SAM 149:6 - Khumi Common Language Bible

⁶ Pri bawibawichi ai tiu pajau iy, khumi cheng cheaungkhangchi ai pajeng ai nai py,

SAM 149:6 ပူးပေါင်းရင်းမြစ်များ

NEHEMIA 9:5

Naibaly Levi theaung Jeshua, Kamiela, Bani. Hashabaniah, Sherebiah, Hodiah, Shebaniah hawi Pethahiahchi my, “Angthau ly nangchi i Areng Tameuh ai palo u; mymy ai ly deungtasarei palo u! Tameuh ly khumichi my palo nai tleaung y phum-ang nang parai nai keung ne iy, achi bawibawi tleaung y amyn nang parai nai y palo u sina,” nanai chiu sa amteaung ai nai khumichi ai palau u bo.

SAM 115:7

Hunichi ly kiu awm i py nam thai y; kheuchi awm i py tako thai y; hunichi ly raawi katyn sai py patheu thai y.

SAM 66:17

Sabawmra nga ai nai, mymy teng y kai aeu bo; mymy ai khulymchi hawi kapalo pi ai.

SAM 96:4

Areng ly nang parai keh nai ne iy, khri pa-rei palo ai ataing nai ne; mymy ly tameuhchi bawibawi tleaung y, jei kaji naimy tahm khai ai ataing nai ne.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

OBADIA 1:21

Eaung pawi nga nai Jerusalem mary i khumichi ly Edom pri y tiu i peang u ai. Huna nai khala Areng mymy kypkyp ly huni pri y samrang lawm ai.”

LUKA 2:14

“Salo Kangteng i Tameuh nang parai nai awm sy, Khaileaung tleaung i mymy i kawn parai nai khuhmichi teng y aly nai awm sy,” nanai Tameuh ai palo.

HEBRAI 4:12

Ati mana nai mo nabaly Tameuh i leu ly heng i atiti sa thai, haisau bo nyhrei awm nai tleaung y py chiu i, hengra hawi phailo py, hiu lenglaw hawi aleng khawi takhra pa-rei thun pajau:paleung y dawn nai hawi tau naichi py chih praw thai nai ne.

AMTENG HAI NAI 1:16

Naibaly ni ly mymy i lamtang mang i kiu y ka-si saryhrei syn i, my i labeaung dengdairei haisau kachiu bo nyhrei awm nai theu bo; naibaly mymy i meimai ly kanito kangvang sadi pa la nai kamta ne.

AMTENG HAI NAI 19:6

Naibaly khumi mipui neangneangchi i raawi kamta hawi, tui kamsau katyn kamta hawi, khri pa-rei kani pajyh nai katyn kamta py, “Haleluja! Achi i Areng Tameuh, Atiti py Sa Thai Nai Keung ly peang bo.

TARA CHIH NAI KEUNGCHI 3:16

Ehu ly my i vui miurei awm iy, bo nyhrei awm nai haisau harei sa; huni haisau ai my i lamtang phai, baichu ateaungchi anui y kawm tabom nai ne.