SAM 15:5 - Khumi Common Language Bible

⁵ Nichi ly katy lo y naimy, mychi i tangka alai ai nai pei reng; kamngo by y nai khumichi ai pasum ai nai molam, un langseaung la iy pany hai pi nai leu thui vai y. Huna nai khumichi ly chymme naimy awm jo ai.

SAM 15:5 ပူးပေါင်းရင်းမြစ်များ

SAM 106:3

Ka-dyh ka-dawi sa iy kateng sa jojo nai khumichi ly taham hawi u nai ne.

SAM 112:6

Khumi kahawi ly mana khala py sum ai ny y; khumichi ly ni ai mana khala py tami ai ny y.

SAM 16:8

Areng ly kai hawi vanrei awm, nanai kai avawrei pany; mymy ly kai i sahawi y awm nai deaungkho y, ati my py kai ai atlym hai pajau ai ny y.

SAM 55:22

Nang i myn kaji ai ly Areng teng y au; mymy ly nang ai ama hai iy ang kry ai; khumi kahawichi ai mana khala py, sum hai ai ny y.

THEU NAI 22:24

Kai ly kado theu nai deaungkho y, nangchi ai tavai keung y dei hai ai. Naibaly nangchi i ajuchi ly neampachy lumai lawm ai i, nangchi i chanauchi py nuro nukai cho lawm u ai.

THEU NAI 22:25

“Nangchi ly kai i khumichi theung i mawn keh nai khumichi ai tangka alai ai nai pei baly, tangka paseng nai keung kamta ly ty cho moh.

LEU KACHENG 10:30

Khumi meitangchi ly chymme naira nga u jojo ai; na i py khumi hawi y naichi ly khaileaung pri y awm jo ai nai ngo y ai.

LEU KACHENG 12:3

Hawi y naira ly khaw parai pa-rei angdo pajau y; na i py khumi kahawichi ly khaw parai naimy angdo u pajau nai ne.

LEU KACHENG 15:27

Tau hawi y nai leaungsai hawi, kamran nga ai nai atho sa nai ly my i yhm dengtheungchi ai patangra tym hai ai; un langseaung lo y nai khumi ly heng sau ai.

ISAIA 33:15

Nangchi ly leu kateng thui katheu u ai nabaly, dei y naimy awm pajau nai ne. Khumi kamawnchi ai li-tapawp ai nai, nangchi i sa thai naira teaung u moh. Un langseaungchi py talam u moh. Khumi ai padei ai nai, takhra hawi y naichi sa ai nai ka-dawn awm naichi hawi amkawm u moh.

Ezekiela 18:17

Ni ly hawi y naichi amkyn iy kamran nga ai nai tangka py paseng y. Kai i Reitachi sa patawm iy kai i leu pei naichi py tangai. Ni ly ampo i kamngo molam y dei ai ny y, ni ly heng takengkei ai.

Ezekiela 18:27

Hawi y nai khumi ly hawi y sa naichi anawn iy kahawi kateng sa lawh baly, ni ly mymy i hengra nga hai nai khumi ne.

Ezekiela 18:8

Ni ly kamran nga ai nai tangka paseng y. Hawi y naichi ai amkyn iy ka-jo ka-thuira y py kahawi padyh padawi pi.

Ezekiela 22:12

Nang theung i nang i khumi phyreichi ly un cha iy, khumi ai padei nai keungchi lawm u bo. Phyrei khumichi ly mymychi Israela chengchi teng y tangka paseng i, kamran la iy mymychi ai nang hai u. Nichi ly kai ai tami u veng bo,” napi. Hini ly sa thai naira angym nai Areng i leu ne.

MIKHA 7:3

Nichi ly hawi y sa ai naira y kawp nai khumichi ne. Miteaung kehchi hawi tara chih nai keungchi ly un langseaung hnei u reng nai ne. Sa thai naira haidau awm nai khumi i kangai abang iy, nichi ly hawi y nai katau vanrei dawn u bo.

MATTHAI 26:15

“Mymy ai ly kaimy kang patiu hai ai nai majirei pei ai nai ngai mo?” napi. Naibaly nichi my ly tangka phairei vang pei.

JOHAN 13:17

Nangchi ly huni atitichi pany iy sa baly taham hawi ai.

Leu Thui Nai 16:19

Nichi ly tara chih nai khala teng y nai hawi meimai khen ai nai tlo y, un tangka py cha ai nai tlo y. Huni un langseaungchi ly khumi kachengchi hawi khumi kahawichi i mei paju hai iy, tara lam tamang hai reng nai ne.

Leu Thui Nai 23:21

“Nangchi ly nangmychi i Areng Tameuh teng y vaineng adeu baly, huni adeu nai kamta sa khyp ai nai pathlai moh, pathlai lawh baly nang teng y kamngo tym ai.

1 SAMUELA 12:3

Vai, kaimy awm nai thym khala y, sa tamang nai kamngo saisairei awm lawh teu baly, Areng i mo y py, mymy khai takhra pi nai samrang i mo y py, nangchi ly kai ai neng hai iy thui pi u; kai ly ami i si kala vui nai awm mo? Ami i keaungngo kano kasau ai, teng y naimy kala vui lawh mo? Kai ly khumi leaungrei ai li-tapawp nai mo, ana nai mo kasa vai a? unchi kala vai a? hina nai saisairei kasa nai awm lawh baly, kai ly hunichi kape teang ai,” napi.