language Bible

⁴ Atymchi beu iy lam naimy mymy ai palo u. Tarochi, byhlyhchi hawi mymy ai palo u.

SAM 150:4 ပူးပေါင်းရင်းမြစ်များ

JOBA 21:12

Taro hawi byhlyh katynchi kamlym y lam u.

JOBA 30:31

Vaichi khala paleung pathym savairu ai hawi nai khulym raawichi thai i py, vai, kai ly vo tangam nai raawichi naini thai lawh bo.

SAM 144:9

Aw Tameuh, kai ly khulym kangtha thui iy nang ai kang palo ai; taro beu iy khulym thui naimy palo ai.

SAM 149:3

Lam nai hawimy mymy i amyn palo u; atymchi hawi tarochi beu naimy mymy ai palo u.

SAM 33:2

Tarochi beu iy Areng ai palo u. Vui horei awm nai katyn kapau hawi, mymy i mo y khulym thui u.

SAM 45:8

Nang i ateaungchi ly mura, akjaw, sinamon mui katuichi mui amseaung na bo. Katyn kapau beu kawp naichi ly kasai nuh samrang yhmchira y, nang ai ang beu pi nai ne.

SAM 92:3

khawn tleirei nang i khaw parai nai tamen naira amthang hai iy, dym tleirei nang i ka-ym awm nai sai thai hai nai py, amlau parai nai ne.

THEU NAI 15:20

Aron i tuicho amo Miriam ly atym tava iy beu bo; takhra neampachy bawibawichi py atym beu iy lam naimy, ni i nithun abang u nai ne.

ISAIA 38:20

Aw Areng, nang ly kai i no ang vawi hawi hai bo. Kaichi ly tarochi beu iy, nang ai palo nai khulym thui u ai. Kaimychi heng nai sala ryrei ly nang i Achura yhm y palo nai khulym thui ai.

HABAKKUK 3:19

Ati cheaungkhang sa thai nai keung Areng ly kai ai atho pei bo. Nang ly kai ai sitha kamta kheu khaw hai iy, mawichira y chymme naimy khai bo.